Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Filemoni 1:1-25

 Mina Pawulo, mukhotsiwa+ hikwalaho ka Kreste Yesu, na Timotiya,+ makwerhu, eka Filemoni, murhandziwa ni mutirhi-kulorhi,+  ni le ka Afiya, makwerhu wa xisati, ni le ka Arkipo,+ socha-kulorhi,+ ni le vandlheni leri nga endlwini+ ya wena:  Onge mi nga va ni musa lowu nga faneriwiki ni ku rhula leswi humaka eka Xikwembu Tata wa hina ni le ka Hosi Yesu Kreste.+  Minkarhi hinkwayo ndzi nkhensa Xikwembu xa mina loko ndzi vulavula hi wena eswikhongelweni+ swa mina,  hilaha ndzi yaka emahlweni ndzi twa hi rirhandzu ra wena ni ripfumelo leri u nga na rona eka Hosi Yesu ni le ka vakwetsimi+ hinkwavo;  leswaku ku hlanganyela ripfumelo+ ra wena ni van’wana ku tirha loko u pfumela xilo xin’wana ni xin’wana lexinene exikarhi ka hina lexi yelanaka na Kreste.  Kutani ndzi kume ntsako lowukulu ni nchavelelo hikwalaho ka rirhandzu+ ra wena, hikuva xinakulobye lexikulu xa vakwetsimi xi phyuphyisiwile+ ha wena, makwerhu.  Hikwalaho, hambileswi ndzi nga ni ntshunxeko lowukulu wo vulavula mayelana na Kreste yo ku lerisa+ leswaku u endla leswi faneleke,  kambe ku ri na sweswo ndzi ku khongotela exisekelweni xa rirhandzu,+ hi ku vona leswi ndzi nga xiswona, mina Pawulo wanuna la kuleke, ina, hi tlhelo sweswi ndzi nga mukhotsiwa+ hikwalaho ka Kreste Yesu; 10  ndza ku khongotela malunghana ni n’wana+ wa mina Onesima,+ loyi ndzi veke tata+ wakwe loko ndzi ri etimpecanini ta mina ta khotso, 11  eku sunguleni a a nga ri mpfuno eka wena kambe sweswi i mpfuno eka wena ni le ka mina.+ 12  Yena loyi ndzi n’wi tlherisela eka wena, ina, yena, hileswaku, loyi a nga xinakulobye+ xa mina lexikulu. 13  A ndzi rhandza ku tshama na yena leswaku ematshan’weni ya wena,+ a ta hambeta a ndzi tirhela etimpecanini+ ta khotso leti ndzi ti tiyiseleke hikokwalaho ka mahungu lamanene. 14  Kambe a ndzi lavi ku endla nchumu u nga ndzi pfumelelanga, leswaku xiendlo xa wena lexinene xi nga vi xa ku sindzisiwa, kambe xi va xa ku tirhandzela.+ 15  Hikwalaho swi nga ha endleka leswaku u fambe nkarhinyana, leswaku u ta tlhela u va na yena hi masiku, 16  a nga ha ri hlonga+ kambe u tlula hlonga,+ i makwerhu la rhandzekaka,+ ngopfu-ngopfu eka mina, kambe hilaha ku tlurisaka ngopfu eka wena evuxakeni bya nyama ni le Hosini. 17  Hikokwalaho, loko u ndzi teka ndzi ri loyi a hlanganyelaka+ na wena, n’wi amukele+ hi musa hi ndlela leyi a wu ta ndzi amukela ha yona. 18  Ku tlula kwalaho, loko a ku endle leswi hoxeke kumbe a ku kolota nchumu wo karhi, swi hlaye exikweletini xa mina. 19  Mina Pawulo ndzi tsala hi voko+ ra mina: Ndzi ta ku tlherisela—ndzi nga swi khumbi leswaku na wena u ndzi kolota vuwena. 20  Ina, makwerhu, onge ndzi nga bindzula eka wena mayelana ni Hosi: phyuphyisa xinakulobye+ xa mina lexikulu mayelana na Kreste. 21  Ndza ku tsalela, hi ku tshemba ku yingisa ka wena, ndza swi tiva leswaku u ta endla ku tlula ni leswi ndzi swi vulaka.+ 22  Kambe ku fambisana ni sweswo, nakambe ndzi lunghiselele vutshamo,+ hikuva ndza tshemba leswaku hi swikhongelo+ swa n’wina ndzi ta ntshunxeriwa+ n’wina. 23  Epafrasi+ khumbi-kulorhi wa mi rungula evun’weni na Kreste Yesu, 24  na Marka, Aristako,+ Demasi,+ Luka, vatirhi-kulorhi va mi rungula. 25  Musa lowu nga faneriwiki wa Hosi Yesu Kreste a wu ve ni moya lowu mi wu kombisaka.+

Tinhlamuselo ta le hansi