Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 31:1-18

31  Kutani swi endleka nakambe hi lembe ra vu-11, hi n’hweti ya vunharhu, esikwini ro sungula ra n’hweti, rito ra Yehovha ri fika eka mina, ri ku:  “N’wana wa munhu, byela Faro hosi ya Egipta ni ntshungu wakwe hinkwawo,+ u ku, “‘Xana u fana na mani hi vukulu bya wena?  Maswivo! Muasiriya, mukedari wa le Lebanoni,+ lowu nga ni marhavi yo saseka,+ wa marhavi yo tlhuma lama endlaka ndzhuti, lowu tlakukeke,+ lerova maninginingi+ ya wona a ma ri ehenhla emapapeni.  Mati hi wona ma wu endleke wu va wukulu;+ xidziva xa mati xi wu endla wu kula wu ya ehenhla. Swinambyana swa xona a swi famba hinkwako laha wu byariweke kona; migerho ya xona a yi ya eka mirhi hinkwayo ya nhova.  Hi yona mhaka leyi wu kuleke wu ya ehenhla ni xiyimo xa wona xi tlulaka mirhi leyin’wana hinkwayo ya nhova.+ “‘Marhavi ya wona ma hambeta ma andza, marhavi ya wona ma leha hikwalaho ka mati yo tala swinene emigerhweni ya wona.+  Swivumbiwa hinkwaswo leswi hahaka swa matilo swi akele swisaka swa swona eka wona,+ swivandzana hinkwaswo swa nhova swi velekele ehansi ka marhavi ya wona,+ matiko lama nga ni vaaki vo tala ma ta tshama endzhutini wa wona.  Kutani wu saseka hi vukulu bya wona,+ hi ku leha ka switluka swa wona, hikuva timitsu ta wona a ti ri ehenhla ka mati yo tala.  Mikedari yin’wana a yi nga fani na wona entangeni wa Xikwembu.+ Loko ku ri mirhi ya yunipa, a yi nga fani ni marhavi ya wona. Mirhi ya puleyini a yi hambanile na wona hi marhavi. Ku hava murhi wun’wana entangeni wa Xikwembu lowu a wu fana na wona hi ku saseka.+  Ndzi wu endle wu saseka hi switluka swa wona swo tala,+ mirhi leyin’wana hinkwayo ya Edeni leyi a yi ri entangeni wa Xikwembu xa ntiyiso yi tshamela ku va ni mona eka wona.’+ 10  “Hikokwalaho Yehovha, Hosi leyi Lawulaka u te, ‘Hikwalaho ka leswi wu veke ni xiyimo xo tlakuka, lerova maninginingi ya wona ma fika emapapeni,+ mbilu ya wona yi titlakusa hikwalaho ka ku tlakuka ka wona,+ 11  ndzi ta wu nyiketa evokweni ra loyi a fumaka matiko+ hi tihanyi. Kunene u ta wu endla swo karhi. Ndzi ta wu hlongola+ hi ku landza vuhomboloki bya wona. 12  Kutani vafambi, lava va xanisaka matiko, va ta wu tsema, vanhu va ta wu tshika etintshaveni; kunene switluka swa wona swi ta wela eminkoveni hinkwayo, marhavi ya wona ma ta tshovekela eswinambyanini hinkwaswo swa misava.+ Vanhu hinkwavo va misava va ta xika va siya ndzhuti wa wona, va wu tshika.+ 13  Swivumbiwa hinkwaswo leswi hahaka swa matilo swi ta tshama ensinyeni lowu wu weke, swivandzana hinkwaswo swa nhova swi ta tshama ehenhla ka marhavi ya wona;+ 14  leswaku ni wun’we wa mirhi leyi yi cheletiwaka wu nga tshuki wu va ni xiyimo xo tlakuka, kumbe maninginingi ya mirhi leyi ma fika emapapeni, nileswaku ni wun’we lowu wu nwaka mati wu nga titlakusi eku tlakukeni ka yona, kunene hinkwayo ka yona yi ta dlayiwa,+ yi ya etikweni ra le hansi,+ exikarhi ka vana va vanhu, eka lava va rhelelaka va ya emugodini.’ 15  “Yehovha, Hosi leyi Lawulaka u te, ‘Esikwini leri wu nga ta rhelela ha rona eSheol ndzi ta endla leswaku ku riliwa.+ Ndzi ta funengeta xidziva xa mati hikwalaho ka wona, leswaku ndzi siva swinambyana swa xona ni leswaku mati yo tala ma siveriwa; ndzi ta endla Lebanoni a va ni munyama hikwalaho ka wona, naswona mirhi ya nhova yi ta titivala hikwalaho ka wona. 16  Loko ku twakala mpfumawulo wa ku wa ka wona ndzi ta ninginisa matiko, loko ndzi wu tisa eSheol swin’we ni lava va rhelelaka emugodini,+ etikweni leri nga ehansi, mirhi hinkwayo ya Edeni,+ leyo hlawuleka ngopfu ni leyinene ya Lebanoni yi ta chaveleleka.+ 17  Yona yi rhelele na wona eSheol,+ eka lava va dlayiweke hi banga ni lava va tshameke endzhutini wa yena exikarhi ka matiko+ kukota mbewu ya yena.’ 18  “‘Xisweswo, xana u fana na mani hi ku vangama+ ni hi vukulu exikarhi ka mirhi ya Edeni?+ Kunene u ta rhelerisiwa etikweni ra le hansi swin’we ni mirhi ya Edeni.+ U ta etlela exikarhi ka lava va nga yimbangiki swin’we ni lava va dlayiweke hi banga. Loyi i Faro ni ntshungu wakwe hinkwawo,’ ku vula Yehovha, Hosi leyi Lawulaka.”

Tinhlamuselo ta le hansi