Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezra 4:1-24

4  Loko swirha+ swa Yuda na Benjamini swi twa leswaku vana va le Vukhumbini+ va akela Yehovha Xikwembu xa Israyele tempele,  xikan’we-kan’we va tshinelela Zerubabele+ ni varhangeri+ va tindlu ta vatatana, va ku eka vona: “Hi pfumeleleni hi aka swin’we na n’wina;+ hikuva hi lava Xikwembu+ xa n’wina ku fana na n’wina, naswona hi humesela xona switlhavelo ku sukela emasikwini ya Esari-hadoni+ hosi ya Asiriya, loyi a hi tiseke laha.”+  Kambe, Zerubabele na Yexuwa+ ni varhangeri+ hinkwavo va tindlu ta vatata wa Israyele, va ku eka vona: “A ku na nchumu lexi mi nga xi endlaka ku hi pfuna ku akela Xikwembu xa hina yindlu,+ hikuva hina hi ta akela Yehovha Xikwembu xa Israyele yindlu, hilaha Hosi Korexe,+ hosi ya Peresiya a hi leriseke hakona.”  Vanhu va tiko a va ya emahlweni va tsanisa+ mavoko ya vanhu va Yuda naswona va va heta matimba ya ku aka,+  va va tholela+ vatsundzuxi leswaku va pfilunganya kungu ra vona emasikwini hinkwawo ya Korexe hosi ya Peresiya ku fikela emfun’weni wa Dariyosi+ hosi ya Peresiya.  Naswona eku fumeni ka Ahasuwerusi, eku sunguleni ka ku fuma kakwe, va tsala marito yo hehla+ vaaki va Yuda na Yerusalema.  Nakambe, emasikwini ya Atazekiseki, Bixilama, Mitiredata, Tabele ni vanghana vakwe hinkwavo, va tsalele Atazekiseki hosi ya Peresiya, naswona a va tsale papila hi tinhlanga ta Xiaramu, ri hundzuluxeriwe eririmini ra Xiaramu.+  Rehumi ndhuna leyikulu ya hulumendhe na Ximxayi mutsari, va tsala papila ro hehla Yerusalema ri ya eka Atazekiseki lowa hosi, hi ndlela leyi landzelaka:  Xisweswo Rehumi+ ndhuna leyikulu ya hulumendhe na Ximxayi mutsari ni vanghana vakwe hinkwavo, vaavanyisi ni tindhuna ta xiyimo xa le hansi entsungeni wa Nambu,+ vamatsalana,+ vanhu va Ereki,+ Vababilona,+ vaaki va le Susa,+ hileswaku Vaelami,+ 10  ni matiko+ hinkwawo lawa Asenapara+ lonkulu la xiximekaka a ma yiseke evukhumbini, a ma tshamisiseke emitini ya Samariya,+ ni hinkwavo lava nga entsungeni wa Nambu, ——; sweswi 11  hi leri papila leri va ri rhumeleke malunghana na yona: “Eka Atazekiseki+ lowa hosi, malandza ya wena, vavanuna lava nga entsungeni wa Nambu: Sweswi 12  a swi tiveke eka hosi leswaku Vayuda lava va teke laha va huma eka wena va tile eka hina eYerusalema. Va aka muti wo xandzuka ni wo biha, naswona va hete ku aka marhangu+ ni ku lunghisa masungulo. 13  Sweswi hosi a yi swi tive leswaku, loko ko pfuxiwa muti niloko ko hetiwa marhangu ya wona, a va nge humesi xibalo+ hambi ku ri ndzuvo+ kumbe muthelo, naswona tihosi ti ta lahlekeriwa evuhlayiselweni bya xuma.+ 14  Leswi hi dyaka munyu wa le xigodlweni, naswona swi nga fanelangiki eka hina ku vona vuhava bya hosi, hikwalaho hi rhumele rito leswaku hi tivisa hosi, 15  leswaku ku kambisisiwa buku ya matimu+ ya vakokwa wa wena. Kutani u ta swi kuma ebukwini ya matimu, u vona leswaku muti wolowo i muti wa ku xandzuka, wu tisa ku lahlekeriwa eka tihosi ni le migangeni leyi nga ehansi ka vulawuri bya hosi, naswona a wu ri ni vulawuri bya ku pfukela exikarhi ka wona ku sukela emasikwini ya khale. Hikwalaho ka sweswo muti lowu wu mbundzumuxiwile.+ 16  Hi tivisa hosi leswaku, loko ko pfuxiwa muti wolowo niloko ko hetiwa marhangu ya wona, na wena a wu nge vi na xiavelo entsungeni wa Nambu.”+ 17  Hosi yi rhumela rito eka Rehumi+ ndhuna leyikulu ya hulumendhe ya Ximxayi lowa mutsari ni le ka vanghana+ va yona hinkwavo lava a va tshama eSamariya ni hinkwavo lava a va ri entsungeni wa Nambu, yi ku: “Xewani!+ Sweswi 18  matsalwa ya ximfumo lawa mi hi rhumeleke wona ma hlayiwe kahle emahlweni ka mina. 19  Kutani ndzi humese xileriso, va kambisisile+ va kuma leswaku muti wolowo, ku sukela emasikwini ya khale, hi wona wu pfukeleke tihosi, naswona ku xandzuka ni ku pfukela a swi endleriwa eka wona.+ 20  A ku ri ni tihosi+ ta matimba ehenhla ka Yerusalema ni leti a ti lawula entsungeni hinkwawo wa Nambu,+ naswona xibalo, ndzuvo ni muthelo a swi nyikiwa tona.+ 21  Sweswi humesani xileriso leswaku vanhu lava va tiyeke emirini va tshika, leswaku muti wolowo wu nga pfuxiwi kukondza ku va mina la humesaka xileriso. 22  Xisweswo xiyani leswaku ku nga honisiwi nchumu emhakeni leyi, leswaku ku nga vi na swo biha leswi engetelekaka leswi nga ta vavisa tihosi.”+ 23  Endzhaku ka loko kopi ya tsalwa ra ximfumo ra Atazekiseki lowa hosi ri hlayiwile emahlweni ka Rehumi+ na Ximxayi+ lowa mutsari ni vanghana+ va vona, va hatlisa va ya eYerusalema eka Vayuda va va tshikisa hi matimba ya matlhari.+ 24  Hi wona nkarhi lowu ntirho wa yindlu ya Xikwembu leyi a yi ri eYerusalema wu yimeke ha wona; wu yimise xisweswo ku fikela elembeni ra vumbirhi ra ku fuma ka Dariyosi+ hosi ya Peresiya.

Tinhlamuselo ta le hansi