Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezra 9:1-15

9  Hi ku hatlisa loko swilo leswi swi herile, tihosana+ ti tshinela eka mina, ti ku: “Vanhu va Israyele ni vaprista ni Valevhi, a va tihambanisanga+ ni vanhu vamatiko eka swilo swa wona swo nyenyetsa,+ ku nga Vakanana,+ Vaheti,+ Vaperezi,+ Vayebusi,+ Vaamone,+ Vamowabu,+ Vaegipta+ ni Vaamori.+  Hikuva va amukele vana va vona va vanhwanyana van’wana va va va vona ni va vana va vona;+ kutani vona, mbewu leyi yo kwetsima,+ va tihlanganise+ ni vanhu va matiko, voko ra tihosana ni vafumi lava va va khomeleke hi rona leri ri rhangeleke+ eku pfumaleni loku ka vutshembeki.”  Hi ku hatlisa loko ndzi twa mhaka leyi, ndzi handzule nguvu+ ya mina hi le xikarhi ni nguvu ya mina yo pfumala mavoko, kutani ndzi tsuvula misisi yin’wana ya nhloko+ ya mina ni malepfu ya mina, ndzi tshama ndzi ri ni gome.+  Hiloko va ta va ta hlengeletana, un’wana ni un’wana a rhurhumela+ hikwalaho ka marito ya Xikwembu xa Israyele yo lwa ni ku pfumala ku tshembeka ka vanhu lava va nga evukhumbini, mina ndzi tshama ndzi ri ni gome ku fikela egandzelweni ra mavele ra nimadyambu.+  Hiloko ndzi suka ndzi yima eku tsongahatiweni ka mina hi nkarhi wa gandzelo ra mavele+ ra nimadyambu, nguvu ya mina ni nguvu ya mina yo pfumala mavoko yi handzuke hi le xikarhi, ndzi nkhinsama hi matsolo,+ ndzi tlakusela swandla swa mina eka Yehovha Xikwembu xanga.+  Kutani ndzi ya emahlweni ndzi ku:+ “Oho Xikwembu xanga, ndzi khomiwe hi tingana+ naswona ndzi nyuma+ ku tlakusela xikandza eka wena, Wena Xikwembu xanga, hikuva swihoxo+ swa hina swi andzile ehenhla ka nhloko ya hina, naswona ku va ni nandzu ka hina i kukulu swinene ku ya fika ematilweni.+  Ku sukela emasikwini ya vatatana+ hi ve ni nandzu lowukulu ku ta fika esikwini leri;+ naswona hikwalaho ka swihoxo swa hina, hina swin’we ni tihosi+ ta hina ni vaprista+ va hina hi nyiketiwe evokweni ra tihosi ta matiko hi banga,+ hi vukhumbi+ ni ku phangiwa+ ni tingana exikandzeni,+ ku fana ni le sikwini leri.  Kutani sweswi, swa nkarhinyana hi kume musa+ wa Yehovha Xikwembu xa hina, hi ku hi siyela lava va balekeke+ ni hi ku hi nyika masalela endhawini yakwe yo kwetsima, ku endlela leswaku mahlo ya hina ma hatima,+ Wena Xikwembu xa hina, ni ku hi pfuxetanyana evuhlongeni bya hina.+  Hikuva hi malandza;+ Xikwembu xa hina a xi hi siyanga evuhlongeni bya hina,+ kambe xi hi kombisa musa wa rirhandzu emahlweni ka tihosi ta Peresiya,+ leswaku xi hi pfuxelela hi xikongomelo xa leswaku hi aka yindlu ya Xikwembu+ xa hina ni ku vuyetela tindhawu ta yona leti nga marhumbi+ ni ku hi nyika rirhangu ra maribye+ eYuda ni le Yerusalema. 10  “Oho Xikwembu xa hina, sweswi hi ta ku yini, endzhaku ka leswi? Hikuva hi tshike swileriso+ swa wena, 11  leswi u swi leriseke hi malandza ya wena ku nga vaprofeta, u ku, ‘Tiko leri mi nghenaka eka rona ku ya tshama eka rona i tiko leri nyameke hikwalaho ka ku nyama ka vanhu va matiko,+ hikwalaho ka swilo swa vona swo nyenyetsa+ leswi va ri tateke ha swona ku suka emakumu man’wana ku ya emakumu+ man’wana hi thyaka+ ra vona. 12  Mi nga tshuki mi nyika majaha ya vona vana va n’wina va vanhwanyana,+ ni vana va vona va vanhwanyana mi nga va tekeli majaha ya n’wina; mi nga tshuki mi tirhela ku rhula+ ka vona ni ku humelela ka vona, hilaha ku nga riki na makumu, ku endlela leswaku mi va ni matimba,+ kunene mi dya leswinene swa tiko, hakunene mi ri teka ri va ra n’wina ni ra vana va n’wina hilaha ku nga riki na makumu.’+ 13  Endzhaku ka hinkwaswo leswi swi hi weleke hikwalaho ka swiendlo swo biha+ ni nandzu wa hina lowukulu—hikuva wena, Wena Xikwembu xa hina, u xi tekele ehansi xihoxo xa hina,+ naswona u hi nyike lava va poneke kukota lava+ 14  xana hi ta ya emahlweni hi tlula swileriso swa wena nakambe ni ku endla ntwanano wa vukati+ ni vanhu va swilo leswi swo nyenyetsa?+ Xana a wu nge hi hlundzukeli hi ku helela,+ lerova ku nga vi na munhu la salaka+ kumbe la balekaka? 15  Oho Yehovha Xikwembu xa Israyele, u lulamile,+ hikuva hi sele hi ponile ku fikela esikwini leri. Sweswi hi yime emahlweni ka wena hikwalaho ka nandzu wa hina,+ hikuva a swi koteki leswaku hi yima emahlweni ka wena hikwalaho ka leswi.”+

Tinhlamuselo ta le hansi