Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 34:1-31

34  Rito ra Yehovha ri ya emahlweni ri fika eka mina, ri ku:  “N’wana wa munhu, profeta ku lwisana ni varisi va Israyele. Profeta, u byela varisi, u ku, ‘Yehovha, Hosi leyi Lawulaka u te: “Khombo eka varisi va Israyele,+ lava va tiwundlaka hi voxe!+ Xana varisi a va fanelanga va wundla+ ntlhambi?  Mi dya leswo nona,+ mi tiambexa voya. Mi tlhava+ xifuwo xo nona.+ Ntlhambi a mi wu wundli.  Leti ti vabyaka a mi ti tiyisanga, leyi yi vabyaka a mi yi hanyisanga,+ leyi yi tshovekeke a mi yi bohelelanga, leyi yi hambukeke a mi yi vuyisanga, ni leyi yi lahlekeke a mi yi lavanga,+ kambe mi ti veka ehansi ka n’wina mi ti xanisa, hi tihanyi.+  Kutani ti hangalake hakatsongo-tsongo hikwalaho ka leswi ku nga riki na murisi,+ lerova ti ve swakudya swa xivandzana xin’wana ni xin’wana xa nhova, ti hambeta ti hangalaka.+  Tinyimpfu ta mina ti tshamela ku lahlekela etintshaveni hinkwato ni le xitsungeni xin’wana ni xin’wana lexi tlakukeke;+ tinyimpfu+ ta mina ti hangalakele evuandlalweni hinkwabyo bya misava, ku nga ri na munhu loyi a ti lavisisaka, ku nga ri na munhu loyi a ti landzaka.  “‘“Hikokwalaho, n’wina varisi, yingisani rito ra Yehovha,  ‘“Loko ntsena ndza ha hanya,” ku vula Yehovha, Hosi leyi Lawulaka, “hakunene, hikwalaho ka leswi tinyimpfu ta mina ti veke nchumu wo phangiwa nileswi tinyimpfu ta mina ti hambeteke ti va swakudya swa xivandzana xin’wana ni xin’wana xa nhova, hikwalaho ka leswi a ku nga ri na murisi, nileswi varisi va mina va nga ti lavangiki tinyimpfu ta mina, kambe varisi va tshameleke ku tiwundla hi voxe,+ kambe tinyimpfu ta mina a va ti wundlanga,”’  hikokwalaho, n’wina varisi, yingisani rito ra Yehovha. 10  Yehovha, Hosi leyi Lawulaka u te, ‘Waswivo, ndzi lwa ni varisi,+ kunene ndzi ta lava ku vuyiseriwa tinyimpfu ta mina evokweni ra vona, ndzi va tshikisa ku wundla tinyimpfu ta mina,+ varisi va nga ka va nga ha tiwundli;+ ndzi ta kutsula tinyimpfu ta mina enon’wini wa vona, ti nga ka ti nga vi swakudya swa vona.’”+ 11  “‘Hikuva Yehovha, Hosi leyi Lawulaka u te: “Hi mina loyi, mina, ndzi ta lavisisa tinyimpfu ta mina, ndzi ti langutela.+ 12  Ndzi ta khathalela tinyimpfu ta mina, hi ndlela leyi loyi a wundlaka ntlhambi+ wakwe esikwini leri a vaka exikarhi ka tinyimpfu ta yena,+ a ti khathalelaka ha yona; ndzi ta ti kutsula etindhawini hinkwato leti ti hangalakeleke eka tona esikwini ra mapapa ni ku dzwihala lokukulu.+ 13  Ndzi ta ti humesa exikarhi ka vanhu,+ ndzi ti hlengeleta ku suka ematikweni, ndzi ti tisa emisaveni ya tona,+ ndzi ti wundlela etintshaveni ta Israyele, eswinambyanini ni le tindhawini hinkwato to tshama eka tona ta tiko.+ 14  Ndzi ta ti wundlela emadyelweni lamanene, naswona ndhawu ya tona yo tshama yi ta va etintshaveni leti tlakukeke ta Israyele.+ Ti ta etlela kona endhawini leyinene yo tshama eka yona,+ naswona ti ta dyela emadyelweni yo nona ehenhla ka tintshava ta Israyele.” 