Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 8:1-18

8  Kutani hi lembe ra vutsevu, hi n’hweti ya vutsevu, esikwini ra vuntlhanu ra n’hweti, a ndzi tshame endlwini ya mina, vakulukumba va Yuda a va tshame emahlweni ka mina,+ loko voko ra Yehovha, Hosi leyi Lawulaka ri wela ehenhla ka mina kwalaho.+  Ndzi languta, kutani waswivo, ndzi vona nchumu lowu fanaka ni ndzilo;+ ku suka emasengeni ya yena ku ya ehansi a ku fana ni ndzilo,+ emasengeni ya yena ku ya ehenhla a ku ri ni nchumu lowu fanaka ni ku voninga, ku fana ni ku hatima ka mpfangano wa nsuku ni silivhere.+  Kutani a tshambuluta nchumu lowu fanaka ni voko,+ a ndzi khoma hi sindza ra misisi ya nhloko ya mina, moya+ wu ndzi rhwala exikarhi ka misava ni matilo, wu ndzi yisa eYerusalema eka swivono swa Xikwembu,+ evunghenweni bya nyangwa ya le mpfungwe+ leyi languteke etlhelo ra n’walungu, laha vutshamo byi nga xifanekiselo xa rilaveta lexi hlohlotelaka rilaveta.+  Waswivo, ku vangama ka Xikwembu xa Israyele a ku ri kwalaho,+ ku fana ni xivumbeko lexi ndzi xi voneke erivaleni ra le nkoveni.  A ya emahlweni a ku eka mina: “N’wana wa munhu, ndzi kombela u tlakusela mahlo ya wena etlhelo ra n’walungu.” Hiloko ndzi tlakusela mahlo ya mina etlhelo ra n’walungu, kutani waswivo, en’walungwini wa nyangwa ya alitari a ku ri ni xifanekiselo lexi xa rilaveta+ evunghenweni.  A ya emahlweni a ku eka mina: “N’wana wa munhu, xana wa swi vona swilo leswikulu swo nyenyetsa leswi va swi endlaka,+ swilo leswi yindlu ya Israyele yi ndzi endlelaka swona leswaku ndzi va ekule swinene ni vukwetsimelo bya mina?+ Kambe u ta tlhela u vona swilo leswikulu leswi nyenyetsaka.”  Hikwalaho a ndzi tisa enyangweni ya xivava, ndzi languta, kutani waswivo, ndzi vona mbhovo yin’wana ekhumbini.  Hiloko a ku eka mina: “N’wana wa munhu, ndzi kombela u boxa khumbi.”+ Hakatsongo-tsongo ndzi boxa khumbi, kutani waswivo, a ku ri ni nyangwa yin’wana.  A ya emahlweni a ku eka mina: “Nghena, u vona swilo swo biha leswi nyenyetsaka leswi va swi endlaka laha.”+ 10  Hiloko ndzi nghena ndzi languta, kutani waswivo, a ku ri ni xifaniso xa swilo hinkwaswo+ leswi kokovaka ni swiharhi leswi nyenyetsaka,+ ni swifaniso hinkwaswo swa hava leswi hombolokeke swa yindlu ya Israyele,+ swi kovotliwe ekhumbini ematlhelo hinkwawo. 11  Vavanuna va 70+ exikarhi ka lava va kuleke va yindlu ya Israyele, Yazaniya n’wana wa Xafani+ a yime exikarhi ka vona, a va yime emahlweni ka swona, un’wana ni un’wana a khome xibya xa yena xo hisela murhi wa risuna, nun’hwelo wa papa ra murhi wa risuna a wu tlhandluka.+ 12  A ya emahlweni a ku eka mina: “Xana u swi vonile, Wena n’wana wa munhu, leswi lava va kuleke va yindlu ya Israyele va swi endlaka emunyameni,+ un’wana ni un’wana ekamareni ra le ndzeni ra nkombiso wakwe? Hikuva va ri, ‘Yehovha a nga hi voni.+ Yehovha u ri siyile tiko leri.’” 13  A hambeta a ku eka mina: “Wa ha ta vona swilo leswikulu leswi nyenyetsaka leswi va swi endlaka.”+ 14  Hiloko a ndzi tisa evunghenweni bya nyangwa ya yindlu ya Yehovha, leyi nga etlhelo ra n’walungu, kutani waswivo, a ku ri ni vavasati lava tshameke, va ri karhi va rilela xikwembu Tamuzi. 15  A ya emahlweni a ku eka mina: “Xana u swi vonile leswi, Wena n’wana wa munhu? Wa ha ta vona swilo leswikulu leswi nyenyetsaka+ leswi biheke ku tlula leswi.” 16  Hiloko a ndzi tisa exivaveni xa le mpfungwe xa yindlu ya Yehovha,+ kutani waswivo, enyangweni ya tempele ya Yehovha, exikarhi ka rikupakupa ni alitari,+ a ku ri ni vavanuna va kwalomu ka 25+ va fularhele tempele ya Yehovha,+ swikandza swa vona swi langute evuxeni, va nkhinsama va langute evuxeni, edyambyini.+ 17  A ya emahlweni a ku eka mina: “Xana u swi vonile leswi, Wena n’wana wa munhu? Xana i xilo xitsongo eka yindlu ya Yuda ku endla swilo leswi nyenyetsaka leswi va swi endleke laha, va tata tiko hi madzolonga,+ va tlhela va ndzi hlundzukisa, naswona va tshambulutela xihluke enhompfini ya mina? 18  Kutani mina ndzi ta teka goza hi vukarhi.+ Tihlo ra mina a ri nge vi na nsovo, naswona a ndzi nge vi na ntsetselelo.+ Kunene va ta huwelela etindleveni ta mina hi rito lerikulu, kambe a ndzi nge va twi.”+

Tinhlamuselo ta le hansi