Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezra 7:1-28

7  Endzhaku ka swilo leswi, eku fumeni ka Atazekiseki+ hosi ya Peresiya, Ezra+ n’wana wa Seraya,+ n’wana wa Azariya, n’wana wa Hilkiya+  n’wana wa Xalumu,+ n’wana wa Sadoki, n’wana wa Ahithuba+  n’wana wa Amariya,+ n’wana wa Azariya,+ n’wana wa Merayoto+  n’wana wa Zerahiya,+ n’wana wa Uzi,+ n’wana wa Buki+  n’wana wa Abixuwa,+ n’wana wa Finiyasi,+ n’wana wa Eliyazara,+ n’wana wa Aroni+ muprista lonkulu+  Ezra loyi ku vulavuriweke ha yena a tlhandluka a huma eBabilona; a a ri mukopi+ la nga ni vuswikoti enawini wa Muxe,+ lowu wu humaka eka Yehovha Xikwembu xa Israyele, lerova hosi yi n’wi nyika, hi ku ya hi voko ra Yehovha Xikwembu xa yena, hinkwaswo leswi a swi kombelaka.+  Kutani vana van’wana va Israyele ni va vaprista+ ni Valevhi+ ni vayimbeleri+ ni varindzi va nyangwa+ ni Vanethinimi+ va tlhandlukela eYerusalema elembeni ra vunkombo ra Atazekiseki+ lowa hosi.  A hetelela a fike eYerusalema hi n’hweti ya vuntlhanu, hileswaku, hi lembe ra vunkombo ra hosi.  Hikuva hi siku ro sungula ra n’hweti yo sungula, u hlawule ku tlhandluka a huma eBabilona, naswona hi siku ro sungula ra n’hweti ya vuntlhanu, u fike eYerusalema, hi ku ya hi voko ra xinene ra Xikwembu xakwe ehenhla ka yena.+ 10  Hikuva Ezra a a lunghiselele+ mbilu yakwe leswaku yi kambisisa nawu wa Yehovha+ ni ku wu endla+ ni ku dyondzisa+ xileriso+ ni vululami+ eIsrayele. 11  Hi leri papila leri Hosi Atazekiseki a ri nyikeke Ezra lowa muprista, lowa mukopi,+ mukopi wa marito ya swileriso swa Yehovha ni wa milawu yakwe eka Israyele: 12  “Atazekiseki,+ hosi ya tihosi,+ eka Ezra lowa muprista, mukopi wa nawu wa Xikwembu xa matilo:+ Ku rhula a ku hetiseke.+ Naswona sweswi 13  ndzi humese xileriso,+ leswaku un’wana ni un’wana loyi a nga emfun’weni+ wa mina evanhwini va Israyele ni vaprista va vona ni Valevhi la rhandzaka ku ya eYerusalema na wena, a nga ya.+ 14  Kutani xileriso xi rhumeriwe emahlweni ka hosi ni vatsundzuxi+ va yona va nkombo leswaku va ya kambisisa+ malunghana na Yuda na Yerusalema enawini+ wa Xikwembu+ xa wena lowu nga evokweni ra wena, 15  ni ku tisa silivhere ni nsuku leswi hosi ni vatsundzuxi va yona va swi nyikeke+ Xikwembu xa Israyele hi ku swi rhandza, lava va tshamaka eYerusalema,+ 16  hi silivhere hinkwayo ni nsuku leswi u swi kumaka emugangeni hinkwawo lowu nga ehansi ka vulawuri bya Babilona swin’we ni nyiko ya vanhu+ ni vaprista lava va nyikelaka hi ku swi rhandza endlwini ya Xikwembu xa vona,+ leyi yi nga eYerusalema; 17  hi ku hatlisa u ta xava hi mali leyi tinkunzi,+ makhuna,+ swinyimpfana+ ni magandzelo ya swona ya mavele+ ni magandzelo ya swona ya swakunwa,+ kutani u ta swi nyikela ealitarini leyi nga endlwini ya Xikwembu xa n’wina,+ leyi yi nga eYerusalema.