Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 39:1-29

39  “Loko ku ri wena, Wena n’wana wa munhu, profeta ku lwa na Gogo,+ u ku, ‘Yehovha, Hosi leyi Lawulaka u te: “Waswivo, ndzi lwa na wena, Wena Gogo, wena ndhuna leyikulu ya Mixeke+ na Tubala.+  Ndzi ta ku hundzuluxa, ndzi ku kongomisa,+ ndzi ku humesa etindhawini ta le kule swinene ta n’walungu,+ ndzi ku tisa ehenhla ka tintshava ta Israyele.  Ndzi ta ba vurha bya wena evokweni ra wena ra ximatsi, miseve ya wena ndzi ta yi wisa evokweni ra wena ra xinene.  U ta wela etintshaveni ta Israyele,+ wena ni mavuthu ya wena ni vanhu lava va nga ta va va ri na wena. Ndzi ta ku nyiketa u va swakudya+ swa tinyenyana leti ti dyaka nyama, tinyenyana ta mixaka hinkwayo ya timpapa, ni swivandzana swa nhova.”’  “‘U ta wela ehenhla ka vuandlalo bya nhova,+ hikuva mina ndzi vurile,’ ku vula Yehovha, Hosi leyi Lawulaka.  “‘Ndzi ta rhuma ndzilo eka Magogo+ ni le ka lava va tshamaka eswihlaleni va sirhelelekile;+ vanhu va ta tiva leswaku hi mina Yehovha.  Ndzi ta tivisa vito ra mina ro kwetsima exikarhi ka vanhu va mina va Israyele, ndzi nga ka ndzi nga ha tshiki vito ra mina ro kwetsima ri nyamisiwa;+ matiko ma ta tiva leswaku hi mina Yehovha,+ Mukwetsimi wa le Israyele.’+  “‘Waswivo! Swi fanele swi ta, swi fanele swi endleka,’+ ku vula Yehovha, Hosi leyi Lawulaka. ‘Leri i siku leri ndzi vulavuleke ha rona.+  Kunene vaaki va miti ya Israyele va ta huma, va hisa, va tshivela ndzilo hi swihlomo swa nyimpi ni switlhangu leswitsongo ni switlhangu leswikulu,—hi mavurha ni hi miseve ni hi tinhonga ni hi matlhari yo leha; va ta tshivela ndzilo+ ha swona ku ringana malembe ya nkombo. 10  Va nga ka va nga rhwali tihunyi enhoveni, hambi ku ri ku rhotela tihunyi emakhwatini, hikuva va ta tshivela ndzilo hi swihlomo swa nyimpi.’ “‘Kunene va ta phanga lava a va va phanga,+ va teka lava a va va teka,’ ku vula Yehovha, Hosi leyi Lawulaka. 11  “‘Esikwini rero ndzi ta nyika Gogo+ ndhawu kwalaho, xilahlo eIsrayele, nkova wa lava va tsemakanyaka hi le vuxeni bya lwandle, wu ta siva lava va hundzaka. Va ta lahla Gogo kona ni ntshungu wa yena hinkwawo, entiyisweni va ta wu vitana Nkova wa Ntshungu wa Gogo.+ 12  Vanhu va yindlu ya Israyele va ta va lahla hi xikongomelo xo basisa tiko, ku ringana tin’hweti ta nkombo.+ 13  Vanhu hinkwavo va tiko va ta lahla, kunene yi ta va mhaka ya ndhuma esikwini leri ndzi tivangamisaka ha rona,’+ ku vula Yehovha, Hosi leyi Lawulaka. 14  “‘Ku ta va ni vavanuna lava va nga ta ya emahlweni ni ntirho lava va nga ta va avanyisa, va tsemakanya etikweni, va lahla, ni lava va tsemakanyaka, lava va seleke evuandlalweni bya misava, leswaku va yi basisa. Va ta hambeta va lavisisa ku fikela eku heleni ka tin’hweti ta nkombo. 