15  “‘“Mina ndzi ta wundla tinyimpfu ta mina,+ ndzi ta ti vundzisa,”+ ku vula Yehovha, Hosi leyi Lawulaka. 16  “Leyi lahlekeke ndzi ta yi lavisisa,+ leyi hambukeke ndzi ta yi vuyisa, leyi tshovekeke ndzi ta yi bohelela, leyi vabyaka ndzi ta yi tiyisa, kambe leyo nona+ yi tlhela yi va ni matimba ndzi ta yi lovisa. Yoleyo ndzi ta yi wundla hi vuavanyisi.”+ 17  “‘Loko ku ri n’wina tinyimpfu tanga, Yehovha, Hosi leyi Lawulaka u te: “Maswivo, ndzi avanyisa exikarhi ka nyimpfu ni nyimpfu, exikarhi ka makhuna ni swiphongo.+ 18  Xana i nchumu lowutsongo eka n’wina leswaku mi dyela+ eka madyelo lamanene ngopfu kambe madyelo laman’wana ya n’wina mi wa kandziyela hi milenge, nileswaku mi nwa mati yo tenga kambe lawa ma saleke mi wa dunga hi ku ma kandziyela hi milenge? 19  Loko ku ri tinyimpfu ta mina, xana ti fanele ti dyela eka madyelo lama kandziyeriweke hi milenge ya n’wina, ti nwa mati lama dungiweke hi ku kandziyeriwa hi milenge ya n’wina?” 20  “‘Hikokwalaho Yehovha, Hosi leyi Lawulaka u va byele a ku: “Hi mina loyi, mina hi xiviri, kunene ndzi ta avanyisa exikarhi ka nyimpfu yo nona ni nyimpfu yo ondza, 21  hikwalaho ka leswi mi tshameleke ku va susumeta hi tsheve ni katla, mi tshamela ku va susumeta hi timhondzo hinkwavo lava va vabyaka kukondza mi va hangalasela ehandle.+ 22  Ndzi ta ponisa tinyimpfu ta mina, ti nga ka ti nga ha vi nchumu wo phangiwa;+ ndzi ta avanyisa exikarhi ka nyimpfu ni nyimpfu. 23  Ndzi ta ti vekela murisi un’we, u ta ti wundla,+ ku nga nandza wa mina Davhida.+ Yena u ta ti wundla, u ta va murisi wa tona.+ 24  Mina Yehovha, ndzi ta va Xikwembu xa tona,+ nandza wa mina Davhida u ta va ndhuna exikarhi ka tona.+ Mina, Yehovha, ndzi vurile. 25  “‘“Ndzi ta endla ntwanano wa ku rhula na tona,+ kunene ndzi ta herisa xivandzana lexi nga ni khombo etikweni,+ ti ta tshama emananga ti sirhelelekile, ti etlela emakhwatini.+ 26  Ndzi ta endla leswaku tona ni tindhawu leti nga ekusuhi ni xitsunga xa mina ti va nkateko,+ ndzi ta endla leswaku mpfula yi na hi nkarhi wa yona. Ku ta va ni timpfula leti ti naka ta nkateko.+ 27  Kutani murhi wa nhova wu fanele wu veka mihandzu ya wona,+ tiko ri ta humesa ntshovelo wa rona,+ ti ta tshama emisaveni ya tona ti sirhelelekile.+ Ti ta tiva leswaku hi mina Yehovha loko ndzi tshova majoko ya tona,+ ndzi ti kutsula evokweni ra lava a va ti endla mahlonga.+ 28  Ti nga ka ti nga ha vi nchumu wo phangiwa hi matiko;+ loko ku ri xivandzana xa misava, xi nga ka xi nga ti dyi, ti ta tshama ti sirhelelekile, ti nga chavisiwi hi munhu.+ 29  “‘“Ndzi ta ti simekela vito,+ ti nga ka ti nga ha vi leti tekiweke hi ndlala etikweni,+ ti nga ka ti nga ha tsongahatiwi hi matiko.+ 30  ‘Ti ta tiva leswaku mina, Yehovha Xikwembu xa tona, ndzi na tona+ nileswaku tona i vanhu va mina, yindlu ya Israyele,’ ku vula Yehovha, Hosi leyi Lawulaka.”’+ 31  “‘Loko ku ri n’wina tinyimpfu tanga,+ tinyimpfu ta madyelo ya mina, mi vanhu va la misaveni. Mina ndzi Xikwembu xa n’wina,’ ku vula Yehovha, Hosi leyi Lawulaka.”

Tinhlamuselo ta le hansi