+ 18  “Kutani xin’wana ni xin’wana lexi vonakaka xi ri xinene eka wena ni le ka vamakwenu lexi mi nga xi endlaka hi silivhere hinkwayo ni nsuku,+ hi ku ya hi ku rhandza+ ka Xikwembu xa n’wina, xi endleni.+ 19  Swibya+ leswi mi nyikiwaka swona leswaku mi swi tirhisa endlwini ya Xikwembu xa n’wina, swi yiseni hinkwaswo emahlweni ka Xikwembu eYerusalema.+ 20  Kutani swilo swin’wana leswi lavekaka swa yindlu ya Xikwembu xa wena leswi u nga kotaka ku swi humesa, u ta swi humesa exumeni xa yindlu ya hosi.+ 21  “Kutani ndzi humese xileriso+ mina Atazekiseki la nga hosi, xi ya eka vatameri hinkwavo va xuma+ lava nga entsungeni wa Nambu,+ leswaku hinkwaswo leswi Ezra+ lowa muprista, lowa mukopi wa nawu wa Xikwembu xa matilo, a swi kombelaka eka n’wina, swi ta endliwa hi ku hatlisa, 22  swi ringana titalenta+ ta silivhere ta 100 ni mpimo wa tikoro+ ta koroni wu va 100 ni mpimo wa tibati+ ta vhinyo+ wu va 100 ni mpimo wa tibati ta mafurha+ wu va 100 ni munyu+ wo tala ngopfu. 23  Hinkwaswo leswi lerisiweke+ hi Xikwembu xa matilo a swi endliwe hi ku hiseka,+ swi endleriwa yindlu ya Xikwembu xa matilo,+ leswaku ku nga vi na vukarhi lebyi welaka mfumo wa hosi ni vana va yona.+ 24  Naswona ma byeriwa n’wina vavanuna leswaku, loko ku ri muprista+ un’wana ni un’wana ni Valevhi,+ vayimbeleri,+ valanguteri va tinyangwa,+ Munetinimi+ ni lava va tirhaka endlwini leyi ya Xikwembu, ku nga vi na xibalo, ndzuvo+ kumbe muthelo+ lowu va faneleke va sindzisiwa ku wu hakela. 25  “Kutani wena Ezra, hi ku ya hi vutlhari+ bya Xikwembu xa wena lebyi byi nga evokweni ra wena, hlawula vaavanyisi-ntsongo ni vaavanyisi lava va nga ta hamba va avanyisa+ vanhu hinkwavo lava va nga entsungeni wa Nambu, ni hinkwavo lava va tivaka nawu wa Xikwembu xa wena; naswona mi ta letela+ un’wana ni un’wana loyi a nga yi tiviki. 26  Kutani un’wana ni un’wana la nga wu endliki nawu wa Xikwembu+ xa wena ni nawu wa hosi, a a avanyisiwe hi ku hatlisa, a avanyiseriwa rifu+ kumbe ku hlongoriwa,+ kumbe ku riha+ mali kumbe ku khotsiwa.” 27  A a dzunisiwe Yehovha Xikwembu xa vatata wa hina,+ la ngheniseke swilo swo tano embilwini+ ya hosi, leswaku a sasekisa+ yindlu ya Yehovha, leyi yi nga eYerusalema! 28  Naswona u engetele musa wa rirhandzu+ eka mina emahlweni ka hosi ni vatsundzuxi+ va yona ni tihosana ta yona hinkwato ta matimba. Loko ku ri mina, ndza titiyisa hi ku ya hi voko+ ra Yehovha Xikwembu xanga, naswona ndzi ya emahlweni ndzi hlengeleta varhangeri leswaku va tlhandluka va huma eIsrayele va famba na mina.

Tinhlamuselo ta le hansi