Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 38:1-23

38  Rito ra Yehovha ri ya emahlweni ri fika eka mina, ri ku:  “N’wana wa munhu,+ xikandza xa wena a xi lwe na Gogo wa tiko ra Magogo,+ ndhuna leyikulu ya Mixeke+ na Tubala,+ u profeta ku lwa na yena.  U fanele u ku, ‘Yehovha, Hosi leyi Lawulaka u te: “Waswivo, ndzi lwa na wena, Wena Gogo, wena ndhuna leyikulu ya Mixeke na Tubala.  Kunene ndzi ta ku hundzuluxa, ndzi nghenisa swiove etinhlayeni ta wena,+ ndzi ku humesa swin’we ni vandla ra wena hinkwaro ra nyimpi,+ tihanci ni vagadi va tihanci, hinkwavo va ambale swo saseka ngopfu,+ nhlengeletano leyikulu, hi xitlhangu lexikulu ni xitlhangu lexitsongo, hinkwavo va tamele mabanga;+  va ri na Peresiya,+ Etiyopiya+ na Putu,+ hinkwavo va ri ni xitlhangu lexitsongo ni xihuku;  Gomere+ ni mavuthu yakwe hinkwawo, yindlu ya Togarima,+ ya le tindhawini ta le kule swinene ta n’walungu, ni mavuthu ya kona hinkwawo, vanhu vo tala va ri na wena.+  “‘“Lungheka, u tilunghiselela, wena ni nhlengeletano ya wena hinkwayo,+ lava va hlengeletaneke ekusuhi na wena, u fanele u va murindzi wa vona.  “‘“Endzhaku ka masiku yo tala u ta nyikiwa nyingiso. Eku heteleleni ka malembe u ta ta etikweni+ ra vanhu lava va vuyisiweke ebangeni, lava va hlengeletiweke va huma evanhwini vo tala,+ va ya etintshaveni ta Israyele, leti a ti ri ndhawu leyi onhakeke nkarhi hinkwawo; tiko leri ri tekiweke eka vanhu vo tala, laha a va tshama kona va sirhelelekile, hinkwavo ka vona.+  U ta boheka ku ta. U ta nghena kukota xidzedze.+ U ta funengeta tiko kukota mapapa,+ wena ni mavuthu ya wena hinkwawo ni vanhu vo tala lava va nga na wena.”’ 10  “Yehovha, Hosi leyi Lawulaka u te, ‘Esikwini rero, ku ta ta swilo embilwini ya wena,+ kunene u ta anakanya makungu yo biha;+ 11  u fanele u ku: “Ndzi ta tlhandluka ndzi ya lwa ni tiko-xikaya.+ Ndzi ta fika eka lava va nga kavanyetekiki, lava tshamaka va sirhelelekile, hinkwavo va tshama va nga ri na rirhangu,+ hambi ku ri swigogo ni tinyangwa a va na swona.” 12  Hi xikongomelo xo teka swilo swo tala ni ku phanga lokukulu,+ leswaku u tlherisa voko ra wena ehenhla ka tindhawu leti onhakeke leti tlheleke ti akiwa+ ni le henhla ka vanhu lava va hlengeletiweke ematikweni,+ lava va hlengeletaka rifuwo ni nhundzu,+ lava va tshamaka exikarhi+ ka misava. 13  “‘Xeba+ na Dedani+ ni vabindzuri va Taraxixi+ ni swinghalana swa kona hinkwaswo leswi nga ni ntshiva+—va ta ku eka wena: “Xana u tela ku ta teka swilo swo tala? Xana u vitane nhlengeletano ya wena leswaku u phanga swinene, leswaku u teka silivhere ni nsuku, u teka rifuwo ni nhundzu, u teka swilo swo tala ngopfu?”’ 14  “Hikokwalaho profeta, Wena n’wana wa munhu, u byela Gogo u ku, ‘Yehovha, Hosi leyi Lawulaka u te: “Xana u nga ka u nga swi tivi hi siku rero loko vanhu va mina va Israyele va sirhelelekile?+ 15  Kunene u ta ta u huma endhawini ya wena, ku suka eswiphen’wini swa le kule swinene swa le n’walungwini,+ wena ni vanhu vo tala lava va nga na wena, hinkwavo va gade tihanci, va ri nhlengeletano leyikulu, nhlengeletano leyikulu swinene ya nyimpi.+ 16  U ta boheka ku ta ehenhla ka vanhu va mina va Israyele, kukota mapapa, u funengeta tiko.+ Swi ta endleka exiphen’wini xo hetelela xa masiku, kunene ndzi ta mi tisa ku lwa ni tiko ra mina,+ leswaku matiko ma ta ndzi tiva loko ndzi tihlawulekisa eka wena ematihlweni ya wona, Wena Gogo.”’+ 17  “Yehovha, Hosi leyi Lawulaka u te, ‘Xana hi wena+ loyi ndzi vulavuleke ha yena emasikwini yo sungula hi voko ra malandza ya mina lama nga vaprofeta va Israyele, lava a va profeta emasikwini wolawo—emalembeni wolawo—malunghana ni ku ku tisa ehenhla ka vona?’+ 18  “‘Esikwini rero, esikwini leri Gogo a nghenaka ha rona emisaveni ya Israyele,’ ku vula Yehovha, Hosi leyi Lawulaka, ‘vukarhi bya mina byi ta fika enhompfini ya mina.+ 19  Ndzi ta vulavula+ hi ku hiseka ka mina,+ hi ndzilo wa ku hlundzuka ka mina. Hakunene esikwini rero ku ta va ni ku tsekatseka lokukulu emisaveni ya Israyele.+ 20  Tinhlampfi ta lwandle ni swivumbiwa leswi hahaka swa matilo ni swivandzana swa nhova ni swilo hinkwaswo leswi kokovaka emisaveni ni vanhu hinkwavo lava va nga ehenhla ka vuandlalo bya misava, swi ta boheka ku rhurhumela hikwalaho ka mina,+ tintshava ti ta wisiwa+ ni tindlela leti nga swiganga ti ta hirimuka, rirhangu rin’wana ni rin’wana ri ta wela emisaveni.’ 21  “‘Ndzi ta n’wi vitanela banga endhawini ya mina hinkwayo ya tintshava,’ ku vula Yehovha, Hosi leyi Lawulaka.+ ‘Banga ra un’wana ni un’wana ri ta va ehenhla ka makwavo.+ 22  Ndzi ta n’wi avanyisa,+ hi ntungu+ ni hi ngati;+ ehenhla ka yena ni le henhla ka mavuthu yakwe ni le henhla ka vanhu vo tala lava va nga ta va va ri na yena, ndzi ta nisa+ maboboma lamakulu ni xihangu,+ ndzilo+ ni xivavula. 23  Kunene ndzi ta titwarisa ndzi tihlawulekisa,+ ndzi titivisa ematihlweni ya matiko yo tala; va ta tiva leswaku hi mina Yehovha.’+

Tinhlamuselo ta le hansi