15  Lava va tsemakanyaka va ta tsemakanya etikweni, loko munhu o vona rhambu ra munhu u fanele a endla mfungho etlhelo ka rona, kukondza lava va lahlaka va ri lahla eNkoveni wa Ntshungu wa Gogo.+ 16  Vito ra muti ri ta va Hamona. Va ta basisa tiko.’+ 17  “Loko ku ri wena, Wena n’wana wa munhu, Yehovha, Hosi leyi Lawulaka u te, ‘Byela tinyenyana ta muxaka wun’wana ni wun’wana wa timpapa ni swivandzana hinkwaswo swa nhova,+ u ku: “Hlengeletanani, mi ta. Hlengeletanani ematlhelo ka xitlhavelo xa mina, lexi ndzi mi endlelaka xona, xitlhavelo lexikulu etintshaveni ta Israyele.+ Kunene mi ta dya nyama, mi nwa ngati.+ 18  Mi ta dya nyama ya lava va nga ni matimba naswona mi ta nwa ngati ya tindhuna ta misava,+ makhuna, swinyimpfana swa xinuna,+ swiphongo, swinkunzana,+ hinkwaswo swifuwo leswi nonisiweke swa Baxani.+ 19  Kunene mi ta dya leswo nona mi eneriseka,+ mi nwa ngati mi dakwa, eka xitlhavelo xa mina lexi ndzi nga ta mi endlela xona.”’ 20  “‘Mi ta eneriseka etafuleni ra mina hi tihanci ni vachayeri va makalichi, vanhu va matimba ni valwi va nyimpi va mixaka hinkwayo,’ ku vula Yehovha, Hosi leyi Lawulaka.+ 21  “‘Ndzi ta veka ku vangama ka mina exikarhi ka matiko; matiko hinkwawo ma ta vona ku avanyisa ka mina loku ndzi ku humeseke,+ ni voko ra mina leri ndzi ri vekeke ehenhla ka wona.+ 22  Vanhu va yindlu ya Israyele va ta tiva leswaku hi mina Yehovha Xikwembu xa vona ku sukela esikwini rero, ku ya emahlweni.+ 23  Matiko ma ta tiva leswaku vona, va yindlu ya Israyele, va ye evukhumbini hikwalaho ka xihoxo xa vona,+ hikwalaho ka leswi va pfumaleke ku tshembeka eka mina, lerova ndzi va tumbetele xikandza xa mina,+ ndzi va nyiketa evokweni ra swirha swa vona, va ya emahlweni va wisiwa hi banga,+ hinkwavo ka vona. 24  Ndzi va endlele hi ku ya hi ku nyama ka vona ni hi ku ya hi ku tlula nawu ka vona,+ ndzi ye emahlweni ndzi va tumbetela xikandza xa mina.’ 25  “Hikokwalaho Yehovha, Hosi leyi Lawulaka u te, ‘Sweswi ndzi ta vuyisa lava va nga evukhumbini va Yakobe,+ ndzi va ni tintswalo eka yindlu hinkwayo ya Israyele;+ ndzi ta kombisa ku tinyiketela loku hlawulekeke evitweni ra mina ro kwetsima.+ 26  Va ta va va byarhe ku tsongahatiwa+ ka vona ni ku pfumala ku tshembeka ka vona hinkwako loku va ku kombiseke eka mina,+ loko va tshama emisaveni ya vona va sirhelelekile,+ ku ri hava munhu loyi a va chavisaka.+ 27  Loko ndzi va vuyisa exikarhi ka vanhu, ndzi va hlengeleta va huma ematikweni ya valala va vona,+ ndzi ta tihlawulekisa exikarhi ka vona ematihlweni ya matiko yo tala.’+ 28  “‘Va ta tiva leswaku hi mina Yehovha Xikwembu xa vona, loko ndzi va yisa evukhumbini, ndzi va hlengeleta emisaveni ya vona,+ ndzi nga ha siyi munhu eka vona.+ 29  Ndzi nga ka ndzi nga ha va tumbeteli xikandza xa mina,+ hikuva ndzi ta chululela moya wa mina ehenhla ka yindlu ya Israyele,’+ ku vula Yehovha, Hosi leyi Lawulaka.”

Tinhlamuselo ta le hansi