Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 45:1-25

45  “‘Loko mi ava tiko ri va ndzhaka,+ mi fanele mi humesela Yehovha munyikelo,+ xiphemu xo kwetsima xa tiko;+ ku leha ka xona, xi fanele xi leha swisungunu swa 25 000, ku anama ka xona ku va 10 000.+ Xi ta va xiphemu xo kwetsima eka mindzilakana ya kona hinkwayo ematlhelo hinkwawo.  Laha ku ta va ni 500 yi andzisiwe hi 500 ya ndhawu yo kwetsima, leyi endliweke yi ringana matlhelo hinkwawo;+ yi ta va ni swisungunu swa 50 leswi nga madyelo eka tlhelo rin’wana ni rin’wana.+  Eka mpimo lowu u ta pima ku leha ka 25 000 ni ku anama ka 10 000, eka yona ku ta va ni vukwetsimelo, nchumu wo kwetsima ngopfu.+  Xi ta va xiphemu xo kwetsima xa tiko eka vaprista,+ vatirheli va vukwetsimelo, lava va tshinelaka va ta tirhela Yehovha.+ Yi ta va ndhawu ya tindlu ta vona, ni ndhawu yo hlawuleka ya vukwetsimelo.  “‘Yi ta va yi lehe 25 000, yi aname 10 000.+ Yi ta va ya Valevhi, vatirheli va Yindlu. Va ta va ni makamara ya vona yo dyela ya 20.+  “‘Mi ta nyikela hi ku anama ka 5 000 ni ku leha ka 25 000, ku va ndzhaka ya muti, ku fana kahle ni munyikelo wo kwetsima.+ Yi ta va ya yindlu hinkwayo ya Israyele.  “‘Ndhuna yi ta va ni yin’we eka tlhelo leri ni le ka tlhelo lerin’wana ra munyikelo wo kwetsima+ ni ra ndzhaka ya muti, etlhelo ka munyikelo wo kwetsima ni le tlhelo ka ndzhaka ya muti, nchumu wa le vupela-dyambu wu va evupela-dyambu ni nchumu wa le vuxeni wu va evuxeni. Ku leha ku ta ringana ni xin’wana xa swiavelo, ku suka eka ndzilakana wa le vupela-dyambu ku ya eka ndzilakana wa le vuxeni.+  Loko ku ri tiko, ri ta va ra yena eIsrayele. Tindhuna ta mina ti nga ka ti nga ha va khomi hi tihanyi vanhu va mina,+ tiko va ta ri nyika yindlu ya Israyele hi ku landza tinyimba ta vona.’+  “Yehovha, Hosi leyi Lawulaka u te, ‘Swi ringene hi n’wina, N’wina tindhuna ta Israyele!’+ “‘Susani madzolonga ni ku phanga,+ mi endla vululami ni ku tshembeka.+ Tshikani ku yingayingisa vanhu va mina,’+ ku vula Yehovha, Hosi leyi Lawulaka. 10  ‘Mi fanele mi va ni swikalo leswi kongomeke ni efa leyi kongomeke ni mpimo wa bati lowu kongomeke.+ 11  Loko ku ri mpimo wa efa ni mpimo wa bati, ku fanele ku va ni mpimo wun’we lowu vekiweke, bati yi rhwala vukhume bya mpimo wa homere,+ ni vukhume bya homere byi rhwala efa; mpimo wa yona lowu lavekaka, wu fanele wu va wa homere. 12  Xikele+ i tigera ta 20.+ Tixikele ta 20, tixikele ta 25, tixikele ta 15 ti fanele ti va mpimo wa mane eka n’wina.’ 13  “‘Lowu i munyikelo lowu mi faneleke mi wu humesa, xiphemu xa vutsevu xa mpimo wa efa eka mpimo wa homere wa koroni, ni xiphemu xa vutsevu xa mpimo wa efa eka mpimo wa homere wa maxalana; 14  loko ku ri xiphemu xa mafurha, ku ni mpimo wa bati wa mafurha. Mpimo wa bati i vukhume bya koro. Mimpimo ya bati ya khume i mpimo wa homere; hikuva mimpimo ya khume ya bati i mpimo wun’we wa homere. 