Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezra 3:1-13

3  Loko n’hweti ya vunkombo+ yi fika, vana va Israyele a va ri emitini ya vona. Vanhu va sungula ku hlengeletana va va munhu un’we+ eYerusalema.+  Kutani Yexuwa+ n’wana wa Yohozadaki ni vamakwavo lava nga vaprista na Zerubabele+ n’wana wa Salatiyele+ ni vamakwavo va suka va yima va aka alitari ya Xikwembu xa Israyele, va nyikela switlhavelo swo hisiwa ehenhla ka yona, hi ku landza leswi tsariweke+ enawini wa Muxe munhu wa Xikwembu xa ntiyiso.  Hiloko va simeka alitari yi tiya endhawini ya yona,+ hikuva a va chava vanhu va matiko,+ kutani va sungula ku nyikela switlhavelo swo hisiwa eka Yehovha ehenhla ka yona, switlhavelo swo hisiwa swa nimixo ni swa nimadyambu.+  Kutani va khoma nkhuvo wa mintsonga+ hi ku landza leswi tsariweke,+ hi switlhavelo swo hisiwa siku ni siku hi ku landza nhlayo ya nawu lowu tsaleriweke siku rin’wana ni rin’wana.+  Endzhaku ka sweswo a ku ri ni gandzelo ro hisiwa ra nkarhi hinkwawo+ ni ra ku thwasa ka n’weti+ ni ra minkhuvo hinkwayo yo kwetsima+ ya Yehovha ni ya un’wana ni un’wana la humesaka gandzelo ra ku tirhandzela+ ri ya eka Yehovha.  Ku sukela esikwini ro sungula ra n’hweti+ ya vunkombo ku ya emahlweni, va sungula ku humesa switlhavelo swo hisiwa swi ya eka Yehovha, ku nga si vekiwa masungulo ya tempele ya Yehovha.  Vavatli va maribye+ ni lava va tivaka ntirho wa mavoko+ va nyikiwa mali,+ va nyika Vasidoni+ ni Vatiri+ swakudya+ ni swakunwa ni mafurha,+ leswaku va tisa mintsandza ya mukedari ku suka eLebanoni+ va yi tisa elwandle ra Yopa,+ hi ku landza mpfumelelo lowu humaka eka Korexe+ hosi ya Peresiya.  Hi lembe ra vumbirhi leri va fikeke ha rona endlwini ya Xikwembu xa ntiyiso eYerusalema, hi n’hweti ya vumbirhi,+ Zerubabele+ n’wana wa Salatiyele+ na Yexuwa+ n’wana wa Yohozadaki ni vamakwavo hinkwavo, vaprista ni Valevhi ni hinkwavo lava humeke evukhumbini+ va ta eYerusalema, va sungula; kutani va veka Valevhi+ eswikhundlheni, lava nga ni malembe ya 20 hi vukhale ku ya ehenhla leswaku va va vakongomisi va ntirho wa yindlu ya Yehovha.+  Hiloko Yexuwa,+ vana vakwe ni vamakwavo, na Kadimiyele ni vana vakwe, vana va Yuda, va yima va va ntlawa wun’we wa vakongomisi ehenhla ka lava va endlaka ntirho wa yindlu ya Xikwembu xa ntiyiso, ni vana va Henadada,+ vana va vona ni vamakwavo, va nga Valevhi. 10  Loko vaaki va veka masungulo+ ya tempele ya Yehovha, kutani vaprista lava ambaleke swiambalo swa vuprista,+ va tamele timhalamhala,+ ni Valevhi vana va Asafa,+ va tamele swiphambati,+ va suka va yima va dzunisa Yehovha hi ku landza nkongomiso+ wa Davhida hosi ya Israyele. 11  Va sungula ku dzunisa+ hi ku nkhensa Yehovha, “hikuva hi lonene,+ naswona musa wakwe wa rirhandzu eka Israyele i wa hilaha ku nga riki na makumu.”+ Loko ku ri vanhu hinkwavo, va huwelele hi ku huwelela lokukulu,+ va dzunisa Yehovha hikwalaho ka ku va ku vekiwe masungulo ya yindlu ya Yehovha. 12  Kutani vaprista+ vo tala ni Valevhi ni varhangeri va tindlu ta vatatana,+ vakulukumba lava va voneke yindlu yo sungula,+ a va rila+ hi rito lerikulu loko ku vekiwa masungulo+ ya yindlu leyi ematihlweni ya vona, loko lava van’wana vo tala va tlakusa marito va ba nkulungwana.+ 13  Hikwalaho vanhu a va nga wu hambanisi mpfumawulo wa nkulungwana+ ni mpfumawulo wa ku rila ka vanhu, hikuva vanhu a va huwelela hi ku huwelela lokukulu, mpfumawulo a wu twiwa ekule ngopfu.

Tinhlamuselo ta le hansi