Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezra 6:1-22

6  Hi wona nkarhi wolowo lowu Dariyosi lowa hosi a humeseke xileriso, leswaku va kambisisa endlwini ya tirhekhodo+ ta xuma leti vekiweke eBabilona.  Kutani aEkibatana, endhawini leyi tiyisiweke leyi nga emugangeni lowu nga ehansi ka vulawuri bya Meda,+ ku kumeke buku-nsongwa, naswona a ku tsariwe swiletelo mayelana ni mhaka leyi endzeni ka yona:  “Hi lembe ro sungula ra Korexe lowa hosi,+ Korexe lowa hosi u humese xileriso malunghana ni yindlu ya Xikwembu eYerusalema: A ku pfuxiwe yindlu yi va ndhawu leyi va nga ta nyikela switlhavelo eka yona,+ naswona masungulo ya yona ma fanele ma tiya, ku leha ka yona ku va swisungunu swa 60, ku anama ka yona ku va swisungunu swa 60,+  ni maribye lama tlhandlakaneke ma va tinxaxa tinharhu, ma khunguluxeriwe+ endhawini ya wona ni nyandza yin’we ya mintsandza;+ naswona xuma a xi hume endlwini ya hosi.+  Swibya swa nsuku ni swa silivhere+ swa yindlu ya Xikwembu leswi Nebukadnetsara+ a swi tekeke etempeleni leyi a yi ri eYerusalema a swi tisa eBabilona, a swi tlheriseriwe, leswaku swi ya fika etempeleni leyi yi nga eYerusalema endhawini ya swona, swi vekiwa endlwini ya Xikwembu.+  “Sweswi Tatenayi+ ndhuna-nkulu leyi nga entsungeni wa Nambu,+ Xetha-bozenayi+ ni vanghana va vona, tindhuna+ ta xiyimo xa le hansi leti ti nga entsungeni wa Nambu, vanani ekule na swona.+  Mi nga kavanyeti ntirho wa yindlu ya Xikwembu.+ Ndhuna-nkulu ya Vayuda ni vakulukumba va Vayuda va ta pfuxa yindlu ya Xikwembu endhawini ya yona.  Naswona mina ndzi mi lerisile+ leswi mi nga ta swi endla hi vakulukumba lava va Vayuda, eku pfuxeni ka yindlu yoleyo ya Xikwembu; kutani evuhlayiselweni bya xuma bya le vuhosini+ bya xibalo entsungeni wa Nambu, xuma xa kona xi ta nyikiwa+ vavanuna lava va tiyeke emirini hi ku hatlisa.+  Leswi swi lavekaka, i swinkunzana+ ni makhuna+ ni swinyimpfana+ swa magandzelo yo hisiwa ma ya eka Xikwembu xa matilo, koroni,+ munyu,+ vhinyo,+ mafurha,+ hilaha vaprista lava va nga eYerusalema va vulaka hakona, kunene a swi nyikeriwe siku ni siku; 10  leswaku va hambeta+ va nyikela magandzelo yo rhulisa mbilu+ eka Xikwembu xa matilo ni ku khongelela vutomi bya hosi ni vana va yona.+ 11  Ndzi humese xileriso, leswaku mani na mani loyi a tlulaka+ xileriso lexi xa nawu, ku ta hlomuriwa ntsandza+ endlwini yakwe, naswona u ta beleriwa+ eka wona, yindlu yakwe yi ta hundzuka xihambukelo hikwalaho ka sweswo.+ 12  Onge Xikwembu lexi xi endleke leswaku vito+ ra xona ri tshama kwalaho xi nga hlula hosi yin’wana ni yin’wana leyi tshambulutaka voko ra yona leswaku yi tlula xileriso lexi ni ku lovisa+ yindlu yoleyo ya Xikwembu, leyi yi nga eYerusalema. Mina Dariyosi, ndzi humesa xileriso lexi. A swi endliwe hi ku hatlisa.” 13  Tatenayi ndhuna-nkulu leyi nga entsungeni wa Nambu,+ Xetha-bozenayi+ ni vanghana va vona, hilaha Dariyosi lowa hosi a rhumeleke rito hakona, va endla tano hi ku hatlisa. 14  Kutani vakulukumba+ va Vayuda a va aka+ ni ku endla nhluvuko hi ku landza ku profeta ka Hagayi+ lowa muprofeta na Zakariya+ ntukulu wa Ido,+ kutani va yi aka va yi heta hi ku landza xileriso xa Xikwembu xa Israyele+ ni hi ku landza xileriso xa Korexe+ na Dariyosi+ na Atazekiseki+ lowa hosi ya Peresiya. 15  Kutani va heta yindlu leyi hi siku ra vunharhu ra n’hweti ya ku rhendzeleka ka n’weti leyi vuriwaka Adhara,+ hileswaku, hi lembe ra vutsevu ra ku fuma ka Dariyosi lowa hosi. 16  Kutani vana va Israyele, vaprista ni Valevhi+ ni hinkwavo lava eku sunguleni a va ri evukhumbini,+ va khangula+ yindlu leyi ya Xikwembu hi ku tsaka. 17  Hiloko va nyikela tinkunzi ta 100 eku khanguriweni ka yindlu leyi ya Xikwembu, makhuna ya 200, swinyimpfana swa 400, ni swiphongo swa 12, swi va magandzelo ya swidyoho eka vana va tiko hinkwaro ra Israyele, ku ringana ni nhlayo ya tinyimba ta Israyele.+ 18  Kutani va hlawula vaprista emintlaweni ya vona ni Valevhi emintlaweni+ ya vona, leswaku va endla ntirho wa Xikwembu lowu a wu ri eYerusalema, hi ku landza leswi lerisiweke ebukwini ya Muxe.+ 19  Kutani lava a va ri evukhumbini eku sunguleni va endla paseka+ hi siku ra vu-14 ra n’hweti yo sungula.+ 20  Leswi vaprista ni Valevhi va tibasiseke+ va ri ntlawa wun’we, hinkwavo ka vona a va basile, kutani va tlhava xitlhavelo xa paseka+ xa hinkwavo lava a va ri evukhumbini eku sunguleni ni vamakwavo ni vaprista. 21  Kutani vana va Israyele lava va vuyeke eVukhumbini va dya,+ ku katsa ni un’wana ni un’wana la tshikeke thyaka+ ra vanhu va tiko rero, a tihlanganisa na vona, a lavisisa Yehovha Xikwembu xa Israyele.+ 22  Kutani va famba va ya endla nkhuvo wa swinkwa leswo-ke-comela+ masiku ya nkombo hi ku tsaka; hikuva Yehovha u va vangele ku tsaka, naswona u hundzuluxele+ mbilu ya hosi ya Asiriya eka vona leswaku yi tiyisa mavoko ya vona entirhweni wa yindlu ya Xikwembu xa ntiyiso, Xikwembu xa Israyele.

Tinhlamuselo ta le hansi