15  Nyimpfu yin’we entlhambini, eka swifuwo swa 200 swa Israyele,+ ya gandzelo ra mavele+ ni gandzelo ro hisiwa+ leri heleleke ni switlhavelo swa xinakulobye,+ leswaku swi kombeleriwa ku rivaleriwa,’+ ku vula Yehovha, Hosi leyi Lawulaka. 16  “‘Loko ku ri vanhu hinkwavo va tiko, va ta va ni vutihlamuleri bya munyikelo+ lowu eka ndhuna ya Israyele.+ 17  Magandzelo yo hisiwa+ lama heleleke ma ta va ehenhla ka ndhuna+ ni gandzelo ra mavele+ ni gandzelo ra swakunwa enkarhini+ wa minkhuvo+ ni le nkarhini wa ku thwasa ka n’weti+ ni hi tisavata,+ eminkarhini hinkwayo leyi vekiweke ya ku tsaka ya yindlu ya Israyele.+ Hi yena loyi a nga ta nyikela hi gandzelo ra xidyoho ni gandzelo ra mavele ni gandzelo ro hisiwa leri heleleke ni switlhavelo swa xinakulobye, leswaku a yi kombelela ku rivaleriwa yindlu ya Israyele.’ 18  “Yehovha, Hosi leyi Lawulaka u te, ‘Hi n’hweti yo sungula, esikwini ro sungula ra n’hweti, u fanele u teka xinkunzana, rhole ra ntlhambi wa tihomu, leri hanyeke kahle,+ u tengisa vukwetsimelo exidyohweni.+ 19  Muprista u fanele a teka ngati yin’wana ya gandzelo ra xidyoho, a yi chela erimbeni+ ra Yindlu ni le ka tinhla ta mune ta xitupu lexi rhendzeleke xa alitari,+ ehenhla ka rimba ra nyangwa ya xivava xa le mpfungwe. 20  Hi yona ndlela leyi u nga ta endla ha yona esikwini ra vunkombo ra n’hweti loko ku tshuka ku va ni munhu la endlaka xihoxo+ ni loyi a nga riki na ntokoto; mi fanele mi yi kombelela ku rivaleriwa Yindlu leyi.+ 21  “‘Hi n’hweti yo sungula, esikwini ra vu-14 ra n’hweti, mi fanele mi va ni paseka.+ Ku fanele ku dyiwa+ swinkwa leswo-ke-comela leswi ku nga nkhuvo wa masiku ya nkombo. 22  Esikwini rero, hikwalaho ka yona ni hikwalaho ka vanhu hinkwavo va tiko, ndhuna yi fanele yi humesa xinkunzana xi va gandzelo ra xidyoho.+ 23  Emasikwini ya nkombo ya nkhuvo+ yi fanele yi humesela Yehovha gandzelo ro hisiwa leri heleleke ra swinkunzana swa nkombo ni makhuna ya nkombo, leswi hanyeke kahle, siku ni siku ku ringana masiku ya nkombo,+ yi fanele yi humesa xiphongo xi va gandzelo ra xidyoho siku ni siku. 24  Yi fanele yi humesa mpimo wa efa wa xinkunzana ni mpimo wa efa wa khuna, swi va gandzelo ra mavele, loko ku ri mafurha, mpimo wa hini eka mpimo wa efa.+ 25  “‘Hi n’hweti ya vunkombo, esikwini ra vu-15 ra n’hweti, hi nkarhi wa nkhuvo,+ yi fanele yi humesa swo fana ni leswi masiku ya nkombo,+ ku fana ni gandzelo ra xidyoho, ni gandzelo ro hisiwa leri heleleke, ni gandzelo ra mavele ni mafurha.’”

Tinhlamuselo ta le hansi