Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Genesa 16:1-16

16  Sarayi nsati wa Abrama a nga n’wi tswalelanga vana;+ kambe a a ri ni nandza wa xisati wa Muegipta, vito rakwe a ku ri Agara.+  Hikwalaho Sarayi a ku eka Abrama: “Ndza ku kombela! Yehovha u ndzi sivile leswaku ndzi nga tswali vana.+ Ndzi kombela u tivana ni nandza wa mina wa xisati. Kumbexana ndzi nga kuma vana eka yena.”+ Kutani Abrama a yingisa rito ra Sarayi.+  Eku heleni ka malembe ya khume ya ku hanya ka Abrama etikweni ra Kanana, Sarayi nsati wa Abrama a teka Agara nandza wakwe wa xisati wa Muegipta, a n’wi nyika Abrama nuna wa yena leswaku a va nsati+ wakwe.  Hiloko a tivana na Agara, kutani a tika. Loko a lemuke leswaku u tikile, a sungula ku langutela+ n’wini wakwe wa xisati ehansi.  Hiloko Sarayi a ku eka Abrama: “Ku vava loku ndzi twisiweke kona a ku ve ehenhla ka wena. Mina ndzi nyikete nandza wa mina wa xisati exifuveni xa wena, loko a lemuka leswaku u tikile, u sungule ku ndzi langutela ehansi. Onge Yehovha a nga avanyisa exikarhi ka mina na wena.”+  Kutani Abrama a ku eka Sarayi:+ “Waswivo! Nandza wa wena wa xisati u le mavokweni ya wena. N’wi endle leswi nga swinene ematihlweni+ ya wena.” Sarayi a sungula ku n’wi nyumisa kukondza a n’wi baleka.+  Endzhakunyana ntsumi+ ya Yehovha yi n’wi kuma enseledyaneni wa mati emananga, nseledyana lowu nga endleleni leyi yaka eXure.+  Yi ku eka yena: “Agara, nandza wa Sarayi, kahle-kahle u huma kwihi naswona u ya kwihi?” Hiloko a ku: “Kahle-kahle, ndzi baleka Sarayi n’wini wanga.”  Ntsumi ya Yehovha yi ya emahlweni yi ku eka yena: “Tlhelela eka n’wini wa wena wa xisati u titsongahata evokweni+ rakwe.” 10  Kutani ntsumi ya Yehovha yi ku eka yena: “Ndzi ta andzisa mbewu+ ya wena swinene lerova a yi nge hlayiwi hi vunyingi+ bya yona.” 11  Ku tlula kwalaho ntsumi ya Yehovha yi engeta yi ku eka yena: “Sweswi u tikile, u ta veleka n’wana kutani u ta n’wi thya vito ra Iximayele;+ hikuva Yehovha u twe ku xaniseka+ ka wena. 12  Loko ku ri yena, u ta va mangwa. Voko rakwe ri ta lwa ni munhu un’wana ni un’wana naswona voko ra un’wana ni un’wana ri ta lwa na yena;+ u ta aka+ emahlweni ka vamakwavo hinkwavo.” 13  Kutani a vitana vito ra Yehovha loyi a a vulavula na yena, a ku: “U Xikwembu lexi vonaka,”+ hikuva u te: “Entiyisweni, xana ndzi nga va ndzi vone loyi a ndzi vonaka?” 14  Hi yona mhaka leyi xihlovo xi thyiweke Bera-lahayi-royi.+ Xona xi le xikarhi ka Kadexi na Berede. 15  Endzhakunyana Agara a tswalela Abrama n’wana, kutani Abrama a thya n’wana wakwe loyi Agara a nga n’wi tswalela yena vito ra Iximayele.+ 16  Abrama a a ri ni malembe ya 86 hi vukhale loko Agara a n’wi tswalela Iximayele.

Tinhlamuselo ta le hansi