Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Genesa 2:1-25

2  Kutani matilo ni misava ni vandla ra swona hinkwaro, swi fika eku heleni+ ka swona.  Hi siku ra vunkombo, Xikwembu xi heta ntirho wa xona lowu xi wu endleke kutani hi siku ra vunkombo xi wisa entirhweni wa xona hinkwawo lowu xi wu endleke.+  Xikwembu xi katekisa siku ra vunkombo ni ku ri hlawulekisa, hikuva xi wise ha rona entirhweni hinkwawo wa xona lowu Xikwembu xi wu tumbuluxeke hi xikongomelo xa leswaku wu endliwa.+  Lawa i matimu ya matilo ni misava hi nkarhi wa ku tumbuluxiwa ka swona, esikwini leri Yehovha Xikwembu a endleke misava ni tilo+ ha rona.  Ku ta fikela sweswi a ku nga si va ni xihlahla xa nhova emisaveni naswona a ku nga ri na ximila xa nhova lexi a xi hluka hikuva Yehovha Xikwembu a a nga si nisa mpfula+ ehenhla ka misava naswona a ku nga ri na munhu loyi a a rima misava.  Kambe hunguva+ a yi tlhandluka yi huma emisaveni, yi tsakamisa vuandlalo hinkwabyo bya misava.+  Kutani Yehovha Xikwembu a vumba munhu hi ntshuri+ wa misava+ ni ku huhutela ku hefemula ka vutomi+ etinhompfini takwe, hiloko munhu a va moya-xiviri+ lowu hanyaka.  Yehovha Xikwembu a rima ntanga aEdeni+ hi tlhelo ra le vuxeni kutani a veka kona munhu loyi a n’wi vumbeke.+  Kutani Yehovha Xikwembu a endla leswaku emisaveni ku mila murhi wun’wana ni wun’wana lowu navelekaka ematihlweni ya munhu ni lowu fanelekaka ku dyiwa, ni murhi wa vutomi+ exikarhi ka ntanga ni murhi wa ku tiva leswinene ni leswo biha.+ 10  A ku ri ni nambu lowu a wu khuluka wu huma aEdeni wu cheleta ntanga, kutani ku suka kwalaho wu avana wu va onge i tinhloko ta mune. 11  Vito ra lowo sungula i Pixoni; hi wona lowu rhendzelaka tiko hinkwaro ra Havhila+ laha ku nga ni nsuku. 12  Nsuku wa tiko rero i wunene.+ Nakambe kwalaho ku ni vurimba bya bedeliyamu+ ni ribye ra onikisi.+ 13  Vito ra nambu wa vumbirhi i Gihoni; hi wona lowu rhendzelaka tiko hinkwaro ra Kuxi. 14  Vito ra nambu wa vunharhu i Hidekele;+ hi wona lowu yaka evuxeni bya Asiriya.+ Nambu wa vumune i Yufrata.+ 15  Kutani Yehovha Xikwembu a teka munhu a n’wi veka entangeni wa Edeni+ leswaku a wu rima ni ku wu khathalela.+ 16  Yehovha Xikwembu a tlhela a nyika munhu xileriso a ku: “U nga ha tidyela u eneriseka+ eka murhi wun’wana ni wun’wana wa ntanga. 17  Kambe loko ku ri murhi wa ku tiva leswinene ni leswo biha u nga tshuki u wu dya hikuva siku u nga ta wu dya, u ta fa+ hakunene.” 18  Yehovha Xikwembu a ya emahlweni a ku: “A hi swinene leswaku munhu a hambeta a tshama a ri yexe. Ndzi ta n’wi endlela mupfuni, a va muhetisisi wa yena.”+ 19  Kutani Yehovha Xikwembu a vumba xivandzana xin’wana ni xin’wana xa nhova ni xivumbiwa xin’wana ni xin’wana lexi hahaka xa matilo hi misava kutani a swi tisa eka munhu leswaku a ta swi thya hilaha a vonaka hakona; vito leri a a ta ri thya moya-xiviri+ wun’wana ni wun’wana, a ri ta va vito+ ra wona. 20  Hikokwalaho munhu a thya mavito hinkwawo ya swifuwo ni ya swivumbiwa leswi hahaka swa matilo ni ya xivandzana xin’wana ni xin’wana xa nhova kambe munhu a a ri hava mupfuni la nga muhetisisi wakwe. 21  Hikwalaho Yehovha Xikwembu a etlerisa munhu vurhongo+ lebyikulu, loko a ha etlele, a teka rin’we ra timbambu takwe kutani a pfala nyama laha a ri ri kona. 22  Yehovha Xikwembu a vumba wansati hi rimbambu leri a ri tekeke eka wanuna kutani a n’wi tisa eka wanuna.+ 23  Hiloko wanuna a ku: “Eku heteleleni leri i rhambu ra marhambu ya mina Ni nyama ya nyama+ ya mina. Loyi u ta thyiwa Wansati, Hikuva u tekiwe+ eka wanuna.” 24  Hikokwalaho wanuna u ta siya tata wakwe ni mana+ wakwe naswona u fanele ku namarhela nsati wakwe, kutani va fanele va va nyama+ yin’we. 25  Havumbirhi bya vona va tshame va nga ambalanga nchumu,+ wanuna ni nsati wakwe, kambe a va khomiwanga hi tingana.+

Tinhlamuselo ta le hansi