Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Genesa 17:1-27

17  Loko Abrama a ri ni malembe ya 99 hi vukhale, Yehovha a humelela eka Abrama, a ku eka yena:+ “Ndzi Xikwembu xa Matimba+ Hinkwawo. Famba emahlweni ka mina u tikombisa u ri la pfumalaka xihoxo.+  Ndzi ta simeka ntwanano exikarhi ka mina na wena,+ leswaku ndzi ku andzisa ngopfu swinene.”+  Hiloko Abrama a wela ehansi hi mombo,+ Xikwembu xi ya emahlweni xi vulavula na yena xi ku:  “Loko ku ri mina, waswivo, ndzi endla ntwanano na wena,+ kunene u ta va tata wa matiko+ yo tala.  Vito ra wena u nge he vitaniwi Abrama, kambe vito ra wena u ta vitaniwa Abrahama, hikuva ndzi ta ku endla tata wa matiko yo tala.  Ndzi ta ku andzisa ngopfu swinene, ndzi ku endla u va matiko, ni tihosi ti ta huma eka wena.+  “Ndzi ta hetisisa ntwanano wa mina lowu nga exikarhi ka mina na wena+ ni mbewu ya wena leyi nga ta ku landzela, hi ku ya hi switukulwana swa vona eka ntwanano wa hilaha ku nga riki na makumu,+ leswaku ndzi tikombisa ndzi ri Xikwembu eka wena ni le ka mbewu ya wena leyi nga ta ku landzela.+  Wena ni mbewu ya wena leyi nga ta ku landzela ndzi ta mi nyika tiko leri mi luveleke+ eka rona, tiko hinkwaro ra Kanana leswaku mi tshama eka rona hilaha ku nga riki na makumu; ndzi ta tikombisa ndzi ri Xikwembu eka vona.”+  Xikwembu xi engeta xi ku eka Abrahama: “Loko ku ri wena u ta hlayisa ntwanano wa mina, wena ni mbewu ya wena leyi nga ta ku landzela hi ku ya hi switukulwana+ swa vona. 10  Lowu i ntwanano wa mina lowu mi nga ta wu hlayisa, exikarhi ka mina na n’wina, ni mbewu ya wena leyi nga ta ku landzela:+ Waxinuna un’wana ni un’wana exikarhi ka n’wina u fanele ku yimbisiwa.+ 11  Nyama ya minsuvu ya n’wina yi ta yimbisiwa, xi ta va xikombiso xa ntwanano exikarhi ka mina na n’wina.+ 12  Waxinuna un’wana ni un’wana exikarhi ka n’wina la nga ni masiku ya nhungu hi vukhale u fanele ku yimbisiwa+ hi ku ya hi switukulwana swa n’wina, un’wana ni un’wana la velekiweke endlwini ni un’wana ni un’wana la xaviweke hi mali eka munhu un’wana ni un’wana wumbe, la nga riki wa mbewu ya wena. 13  Wanuna un’wana ni un’wana la velekiweke endlwini ya wena ni wanuna un’wana ni un’wana wa wena la xaviweke hi mali, kunene u fanele a yimbisiwa;+ naswona ntwanano wa mina enyameni ya n’wina wu ta va ntwanano wa hilaha ku nga riki na makumu.+ 14  Waxinuna la nga yimbangiki, la nga ta ka a nga yimbisi nyama ya nsuvu wakwe, moya-xiviri wolowo wu ta herisiwa eka vanhu+ va ka vona. U tlule ntwanano wa mina.” 15  Xikwembu xi ya emahlweni xi ku eka Abrahama: “Loko ku ri Sarayi nsati wa wena, u nga ha n’wi vitani hi vito ra Sarayi, hikuva vito+ rakwe i Sara. 16  Ndzi ta n’wi katekisa ndzi tlhela ndzi ku nyika n’wana hi yena;+ ndzi ta n’wi katekisa naswona u ta va matiko;+ tihosi ta matiko ti ta huma eka yena.”+ 17  Hiloko Abrahama a wela ehansi hi mombo kutani a hleka a vula embilwini+ yakwe a ku: “Xana wanuna la nga ni malembe ya 100 hi vukhale a nga endla leswaku n’wana a velekiwa, naswona Sara, ina, wansati la nga ni malembe ya 90 hi vukhale a nga veleka?”+ 18  Endzhaku ka sweswo Abrahama a ku eka Xikwembu xa ntiyiso: “Onge Iximayele a nga hanya emahlweni ka wena!”+ 19  Hiloko Xikwembu xi ku: “Hakunene Sara nsati wa wena u ta ku tswalela n’wana, u ta n’wi thya vito ra Isaka.+ Kutani ndzi ta simeka ntwanano wa mina na yena eka mbewu yakwe leyi nga ta n’wi landzela,+ ntwanano wa hilaha ku nga riki na makumu. 20  Kambe mayelana na Iximayele ndzi ku twile. Waswivo! Ndzi ta n’wi katekisa ndzi n’wi andzisa ngopfu swinene naswona ndzi ta n’wi endla a tala ngopfu swinene.+ Kunene u ta tswala tindhuna ta 12, kutani ndzi ta n’wi endla tiko+ lerikulu. 21  Hambiswiritano, ndzi ta simeka ntwanano wa mina na Isaka,+ loyi Sara a nga ta ku tswalela yena lembe+ leri tlhandlamaka hi nkarhi lowu vekiweke.” 22  Hiloko Xikwembu xi heta ku vulavula na yena kutani xi suka eka Abrahama.+ 23  Abrahama a teka Iximayele n’wana wakwe ni vavanuna hinkwavo lava velekiweke endlwini yakwe ni hinkwavo lava xaviweke hi mali yakwe, waxinuna un’wana ni un’wana eka vanhu vandyangu wa Abrahama, a famba a ya yimbisa nyama ya minsuvu ya vona esikwini leri, hilaha Xikwembu xi n’wi byeleke hakona.+ 24  Abrahama a a ri ni malembe ya 99 hi vukhale loko a yimbisa+ nyama ya nsuvu wakwe. 25  Iximayele n’wana wakwe a a ri ni malembe ya 13 hi vukhale loko a yimbisa+ nyama ya nsuvu wakwe. 26  Esikwini rero Abrahama a yimbisiwa, swin’we na Iximayele n’wana wakwe.+ 27  Vavanuna hinkwavo vandyangu wakwe, un’wana ni un’wana la velekiweke endlwini ni un’wana ni un’wana la xaviweke hi mali eka munhu wumbe, va yimbisiwa na yena.+

Tinhlamuselo ta le hansi