Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 26:1-21

26  Hi lembe ra vu-11, esikwini ro sungula ra n’hweti, rito ra Yehovha ri fika eka mina, ri ku:  “N’wana wa munhu, hikwalaho ka leswi Tiri+ a vuleke ehenhla ka Yerusalema,+ a ku, ‘Aha! U tshovekile,+ tinyangwa ta vanhu!+ Kunene nyingiso wu ta va eka mina. Ndzi ta tatiwa—u onhiwile,’+  hikokwalaho Yehovha, Hosi leyi Lawulaka u te, ‘Waswivo, ndzi lwa na wena, Wena Tiri, ndzi ta tisa matiko+ yo tala ku lwa na wena, hilaha lwandle ri ma humesaka hakona magandlati ya rona.+  Kunene ma ta lovisa+ marhangu ya Tiri, ma hirimuxa swihondzo swa yena,+ ndzi ta susa ritshuri eka yena, ndzi n’wi endla a va vuandlalo lebyi vangamaka bya ribye, bya le rivaleni.  U ta va ndhawu yo omisa tinkoka+ exikarhi ka lwandle.’+ “‘Hikuva mina ndzi vurile,’ ku vula Yehovha, Hosi leyi Lawulaka, ‘u ta va nchumu wo phangiwa hi matiko.  Swimitana leswi swi titshegeke ha yena leswi nga enhoveni—swi ta dlayiwa hi banga, vanhu va ta tiva leswaku hi mina Yehovha.’+  “Hikuva Yehovha, Hosi leyi Lawulaka u te, ‘Waswivo, ehenhla ka Tiri, ndzi tisa Nebukadretsara hosi ya Babilona la humaka en’walungwini,+ hosi ya tihosi,+ hi tihanci+ ni makalichi ya nyimpi,+ vagadi va tihanci ni nhlengeletano,+ ina, vunyingi lebyikulu bya vanhu.  Swimitana leswi swi titshegeke ha wena leswi nga enhoveni, yena u ta swi herisa hi banga, u ta endla rirhangu ro sivelela ku lwa na wena, a yimisa ni rirhangu ro anama,+ a yimisa ni xitlhangu lexikulu ku lwa na wena;  xitirho xakwe xo hlasela u ta xi kongomisa eka marhangu ya wena, u ta hirimuxa swihondzo swa wena, hi mabanga yakwe. 10  Hikwalaho ka mintlhambi leyikulu ya tihanci takwe, ritshuri ra tona ri ta ku funengeta.+ Marhangu ya wena ma ta ninginika hikwalaho ka mpfumawulo wa vagadi va tihanci ni mavhilwa ni makalichi ya nyimpi, loko a nghena hi tinyangwa ta wena, kukota loko ku ngheniwa emutini lowu wu nga ni mavangwa lama pfulekeke. 11  U ta kandziyela switarata swa wena hinkwaswo hi masondzo ya tihanci takwe.+ U ta dlaya vanhu va wena hi banga, tiphuphu ta wena leti tiyeke ti ta wela emisaveni. 12  Kunene va ta teka xuma xa wena,+ va phanga nhundzu ya wena leyi xavisiwaka,+ va hirimuxa marhangu ya wena, va ta wisa tindlu ta wena leti navelekaka. Maribye ya wena ni leswi endliweke hi mintsandza ni ritshuri ra wena, va ta swi veka exikarhi ka mati.’ 13  “‘Ndzi herisa mpfilumpfilu wa ku yimbelela ka wena,+ mpfumawulo wa tiharipa ta wena a wu nge he twakali.+ 14  Ndzi ta ku endla u va vuandlalo bya ribye lebyi vangamaka, bya le rivaleni.+ U ta va ndhawu yo omisa tinkoka.+ U nga ka u nga pfuxiwi; hikuva mina, Yehovha, ndzi vurile,’ ku vula Yehovha, Hosi leyi Lawulaka.+ 15  “Yehovha, Hosi leyi Lawulaka u byele Tiri a ku, ‘Loko ku twakala mpfumawulo wa ku wa ka wena, loko loyi a vavisekeke ngopfu a rila, loko ku dlayeteriwa exikarhi ka wena, xana swihlala swi nga ka swi nga ninginiki?+ 16  Kunene tindhuna letikulu hinkwato ta lwandle ti ta+ xika eswiluvelweni swa tona,+ ti hluvula tinguvu ta tona leti nga riki na mavoko, ti hluvula tinguvu ta tona leti khavisiweke. Ti ta ambala ku rhurhumela. Ti ta tshama ehansi emisaveni,+ kunene ti ta rhurhumela nkarhi hinkwawo,+ ti ku languta hi ku hlamala. 17  Ti ta yimba risimu ra xirilo eka wena,+ ti ku: “‘“Vona ku lova ka wena, wena loyi a a ri ni vaaki emalwandle,+ Wena muti lowu dzunisiwaka, wena loyi a wu ri ni matimba elwandle,+ yena ni lava va akeke eka yena, lava a va chavisa vaaki hinkwavo va misava! 18  Sweswi swihlala swi ta ninginika esikwini leri u waka ha rona. Swihlala swa le lwandle swi ta kavanyeteka hikwalaho ka ku huma ka wena.”’+ 19  “Hikuva Yehovha, Hosi leyi Lawulaka u te, ‘Loko ndzi ku endla muti lowu onhiweke, kukota miti leyi ku nga tshamiki munhu eka yona, loko ndzi tisa mati ya xidziva ehenhla ka wena, mati lamanyingi a ma ta va ma ku funengetile,+ 20  ndzi ta ku rhelerisa swin’we ni lava va rhelelaka va ya emugodini eka vanhu va khale,+ ndzi ta ku tshamisa etikweni ra le hansi swinene,+ ku fana ni tindhawu leti ku nga khale ti onhakile, ni lava va rhelelaka va ya emugodini,+ leswaku ku nga tshami munhu eka wena; ndzi ta khavisa tiko ra lava va hanyaka.+ 21  “‘Ndzi ta ku endla u chavisa hi xitshuketa,+ u nga ka u nga vi kona; u ta laviwa,+ kambe a wu nge kumiwi hilaha ku nga riki na makumu,’+ ku vula Yehovha, Hosi leyi Lawulaka.”

Tinhlamuselo ta le hansi