Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 42:1-20

42  Hakatsongo-tsongo a ndzi tisa+ exivaveni xa le handle hi ndlela ya le tlhelo ra n’walungu.+ Kutani a ndzi tisa emuakweni wa kamara ro dyela+ lowu a wu ri emahlweni ka ndhawu+ ya le tlhelo ni lowu a wu ri emahlweni ka muako wa le n’walungwini.  Emahlweni ka ku leha ka swisungunu swa 100 a ku ri ni vungheno bya le n’walungwini, ku anama ka kona a ku ri swisungunu swa 50.  Emahlweni ka swisungunu swa 20 leswi a swi ri swa xivava xa le mpfungwe+ ni le mahlweni ka vuandlalo+ lebyi a byi ri bya xivava xa le handle a ku ri ni rikupakupa+ etlhelo ka rikupakupa eka swithezi swinharhu.  Emahlweni ka makamara yo dyela a ku ri ni ndlela ya swisungunu swa khume hi ku anama endzeni,+ ndlela ya xisungunu xin’we, vungheno bya kona a byi ri en’walungwini.  Loko ku ri makamara yo dyela, ya le henhla-henhla a ma komile, hikuva makupakupa a ma dya ndhawu ya wona, ku tlula ya le hansi swinene ni ku tlula ya le xikarhi, ya muako.  Hikuva a ma ri eka swithezi swinharhu,+ a ma ri hava tiphuphu to fana ni tiphuphu ta swivava. Hi yona mhaka leyi ku tekiweke ndhawu yo tala ku tlula lawa ya le hansi ni ya le xikarhi ku suka ehansi.  Rirhangu ra maribye leri a ri ri ehandle a ri ri ekusuhi ni makamara yo dyela ku ya exivaveni xa le handle emahlweni ka makamara laman’wana yo dyela. A ri lehe swisungunu swa 50.  Hikuva ku leha ka makamara yo dyela lawa a ma ri exivaveni xa le handle a ku ri swisungunu swa 50, kutani waswivo, emahlweni ka tempele a ku ri swisungunu swa 100.  Ehansi ka makamara lawa yo dyela a ku ri ni ndlela yo nghena leyi a yi ri evuxeni, loko munhu a nghena eka wona ku suka exivaveni xa le handle. 10  Eka vuanamo bya rirhangu ra xivava ku ya evuxeni, emahlweni ka ndhawu+ ya le tlhelo ni le mahlweni ka muako, a ku ri ni makamara yo dyela.+ 11  Emahlweni ka wona a ku ri ni ndlela leyi a yi languteka ku fana ni makamara yo dyela lawa a ma ri etlhelo ra le n’walungwini,+ ku leha ka wona a ku ri tano, ni ku anama ka wona a ku ri tano; tindlela ta wona hinkwawo to huma a ti fana, ni ku akiwa ka wona a ku fana ni vungheno bya wona a byi fana. 12  Vungheno lebyi a byi ri eku sunguleni ka ndlela, a byi fana ni vungheno bya makamara yo dyela lawa a ma ri etlhelo ra le dzongeni, ndlela leyi a yi ri emahlweni ka rirhangu ra ribye leri fanaka etlhelo ra le vuxeni, loko munhu a nghena eka wona.+ 13  A ya emahlweni a ku eka mina: “Makamara yo dyela ya le n’walungwini ni makamara yo dyela ya le dzongeni lawa ma nga emahlweni ka ndhawu ya le tlhelo,+ i makamara yo dyela yo kwetsima, laha vaprista lava va tshinelaka+ eka Yehovha va dyelaka kona swilo swo kwetsima ngopfu.+ Va swi veka kona swilo swo kwetsima ngopfu ni gandzelo ra mavele ni gandzelo ra xidyoho ni gandzelo ra nandzu, hikuva ndhawu leyi ya kwetsima.+ 14  Loko vaprista va nghenile, a va nge humi endhawini yo kwetsima ku ya exivaveni xa le handle, kambe a va veka kona tinguvu ta vona leti va tirhelaka ha tona hi ntolovelo,+ hikuva i nchumu wo kwetsima. Va ta ambala tinguvu tin’wana,+ va tshinela eka leswi swi yelanaka ni vanhu.” 15  Kutani a heta mimpimo ya yindlu ya le mpfungwe, a ndzi humesa hi ndlela ya nyangwa leyi tlhelo ra yona ra le mahlweni a ri ri evuxeni,+ a yi pima hinkwayo. 16  U pime tlhelo ra le vuxeni hi rihlanga ro pima. A ku ri tinhlanga ta 500, hi rihlanga ro pima,+ ematlhelo hinkwawo. 17  U pime tlhelo ra le n’walungwini, tinhlanga ta 500, hi rihlanga ro pima, ematlhelo hinkwawo. 18  U pime tlhelo ra le dzongeni, tinhlanga ta 500, hi rihlanga ro pima. 19  U rhendzeleke a ya etlhelo ra le vupela-dyambu. U pime tinhlanga ta 500, hi rihlanga ro pima. 20  U yi pime matlhelo ya mune. A yi ri ni rirhangu ematlhelo hinkwawo,+ hi ku leha ka tinhlanga ta 500 ni ku anama ka tinhlanga ta 500,+ ku hambanisa leswo kwetsima ni leswi nyameke.+

Tinhlamuselo ta le hansi