Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 6:1-14

6  Kutani rito ra Yehovha ri ya emahlweni ri fika eka mina, ri ku:  “N’wana wa munhu, langutisisa mombo wa wena etintshaveni ta Israyele, u ti+ profetela.+  U fanele u ku, ‘N’wina tintshava ta Israyele, twanani rito ra Yehovha,+ Hosi leyi Lawulaka: Yehovha, Hosi leyi Lawulaka u byele tintshava ni switsunga,+ swinambyana ni minkova, a ku: “Hi mina loyi! Ndzi tisa banga ehenhla ka n’wina, kunene ndzi ta lovisa tindhawu ta n’wina leti tlakukeke.+  Tialitari ta n’wina ti fanele ti lovisiwa+ ni swo tlhandleka murhi wa risuna swa n’wina swi ta tshoviwa, naswona lava dlayiweke va n’wina ndzi ta va wisela emahlweni ka swifaniso swa n’wina swa hava leswi hombolokeke.+  Kutani mintsumbu ya vana va Israyele ndzi ta yi veka emahlweni ka swifaniso swa vona swa hava leswi hombolokeke, naswona ndzi ta hangalasa marhambu ya n’wina ematlhelo hinkwawo ya tialitari ta n’wina.+  Etindhawini+ ta n’wina hinkwato to tshama eka tona miti yi ta onhaka ni tindhawu leti tlakukeke ti ta lovisiwa,+ leswaku ti onhiwa+ ni tialitari ta n’wina ti va marhumbi, ti tshoveka+ ni swifaniso swa n’wina swa hava leswi hombolokeke swi herisiwa+ ni swo tlhandleka murhi wa risuna swa n’wina swi wisiwa+ ni mintirho ya n’wina yi herisiwa.  Kunene loyi a dlayiweke u ta wa exikarhi ka n’wina,+ kutani mi ta tiva leswaku hi mina Yehovha.+  “‘“Loko swi endleka ndzi ta mi nyika lava va balekaka banga exikarhi ka matiko, va va masalela, loko mi hangalasiwa exikarhi ka tiko.+  Kunene lava balekeke va n’wina va ta ndzi tsundzuka exikarhi ka matiko lawa va endliweke makhumbi eka wona,+ hikuva ndzi tshovekile hikwalaho ka mbilu ya vona leyi endlaka vumbhisa leyi yi hambukeke eka mina+ ni mahlo ya vona lama endlaka vumbhisa ma landzela swifaniso swa vona swa hava leswi hombolokeke;+ kunene eswikandzeni swa vona va ta nyenya swilo swo biha leswi va swi endleke hikwalaho ka swilo swa vona hinkwaswo leswi nyenyetsaka.+ 10  Kutani va ta tiva leswaku hi mina Yehovha; a ndzi vulavulanga+ swa hava malunghana ni ku endla nchumu lowu wu nga ni khombo eka vona.”’+ 11  “Yehovha, Hosi leyi Lawulaka u te, ‘Phokotelani mavoko,+ mi gima ehansi hi milenge, mi ku: “Oho,” hikwalaho ka swilo hinkwaswo swo biha leswi nyenyetsaka swa yindlu ya Israyele,+ hikuva va ta wa hi banga,+ hi ndlala+ ni hi ntungu.+ 12  Loko ku ri loyi a nga ekule,+ u ta dlayiwa hi ntungu; kasi loko ku ri loyi a nga ekusuhi, u ta wisiwa hi banga; loko ku ri loyi a seleke, loyi a hlayisiweke, u ta dlayiwa hi ndlala, kutani ndzi ta hetisisa vukarhi bya mina ehenhla ka vona.+ 13  Kutani n’wina mi ta tiva leswaku hi mina Yehovha,+ loko lava va dlayiweke va vona va va exikarhi ka swifaniso swa vona swa hava leswi hombolokeke,+ ematlhelo hinkwawo ya tialitari ta vona,+ ehenhla ka xitsunga xin’wana ni xin’wana lexi tlakukeke,+ ehenhla ka tintshava+ hinkwato ni le hansi ka murhi wun’wana ni wun’wana lowukulu ni le hansi ka murhi wun’wana ni wun’wana lowukulu+ lowu nga ni marhavi lamakulu,+ ndhawu leyi va humeseleke eka yona nun’hwelo lowu phyuphyisaka eka swifaniso swa vona hinkwaswo swa hava leswi hombolokeke.+ 14  Kutani ndzi ta tshambulutela voko ra mina ehenhla ka vona,+ ndzi va endla tiko leri nga rhumbi, va onheteriwa ku tlula mananga ya le Dibla, etindhawini ta vona hinkwato ta ku tshama eka tona. Kutani va ta tiva leswaku hi mina Yehovha.’”

Tinhlamuselo ta le hansi