Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Genesa 11:1-32

11  Misava hinkwayo yi hambeta yi vulavula ririmi rin’we ni ku va ni ntlawa wun’we wa marito.  Kuteloko va ye etlhelweni ra le vuxeni, va hetelela va kuma rivala etikweni ra Xinara,+ va tshama kona.  Kutani va byelana, va ku: “Tanani! A hi bakeni switina hi swi hisa.” Kutani va tirhisa switina ematshan’weni ya ribye, ni nhlaka ematshan’weni ya ndzhope.+  Kutani va ku: “Tanani! A hi tiakeleni muti ni xihondzo lexi nhlohlorhi ya xona yi nga ta fika ematilweni,+ naswona a hi tiendleleni+ vito ra ndhuma, hikuva hi nga tshuka hi hangalasiwa ehenhla ka vuandlalo bya misava+ hinkwayo.”  Kutani Yehovha a rhelela ku ya vona muti ni xihondzo lexi vana va vanhu va xi akeke.+  Endzhaku ka sweswo Yehovha a ku: “Waswivo! I vanhu van’we naswona hinkwavo+ va vulavula ririmi rin’we, kutani va sungula ku endla leswi. Phela, sweswi ku hava lexi nga va tsandzaka loko vo anakanya ku xi endla.+  Tana sweswi! A hi+ rhelele hi fika hi pfilunganya+ ririmi ra vona leswaku va nga twisisani loko va vulavula.”+  Ku suka kwalaho Yehovha a va hangalasela ehenhla ka vuandlalo bya misava+ hinkwayo, kutani hakatsongo-tsongo va tshika ku aka muti.+  Hi yona mhaka leyi wu thyiweke vito ra Babele,+ hikuva Yehovha u pfilunganye kwalaho ririmi ra misava hinkwayo, naswona ku suka kwalaho Yehovha u va hangalasele+ ehenhla ka vuandlalo bya misava hinkwayo. 10  Lawa i matimu ya Xeme.+ Xeme a a ri ni malembe ya 100 hi vukhale loko a va tata wa Arifakisada,+ malembe mambirhi endzhaku ka ndhambi. 11  Endzhaku ka ku va tata wa Arifakisada, Xeme a hambeta a hanya malembe ya 500. Hi nkarhi wolowo a va tata wa vana va majaha ni va vanhwanyana.+ 12  Arifakisada a hanya malembe ya 35. Kutani a va tata wa Xela.+ 13  Endzhaku ka ku va tata wa Xela, Arifakisada a hambeta a hanya malembe ya 403. Hi nkarhi wolowo a va tata wa vana va majaha ni va vanhwanyana. 14  Xela a hanya malembe ya 30. Kutani a va tata wa Ebere.+ 15  Endzhaku ka ku va tata wa Ebere, Xela a hambeta a hanya malembe ya 403. Hi nkarhi wolowo a va tata wa vana va majaha ni va vanhwanyana. 16  Ebere a hanya malembe ya 34. Kutani a va tata wa Faleke.+ 17  Endzhaku ka ku va tata wa Faleke, Ebere a hambeta a hanya malembe ya 430. Hi nkarhi wolowo a va tata wa vana va majaha ni va vanhwanyana. 18  Faleke a ya emahlweni a hanya malembe ya 30. Kutani a va tata wa Ragawu.+ 19  Endzhaku ka ku va tata wa Ragawu, Faleke a hambeta a hanya malembe ya 209. Hi nkarhi wolowo a va tata wa vana va majaha ni va vanhwanyana. 20  Ragawu a ya emahlweni a hanya malembe ya 32. Kutani a va tata wa Seruki.+ 21  Endzhaku ka ku va tata wa Seruki, Ragawu a hambeta a hanya malembe ya 207. Hi nkarhi wolowo a va tata wa vana va majaha ni va vanhwanyana. 22  Seruki a hanya malembe ya 30. Kutani a va tata wa Nakori.+ 23  Endzhaku ka ku va tata wa Nakori, Seruki a hambeta a hanya malembe ya 200. Hi nkarhi wolowo a va tata wa vana va majaha ni va vanhwanyana. 24  Nakori a hanya malembe ya 29. Kutani a va tata wa Tera.+ 25  Endzhaku ka ku va tata wa Tera, Nakori a hambeta a hanya malembe ya 119. Hi nkarhi wolowo a va tata wa vana va majaha ni va vanhwanyana. 26  Tera a hanya malembe ya 70. Kutani a va tata wa Abrama+ na Nakori+ na Harani. 27  Lawa i matimu ya Tera. Tera a va tata wa Abrama, wa Nakori na Harani; Harani a va tata wa Lota.+ 28  Endzhakunyana Harani a fa etikweni leri a velekeriweke eka rona loko a ri swin’we na Tera tata wakwe, eUra+ tiko ra Vakalidiya.+ 29  Kutani Abrama na Nakori va teka vasati. Vito ra nsati wa Abrama a ku ri Sarayi,+ kasi vito ra nsati wa Nakori a ku ri Milka,+ n’wana wa Harani, tata wa Milka ni tata wa Yisika. 30  Kambe Sarayi a hambeta a va mhika;+ a nga vanga na n’wana. 31  Endzhaku ka sweswo Tera a teka Abrama n’wana wakwe na Lota, n’wana wa Harani ntukulu+ wakwe, na Sarayi+ nhlomi yakwe, nsati wa Abrama n’wana wakwe, kutani va suka na yena eUra tiko ra Vakalidiya va ya etikweni ra Kanana.+ Hi ku famba ka nkarhi va fika eHarani+ va tshama kona. 32  Masiku ya Tera a ma ri malembe ya 205. Kutani Tera a fela eHarani.

Tinhlamuselo ta le hansi