Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezra 5:1-17

5  Kutani Hagayi+ lowa muprofeta na Zakariya+ ntukulu wa Ido+ lowa muprofeta va profetela Vayuda lava a va ri eYuda ni le Yerusalema, hi vito+ ra Xikwembu xa Israyele lexi a xi ri ehenhla ka vona.+  Hi wona nkarhi lowu Zerubabele+ n’wana wa Salatiyele+ na Yexuwa+ n’wana wa Yohozadaki va sukeke va yima va sungula ku pfuxa yindlu ya Xikwembu, leyi a yi ri eYerusalema; naswona a va ri ni vaprofeta+ va Xikwembu lava a va va pfuna.  Hi nkarhi wolowo Tatenayi+ ndhuna-nkulu leyi a yi ri entsungeni wa Nambu+ na Xetha-bozenayi ni vanghana va vona va ta eka vona, a va ku eka vona: “I mani la mi leriseke ku aka yindlu leyi ni ku yimisa mhandzi leyi ya muako?”+  Kutani va ku eka vona: “Xana i vamani mavito ya vanhu lava tiyeke emirini lava va akaka muako lowu?”  Mahlo+ ya Xikwembu xa vona ma tikomba ma ri ehenhla+ ka vakulukumba va Vayuda, naswona a va va tshikisanga kukondza xiviko xi yisiwa eka Dariyosi ni tsalwa ra ximfumo malunghana na swona ri tlherisiwa.  Hi leri papila+ leri Tatenayi+ lowa ndhuna-nkulu la nga entsungeni wa Nambu+ na Xetha-bozenayi+ ni vanghana+ vakwe, tindhuna leti nga exiyin’weni xa le hansi leti a ti ri entsungeni wa Nambu, va ri rhumeleke eka Dariyosi lowa hosi;  va n’wi rhumela rito leri, naswona a ri tsariwe hi ndlela leyi: “Eka Dariyosi lowa hosi: “Ku rhula a ku ve na wena!+  Hosi a yi swi tive leswaku hi ye emugangeni+ lowu nga ehansi ka vulawuri bya Yuda endlwini ya Xikwembu lexikulu,+ naswona yi akiwe hi maribye lama khunguluxiweke ma vekiwa endhawini ya kona, ku vekiwe mintsandza emakhumbini; ntirho wolowo wu endliwa hi mapfundza, wu ya emahlweni emavokweni ya vona.  Kutani hi vutise vakulukumba lava. Hi vule leswi eka vona: ‘I mani la mi leriseke ku aka yindlu leyi ni ku yimisa mhandzi leyi ya muako?’+ 10  Hi tlhele hi va vutisa mavito ya vona, leswaku hi ku byela, hi ta kota ku tsala mavito ya vavanuna lava tiyeke emirini lava va va rhangelaka.+ 11  “Hi leri rito leri va hi hlamuleke ha rona, va ku: ‘Hina hi malandza ya Xikwembu xa matilo ni misava,+ naswona hi pfuxa yindlu leyi akiweke emalembeni ya khale swinene emahlweni ka leyi, leyi akiweke hi hosi leyikulu ya Israyele yi yi heta.+ 12  Kambe, hikwalaho ka leswi vatata wa hina va nyangatseke+ Xikwembu xa matilo, xi va nyikete+ evokweni ra Nebukadnetsara+ hosi ya Babilona, eka lowa Mukalidiya,+ yena u mbundzumuxe yindlu leyi,+ a teka vanhu a va yisa evukhumbini le Babilona.+ 13  Nilokoswiritano, hi lembe ro sungula ra Korexe+ hosi ya Babilona, Korexe lowa hosi a humesa xileriso xo pfuxa yindlu leyi ya Xikwembu.+ 14  Swibya+ swa nsuku ni swa silivhere swa yindlu ya Xikwembu leswi Nebukadnetsara a swi tekeke etempeleni, leyi a yi ri eYerusalema, a swi tisa etempeleni ya Babilona,+ Korexe lowa hosi+ u swi humesile etempeleni ya Babilona, a swi nyika Xexebazara,+ vito ra loyi a n’wi endleke ndhuna-nkulu.+ 15  A ku eka yena: “Teka swibya leswi.+ Famba u ya swi veka etempeleni leyi yi nga eYerusalema, naswona yindlu ya Xikwembu a yi pfuxiwe endhawini ya yona.”+ 16  Loko Xexebazara yoloye a fika, u veke masungulo ya yindlu ya Xikwembu,+ leyi yi nga eYerusalema; naswona yi pfuxiwile ku sukela enkarhini wolowo ku fikela sweswi, kambe a yi hetiwanga.’+ 17  “Loko swi vonaka swi ri swinene eka hosi, a ku kambisisiwe+ endlwini ya hosi ya xuma leyi a yi ri eBabilona, leswaku Korexe lowa hosi u humese xileriso+ xo pfuxa yindlu ya Xikwembu eYerusalema; naswona xiboho xa hosi malunghana ni leswi, a yi xi rhumele eka hina.”

Tinhlamuselo ta le hansi