Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Genesa 25:1-34

25  Ku tlula kwalaho, Abrahama a tlhela a teka nsati, vito ra yena a ku ri Ketura.+  Hi ku famba ka nkarhi a n’wi tswalela Zimrana na Yokixani na Medani na Midiyani+ na Ixibaka na Xuwe.+  Yokixani a va tata wa Xeba+ na Dedani.+ Vana va Dedani a ku ri Axurimi na Letuxima na Lewumima.  Vana va Midiyani a ku ri Efa+ na Efere na Hanoko na Abayida na Elida.+ Lava hinkwavo a va ri vana va Ketura.  Endzhaku Abrahama a nyika Isaka+ hinkwaswo leswi a a ri na swona,  kambe vana va vasati lavatsongo lava Abrahama a a ri na vona, Abrahama a va nyika tinyiko.+ Kutani a va fambisa a ha hanya va suka eka Isaka n’wana wakwe,+ a va yisa tlhelo ra vuxa, etikweni ra le Vuxeni.+  Masiku ya malembe lawa Abrahama a ma hanyeke hi lawa, i malembe ya 175.  Kutani Abrahama a timeka a fa a dyuhele swinene, a kurile naswona a enerisekile, hiloko a vekiwa eka varikwavo.+  Kutani Isaka na Iximayele vana vakwe va n’wi lahla ebakweni ra Makapela ensin’wini ya Efroni n’wana wa Sohari lowa Muheti, leyi nga emahlweni ka Mamre,+ 10  nsimu leyi Abrahama a nga yi xava eka vana va Heti. Abrahama a lahliwa kwalaho, swin’we na Sara nsati+ wakwe. 11  Endzhaku ka rifu ra Abrahama, Xikwembu xi hambeta xi katekisa Isaka n’wana+ wakwe, naswona Isaka a a tshama ekusuhi na Bera-lahayi-royi.+ 12  Lawa i matimu ya Iximayele+ n’wana wa Abrahama loyi Agara lowa Muegipta nandza wa Sara a nga n’wi tswalela Abrahama.+ 13  Lawa i mavito ya vana va Iximayele, hi mavito ya vona, hi ku ya hi masungulo ya mindyangu ya vona: Mativula ya Iximayele i Nebayoto+ ku landzela Kedari+ na Adibiyele na Mibisama+ 14  na Mixama na Duma na Masa, 15  Hadada+ na Thema,+ Yeturi, Nafixi na Kedema.+ 16  Lava hi vona vana va Iximayele, naswona lawa i mavito ya vona hi ku ya hi swivava swa vona ni hi mixaxa+ ya vona leyi biyeriweke: tindhuna ta 12 hi ku ya hi swivongo+ swa tona. 17  Malembe ya ku hanya ka Iximayele hi lawa, i malembe ya 137. Kutani a timeka a fa, hiloko a vekiwa eka varikwavo.+ 18  Kutani va tshama ku sukela eHavhila+ ekusuhi na Xure,+ leyi nga emahlweni ka Egipta, ku ya fika eAsiriya. A fika a tshama+ emahlweni ka vamakwavo hinkwavo. 19  Lawa i matimu ya Isaka n’wana wa Abrahama.+ Abrahama a va tata wa Isaka. 20  Isaka a a ri ni malembe ya 40 hi vukhale loko a teka Raveka, n’wana wa Bethuwele+ lowa Musiriya+ wa le Padani-aramu a va nsati wakwe, makwavo wa xisati wa Labani lowa Musiriya. 21  Isaka a tshamela ku kombela eka Yehovha ngopfu-ngopfu a kombelela nsati+ wakwe hikuva a a ri mhika;+ hikwalaho Yehovha a hlamula xikombelo xa yena,+ Raveka nsati wakwe a tika. 22  Kutani vana lava nga endzeni ka yena va lwa,+ hikwalaho a ku: “Loko swi ri hi ndlela leyi, hikwalaho ka yini ndzi hanya?” Hiloko a famba a ya vutisa eka Yehovha.+ 23  Yehovha a ku eka yena: “Ku ni matiko mambirhi ekhwirini+ ra wena, naswona vanhu va matiko mambirhi va ta hambanisiwa eka swirho+ swa wena swa le ndzeni; vanhu va tiko lerin’wana va ta va ni matimba ku tlula vanhu va tiko+ lerin’wanyana, naswona lonkulu u ta tirhela lontsongo.”+ 24  Hakatsongo-tsongo masiku yakwe ya ku veleka ma fika, kutani waswivo, a ku ri ni mahahla+ ekhwirini rakwe. 25  Wo sungula a huma a tshwukile hinkwako-nkwako ku fana ni nguvu ya ximfumo ya voya;+ kutani a n’wi thya vito ra Esawu.+ 26  Endzhaku ka sweswo makwavo a huma, voko ra yena ri khomelele exirhendzeni xa Esawu;+ kutani a n’wi thya vito ra Yakobe.+ Isaka a a ri ni malembe ya 60 hi vukhale loko yena a va veleka. 27  Kutani vafana lava va kula, Esawu a va munhu la tivaka ku hlota,+ munhu wa le nhoveni, kambe Yakobe a va munhu+ la pfumalaka xisandzu, a tshama emintsongeni.+ 28  Isaka a a rhandza Esawu hikuva a swi vula leswaku u ta dya nyama, kasi Raveka a a rhandza Yakobe.+ 29  Siku rin’wana Yakobe a a ri karhi a sweka xiculu loko Esawu a vuya hi le ku hloteni enhoveni, a a karhele. 30  Kutani Esawu a ku eka Yakobe: “Ndza ku kombela, hatlisa u ndzi nyika swo tshwuka ndzi dya—sweswo swo tshwuka, hikuva ndzi karhele!” Hi yona mhaka leyi a nga thyiwa vito ra Edomu.+ 31  Hiloko Yakobe a ku: “Rhanga hi ku ndzi xavisela mfanelo ya wena ya ku va mativula!”+ 32  Esawu a ya emahlweni a ku: “Vona, ndzi ta fa, xana mfanelo ya mina ya ku va lonkulu hi ku velekiwa yi ndzi pfuna hi yini?” 33  Kutani Yakobe a engeta a ku: “Rhanga hi ku ndzi hlambanyela!”+ Kutani a n’wi hlambanyela ni ku xavisa mfanelo yakwe ya ku va mativula eka Yakobe.+ 34  Hiloko Yakobe a nyika Esawu xinkwa ni xiculu xa tinyawa, a dya a tlhela a nwa.+ Kutani a suka a famba. Kavaloko Esawu a lahla mfanelo ya ku va lonkulu hi ku velekiwa.+

Tinhlamuselo ta le hansi