Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Genesa 14:1-24

14  Kutani emasikwini ya Amirafele hosi ya Xinara+ na Ariyoko hosi ya Elasara, Kedolawomere+ hosi ya Elami+ na Tidala hosi ya Goyimi,+  lava valwa na Bera hosi ya Sodoma,+ na Birixa hosi ya Gomora,+ na Xinabu hosi ya Adima,+ na Xemebere hosi ya Seboyima,+ ni hosi ya le Bela (hileswaku, Sowara).+  Lava hinkwavo va famba swin’we+ va ya eRivaleni ra le Hansi ra Sidima,+ hileswaku, Lwandle ra Munyu.+  Va ve ehansi ka Kedolawomere malembe ya 12, kambe hi lembe ra vu-13 va xandzuka.  Hi lembe ra vu-14 Kedolawomere a ta swin’we ni tihosi leti a ti ri na yena, kutani va hlula Varefayimi eAxitaroti-kanayimi,+ ni Vasusimi eHamu, ni Vaemimi+ eXavhe-kiriyatimi,  ni Vahori+ entshaveni ya vona ya Seyiri+ ku ya fika aEliparani,+ leyi nga emananga.  Kutani va hundzuluka va ta aEni-mixipata, hileswaku, Kadexi,+ va hlula tiko hinkwaro ra Vaamaleke+ swin’we ni Vaamori+ lava a va tshama eHasasoni-tamara.+  Enkarhini lowu hosi ya le Sodoma yi ya enyimpini ni hosi ya Gomora ni hosi ya le Adima ni hosi ya le Seboyima ni hosi ya le Bela, (hileswaku, Sowara), ti fola ti landzelana ku ya lwa nyimpi na vona eRivaleni ra le Hansi ra Sidima,+  ti lwa na Kedolawomere hosi ya le Elami na Tidala hosi ya le Goyimi na Amirafele hosi ya le Xinara na Ariyoko hosi ya le Elasara;+ tihosi ta mune ti lwa ni tihosi ta ntlhanu. 10  Rivala ra le Hansi ra Sidima+ a ri ri ni migodi-godi ya nhlaka;+ tihosi ta Sodoma na Gomora+ ti baleka kutani ti wela eka yona, naswona leti seleke ti balekela endhawini+ ya tintshava. 11  Kutani vahluri va teka nhundzu hinkwayo ya Sodoma na Gomora ni swakudya swa vona hinkwaswo, va famba.+ 12  Va teke na Lota n’wana wa makwavo wa Abrama ni nhundzu yakwe kutani va famba. A a tshama eSodoma+ hi nkarhi wolowo. 13  Endzhaku ka sweswo ku ta munhu la poneke a ta byela Abrama lowa Muheveru.+ Hi nkarhi wolowo a a tshama exikarhi ka mirhi leyikulu ya Mamre wa Muamori,+ makwavo wa Exikoli ni makwavo wa Anere;+ a va ri vanakulobye va Abrama. 14  Kutani Abrama a twa leswaku makwavo u endliwe khumbi.+ Hiloko a hlengeleta vanhu+ vakwe lava leteriweke, mahlonga ya 318 lama tswariweke endyangwini+ wakwe, kutani a va hlongorisa ku ya fika eDani.+ 15  Nivusiku a ava mavuthu+ yakwe, yena ni mahlonga yakwe, leswaku a lwa na vona, kutani a va hlula, a va hlongorisa ku ya fika eHoba, leyi nga en’walungwini wa Damaska. 16  Kutani a kuma nhundzu+ hinkwayo, a kuma na Lota makwavo ni nhundzu yakwe xikan’we ni vavasati ni tiko.+ 17  Hosi ya Sodoma yi huma ku ta hlangana na yena loko a vuya hi le ku hluleni ka Kedolawomere ni tihosi leti a ti ri na yena, eRivaleni ra le Hansi ra Xavhe, hileswaku Rivala+ ra le Hansi ra hosi. 18  Kutani Melkisedeke+ hosi ya le Salema+ a humesa xinkwa ni vhinyo,+ a a ri muprista wa Xikwembu+ Lexi nge Henhla-henhla. 19  Kutani a n’wi katekisa a ku: “A ku katekisiwe Abrama wa Xikwembu+ Lexi nge Henhla-henhla, Muendli wa tilo ni misava;+ 20  Naswona a ku dzunisiwe Xikwembu+ Lexi nge Henhla-henhla, Lexi nyiketeke lava ku tshikilelaka evokweni+ ra wena!” Hiloko Abrama a n’wi nyika vukhume bya hinkwaswo.+ 21  Endzhaku ka sweswo hosi ya Sodoma yi ku eka Abrama: “Ndzi nyike mimoya-xiviri,+ kambe u teka nhundzu.” 22  Hiloko Abrama a ku eka hosi ya Sodoma: “Ndzi tlakusa voko ra mina ndzi hlambanya+ eka Yehovha Xikwembu Lexi nge Henhla-henhla, Muendli wa tilo ni misava, 23  leswaku ku sukela eka harhana ku ya eka ngoti ya phaxani, e-e, a ndzi nge teki nchumu eka leswi swi nga swa wena,+ leswaku u nga vuli u ku, ‘Hi mina ndzi fuwiseke Abrama.’ 24  U nga ndzi nyiki nchumu!+ Swi ringene leswi majaha ana ma swi dyeke, ni xiavelo xa vavanuna lava fambeke na mina, Anere na Exikoli na Mamre+—a va teke xiavelo+ xa vona.”

Tinhlamuselo ta le hansi