Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Genesa 21:1-34

21  Kutani Yehovha a yisa nyingiso wakwe eka Sara hilaha a vuleke hakona, Yehovha a endla hilaha a vuleke+ hakona eka Sara.  Sara a tika+ kutani a tswalela Abrahama n’wana emalembeni yakwe ya vudyuhari enkarhini lowu vekiweke, lowu Xikwembu xi vulavuleke na yena ha wona.+  Hikwalaho Abrahama a n’wi thya vito ra Isaka,+ n’wana wakwe loyi a velekeriweke yena, loyi Sara a n’wi tswaleleke yena.  Kutani Abrahama a yimbisa Isaka n’wana wakwe loko a ri ni masiku ya nhungu hi vukhale, hilaha Xikwembu xi n’wi leriseke hakona.+  Abrahama a a ri ni malembe ya 100 hi vukhale loko a tswaleriwa Isaka n’wana wakwe.  Kutani Sara a ku: “Xikwembu xi ndzi lunghiselele ku hlekiwa: un’wana ni un’wana loyi a nga ta swi twa u ta ndzi hleka.”+  A engeta a ku: “I mani loyi a a ta byela Abrahama a ku, ‘Kunene Sara u ta an’wisa vana,’ tanihi leswi ndzi velekeke n’wana emalembeni yakwe ya vudyuhari?”  N’wana a kula naswona a lumuriwa;+ kutani Abrahama a lunghiselela nkhuvo lowukulu hi siku ra ku lumuriwa ka Isaka.  Sara a a tshamela ku vona n’wana loyi Agara lowa Muegipta+ a n’wi tswaleleke Abrahama, a ri karhi a vungunya.+ 10  Kutani a ku eka Abrahama: “Hlongola hlonga leri ra xisati ni n’wana wa rona, hikuva n’wana wa hlonga leri ra xisati a nga ka a nga vi mudyandzhaka swin’we ni n’wana wa mina Isaka!”+ 11  Kambe leswi a swi n’wi tsakisanga Abrahama nikatsongo malunghana ni n’wana+ wakwe. 12  Kutani Xikwembu xi ku eka Abrahama: “U nga pfumeleli nchumu xa leswi Sara a tshamelaka ku ku byela swona malunghana ni mufana ni hlonga ra wena ra xisati xi ku hetela ntsako. Yingisa rito rakwe, hikuva leswi swi nga ta vitaniwa mbewu ya wena swi ta huma eka Isaka.+ 13  Loko ku ri n’wana wa hlonga ra xisati,+ na yena ndzi ta n’wi endla tiko, hikuva i n’wana+ wa wena.” 14  Abrahama a pfuka nimpundzu swinene kutani a teka xinkwa ni gula ra dzovo ra mati a swi nyika Agara,+ a swi veka ekatleni ra yena, a n’wi nyika ni n’wana,+ a n’wi hlongola. Kutani a famba a tsendzeleka emananga ya Bera-xeba.+ 15  Eku heteleleni mati ma hela+ eguleni ra dzovo, kutani a lahlela+ n’wana ehansi ka xin’wana xa swihlahla. 16  Hiloko a suka a ya tshama ehansi a ri yexe, empfhukeni wo ringana ku copiwa ka vurha, hikuva u te: “A ndzi lavi ku swi vona loko n’wana a fa.”+ Hikwalaho a tshamela ekulenyana kutani a sungula ku tlakusa rito rakwe a rila.+ 17  Hiloko Xikwembu xi twa rito ra mufana,+ kutani ntsumi ya Xikwembu yi vitana Agara yi ri ematilweni, yi ku eka yena:+ “Swo yini hi wena, Agara? U nga chavi, hikuva Xikwembu xi twe rito ra mufana lahaya a nga kona. 18  Suka u yima, tlakula mufana u n’wi khoma hi voko, hikuva ndzi ta n’wi endla tiko+ lerikulu.” 19  Xikwembu xi n’wi pfula mahlo kutani a vona xihlovo xa mati;+ a famba a ya tata gula ra dzovo hi mati, a nyika ni mufana leswaku a nwa. 20  Xikwembu xi hambeta xi va ni mufana,+ a ya emahlweni a kula, a tshama emananga; a va mucopi.+ 21  Kutani a ya tshama emananga ya Parani,+ mana wakwe a n’wi tekela nsati etikweni ra Egipta. 22  Hi nkarhi wolowo, Abimeleke xikan’we na Fikolo murhangeri wa vuthu rakwe va ku eka Abrahama: “Xikwembu xi na wena eka hinkwaswo leswi u swi endlaka.+ 23  Kutani sweswi, ndzi hlambanyele kwala hi Xikwembu+ leswaku u nge hi kanganyisi, mina ni vana va mina ni switukulwana+ swa mina; leswaku hi ku ya hi rirhandzu leri tshembekeke leri ndzi tirhisaneke na wena ha rona,+ u ta tirhisana na mina ni tiko leri u luveleke+ eka rona.” 24  Hiloko Abrahama a ku: “Ndzi ta hlambanya.”+ 25  Endzhaku ka loko Abrahama a sole Abimeleke hi matimba malunghana ni xihlovo xa mati lexi malandza ya Abimeleke ma xi tekeke hi ku lwa,+ 26  Abimeleke a ku: “A ndzi tivi leswaku i mani la endleke leswi, hambi ku ri wena a wu ndzi byelanga, na mina a ndzi nga si swi twa ku fikela namuntlha.”+ 27  Hiloko Abrahama a teka tinyimpfu ni tihomu a swi nyika Abimeleke,+ kutani havumbirhi bya vona va endla ntwanano.+ 28  Loko Abrahama a yimise nkombo wa swinyimpfana swa ntlhambi swi ri swoxe, 29  Abimeleke a ya emahlweni a ku eka Abrahama: “Swinyimpfana swa nkombo leswi u swi yimiseke swi ri swoxe laha, swi vula yini?” 30  Kutani a ku: “U ta amukela swinyimpfana swa nkombo leswi nga evokweni ra mina, swi va vumbhoni+ bya leswaku ndzi cele xihlovo lexi.” 31  Hi yona mhaka leyi a thyeke ndhawu yoleyo Bera-xeba,+ hikuva havumbirhi bya vona va hlambanye xihlambanyo kwalaho. 32  Kutani va endla ntwanano+ eBera-xeba, lowu endzhaku ka wona Abimeleke na Fikolo murhangeri wa vuthu rakwe va nga suka va yima va tlhelela etikweni ra Vafilisita.+ 33  Endzhaku ka sweswo a byala murhi wa mutamarisiki eBera-xeba kutani kwalaho a vitana vito ra Yehovha+ Xikwembu lexi tshamaka hilaha ku nga riki na makumu.+  34  Kutani Abrahama a tshama masiku yo tala a ri muluveri etikweni ra Vafilisita.+ 

Tinhlamuselo ta le hansi