Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 25:1-17

25  Rito ra Yehovha ri ya emahlweni ri fika eka mina, ri ku:  “N’wana wa munhu, veka xikandza xa wena xi languta vana va Amone, u profeta ku lwa na vona.+  U fanele u vula leswi malunghana ni vana va Amone, ‘Yingisani rito ra Yehovha, Hosi leyi Lawulaka. Yehovha, Hosi leyi Lawulaka u te: “Hikwalaho ka leswi u vuleke u ku Aha, ku lwa ni vukwetsimelo bya mina, hikwalaho ka leswi byi nyamisiweke, ni le henhla ka misava ya Israyele, hikwalaho ka leswi yi onhiweke, ni ku lwa ni yindlu ya Yuda, hikwalaho ka leswi va yeke evukhumbini,+  hikokwalaho ndzi ku nyiketa eka vanhu va le Vuxeni u va ndzhaka,+ va ta yimisa marhangu ya vona eka wena, kunene va ta veka titabernakela ta vona eka wena. Vona va ta dya mihandzu ya wena, va ta nwa ntswamba wa wena.+  Rhaba+ ndzi ta n’wi endla a va madyelo ya tikamela, vana va Amone ndzi va endla ndhawu leyi ntlhambi wu vundzaka eka yona;+ mi ta tiva leswaku hi mina Yehovha.”’”+  “Hikuva Yehovha, Hosi leyi Lawulaka u te, ‘Hikwalaho ka leswi u phokoteleke mavoko,+ u gima ehansi hi milenge, u tshamela ku tsakisiwa hi ku hlekula hinkwako ka moya-xiviri wa wena ehenhla ka misava ya Israyele,+  hikokwalaho, hi mina loyi; ndzi tshambulutele voko ra mina ehenhla ka wena,+ ndzi ku nyiketa u va nchumu wo phangiwa hi matiko; ndzi ta ku susa evanhwini, ndzi ku lovisa ematikweni.+ Ndzi ta ku herisa,+ u ta tiva leswaku hi mina Yehovha.’  “Yehovha, Hosi leyi Lawulaka u te, ‘Hikwalaho ka leswi Mowabu+ na Seyiri+ va vuleke va ku: “Waswivo! Yindlu ya Yuda yi fana ni matiko laman’wana hinkwawo,”+  hikokwalaho ndzi pfula rigiyagiya ra Mowabu emitini, emitini ya yena leyi nga emaaveni yakwe, ku khavisiwa ka tiko, Beta-yeximoto,+ Bali-meyoni,+ ku ya fika ni le Kiriyatayimi,+ 10  eka va le Vuxeni,+ etlhelo ka vana va Amone;+ ndzi ta n’wi endla a va nchumu lowu nga ndzhaka, leswaku a nga ha tsundzukiwi,+ ku nga vana va Amone, exikarhi ka matiko. 11  Ndzi ta avanyisa eka Mowabu;+ va ta tiva leswaku hi mina Yehovha.’+ 12  “Yehovha, Hosi leyi Lawulaka u te, ‘Hikwalaho ka leswi Edomu a tekeke goza a rihisela eka yindlu ya Yuda kutani va hambeta va endla leswi hoxeke ku tlurisa, va tirihisela eka vona,+ 13  hikokwalaho Yehovha, Hosi leyi Lawulaka u te: “Ndzi ta tshambulutela voko ra mina ehenhla ka Edomu,+ ndzi dlaya munhu ni xifuwo eka yena,+ ndzi n’wi endla a va ndhawu leyi onhakeke ku suka eTemani,+ ku ya fika eDedani.+ Va ta dlayiwa hi banga. 14  ‘Ndzi ta tirihisela eka Edomu hi voko ra vanhu va mina va Israyele;+ va ta endla aEdomu hi ku landza ku hlundzuka ka mina, hi ku landza vukarhi bya mina; va ta tiva ku rihisela ka mina,’+ ku vula Yehovha, Hosi leyi Lawulaka.”’ 15  “Yehovha, Hosi leyi Lawulaka u te, ‘Hikwalaho ka leswi Vafilisita va rihiseleke,+ va hambeta va tirihisela hi ku rihisela, va hlekula hi moya-xiviri, leswaku va onha,+ hi vulala lebyi tshamaka hilaha ku nga heriki,+ 16  hikokwalaho Yehovha, Hosi leyi Lawulaka u te: “Waswivo, ndzi tshambulutela voko ra mina ehenhla ka Vafilisita,+ ndzi ta herisa Vakereti,+ ndzi lovisa lavan’wana hinkwavo va le ribuweni ra lwandle.+ 17  Ndzi ta endla swiendlo leswikulu swa ku tirihisela eka vona, hi ku tshinya ka vukarhi;+ va ta tiva leswaku hi mina Yehovha loko ndzi tisa ku rihisela ka mina eka vona.”’”+

Tinhlamuselo ta le hansi