Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 35:1-15

35  Rito ra Yehovha ri ya emahlweni ri fika eka mina, ri ku:  “N’wana wa munhu, xikandza+ xa wena a xi lwe ni ndhawu ya tintshava ya Seyiri,+ u profeta ku lwa na yona.+  U fanele u ku eka yona, ‘Yehovha, Hosi leyi Lawulaka u te: “Waswivo, ndzi lwa na wena, Wena ndhawu ya tintshava ya Seyiri,+ ndzi ta tshambulutela voko ra mina ehenhla ka wena,+ ndzi ku endla rhumbi, u onheteriwa.+  Miti ya wena ndzi ta yi endla ndhawu leyi onhakeke, wena u ta va rhumbi ntsena;+ kutani u ta tiva leswaku hi mina Yehovha,+  hikwalaho ka leswi u veke ni vulala lebyi tshamaka hilaha ku nga heriki+ naswona a wu tshamela ku nyiketa vana va Israyele ematimbeni ya banga,+ enkarhini wa khombo ra vona,+ enkarhini wa xihoxo xa vona xa makumu.”’+  “‘Hikokwalaho loko ntsena ndza ha hanya,’ ku vula Yehovha, Hosi leyi Lawulaka, ‘hikwalaho ka leswi ndzi lunghiseleleke ngati, ngati yi ta ku hlongorisa.+ Kunene a wu venge ngati, ngati yi ta ku hlongorisa.+  Kunene ndzi ta endla ndhawu ya tintshava ya Seyiri yi va rhumbi, yi onheteriwa,+ ndzi ta dlaya loyi a tsemakanyaka eka yona ni loyi a tlhelelaka eka yona.+  Ndzi ta tata tintshava ta yona hi lava va dlayiweke eka yona; loko ku ri switsunga swa wena ni minkova ya wena ni swinambyana swa wena hinkwaswo, lava va dlayiweke hi banga va ta wela eka swona.+  Ndzi ta ku endla marhumbi lama tshamaka hilaha ku nga heriki, ku nga ka ku nga tshami munhu emitini ya wena;+ mi ta tiva leswaku hi mina Yehovha.’+ 10  “Hikwalaho ka leswi mi vulaka mi ku, ‘Matiko lawa mambirhi, ni tindhawu leti timbirhi—swi ta va swa mina, kunene hi ta teka tiko rin’wana ni rin’wana,’+ kasi Yehovha a a ri kona kwalaho,+ 11  ‘hikokwalaho loko ntsena ndza ha hanya,’ ku vula Yehovha, Hosi leyi Lawulaka, ‘ndzi ta teka goza hi ku landza ku hlundzuka ka wena ni hi ku landza rilaveta ra wena leri u ri kombiseke hikwalaho ka ku va venga ka wena;+ ndzi ta titivisa eka vona loko ndzi ku avanyisa.+ 12  U ta tiva leswaku mina, Yehovha, ndzi swi twile swilo swa wena hinkwaswo leswi nga kombisiki xichavo leswi u swi vuleke malunghana ni tintshava ta Israyele,+ u ku: “Ti onheteriwile. Hi nyikiwe tona ti va swakudya swa hina.”+ 13  Mi tshamele ku tikukumuxa eka mina hi milomu ya n’wina,+ mi tate marito ya n’wina ehenhla ka mina.+ Ndzi ma twile.’+ 14  “Yehovha, Hosi leyi Lawulaka u te, ‘Enkarhini lowu misava yi tsakaka ha wona, wena ndzi ta ku endla rhumbi. 15  Tanihi leswi wena a wu tsakile hi ndzhaka ya yindlu ya Israyele hikwalaho ka leswi a yi endliwe rhumbi, ndzi ta ku endla nchumu lowu fanaka.+ U ta va rhumbi, Wena ndhawu ya tintshava ya Seyiri, Edomu hinkwaro, hi ku helela;+ va ta tiva leswaku hi mina Yehovha.’”+

Tinhlamuselo ta le hansi