Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 24:1-27

24  Rito ra Yehovha ri ya emahlweni ri fika eka mina hi lembe ra vukaye, hi n’hweti ya vukhume, esikwini ra vukhume ra n’hweti, ri ku:  “N’wana wa munhu, titsalele vito ra siku, rona siku leri. Hosi ya Babilona yi hlasele Yerusalema hi rona siku leri.+  Vula marito ya ku hlekula malunghana ni yindlu leyi xandzukaka,+ u vula leswi ha vona, “‘Yehovha, Hosi leyi Lawulaka u te: “Tseleka mbita leyikulu; yi tseleke, u chela mati eka yona.+  Chela swirho eka yona,+ xirho xin’wana ni xin’wana lexinene, ndzhumbi ni katla; yi tate hi marhambu yo hlawuleka.  A ku tekiwe nyimpfu+ yo hlawuleka ngopfu, ku tshiveriwa tihunyi ti yi rhendzela ehansi ka yona. Fuhula swiphemu swa yona, u sweka marhambu ya yona endzeni ka yona.”’”+  “Hikokwalaho Yehovha, Hosi leyi Lawulaka u te, ‘Khombo eka muti wa swiendlo swa ku halata ngati,+ mbita leyikulu, leyi nga ni nkurhe, nkurhe wa kona a wu humanga! Humesela swirho leswi nga eka yona;+ ku nga tshuki ku biwa vuhlolotwana ha yona.+  Hikuva ngati ya yona yi le ndzeni ka yona.+ U yi veke ehenhla ka vuandlalo bya ribye lebyi vangamaka, bya le rivaleni. A nga yi chululanga emisaveni, leswaku a yi seletela hi misava.+  Leswaku ku huma vukarhi byo rihisela,+ ndzi veke ngati ya yena ehenhla ka vuandlalo bya ribye lebyi vangamaka, bya le rivaleni, leswaku yi nga seleteriwi.’+  “Hikokwalaho Yehovha, Hosi leyi Lawulaka u te, ‘Khombo eka muti lowu halataka ngati!+ Mina ndzi ta endla nhulu yi va yikulu.+ 10  Tata tihunyi. Tshivela ndzilo. Sweka nyama swinene. U chulula murhu, u endla leswaku marhambu ya kona ma hisa swinene. 11  Yi tseleke yi nga ri na nchumu emakaleni leswaku yi hisa; koporo ya yona yi fanele yi tshwa, ku thyaka ka yona ku fanele ku n’oka endzeni ka yona.+ Nkurhe wa yona a wu herisiwe.+ 12  Ku karhateka! Yi karharise munhu, kambe nkurhe wa yona wo tala a wu humi eka yona.+ Yi nghena endzilweni ni nkurhe wa yona!’ 13  “‘A ku ri ni ku tikhoma ko biha eku thyakeni ka wena.+ Hikwalaho ka sweswo ndzi boheke ku ku basisa, kambe a wu basanga eku nyameni ka wena.+ A wu nge he basi kukondza ndzi wisisa vukarhi bya mina eka wena.+ 14  Mina, Yehovha, ndzi vurile.+ Swi ta fika,+ kutani ndzi ta teka goza. A ndzi nge swi honisi,+ naswona a ndzi nge vi na nsovo+ kumbe ndzi tisola.+ Kunene va ta ku avanyisa hi ku landza tindlela ta wena ni mintirho ya wena,’+ ku vula Yehovha, Hosi leyi Lawulaka.” 15  Rito ra Yehovha ri ya emahlweni ri fika eka mina, ri ku: 16  “N’wana wa munhu, waswivo, ndzi susa nchumu lowu navelekaka+ ematihlweni ya wena hi ndzoviso,+ a wu fanelanga u ba xifuva xa wena, u nga rili naswona u nga humesi mihloti.+ 17  Vana ni nhlomulo handle ka marito. U nga tshuki u rilela lava va feke.+ Tibohe xifunengeto xa nhloko,+ u fanele u vehela maphaxani ya wena emilengeni.+ U nga funengeti malepfu ya le henhla ka nomu,+ u nga tshuki u dya xinkwa xa vanhu.”+ 18  Kutani ndzi vulavula ni vanhu nimixo, hakatsongo-tsongo nsati wa mina a fa nimadyambu. Kutani nimixo ndzi endle hilaha ndzi lerisiweke hakona. 19  Vanhu va ya emahlweni va ku eka mina: “Xana u nga ka u nga hi byeli leswaku swilo leswi swi hi khumba hi ndlela yihi, leswi u swi endlaka?”+ 20  Hiloko ndzi ku eka vona: “Rito ra Yehovha ri fike eka mina, ri ku, 21  ‘Byela yindlu ya Israyele u ku: “Yehovha, Hosi leyi Lawulaka u te, ‘Maswivo, ndzi nyamisa vukwetsimelo bya mina,+ ku tinyungubyisa ka ntamu wa n’wina,+ nchumu lowu wu navelekaka ematihlweni+ ya n’wina ni nchumu lowu moya-xiviri wa n’wina wu wu tsetselelaka, ni vana va n’wina va majaha ni va vanhwanyana lava mi va siyeke endzhaku—va ta dlayiwa hi banga.+ 22  Mi fanele mi endla hilaha ndzi endleke hakona. Mi nga ka mi nga funengeti malepfu ya le henhla ka nomu,+ mi nga ka mi nga dyi xinkwa xa vanhu.+ 23  Xifunengeto xa n’wina xa nhloko xi ta va etinhlokweni ta n’wina, maphaxani ya n’wina ma ta va emilengeni ya n’wina. Mi nga ka mi nga tibi kumbe ku rila,+ mi ta bola eswihoxweni swa n’wina,+ entiyisweni mi ta rilelana.+ 24  Ezekiyele u hundzuke muhlolo eka n’wina.+ N’wina mi ta endla hi ku landza hinkwaswo leswi a swi endleke. Loko swi fika,+ mi ta tiva leswaku hi mina Yehovha, Hosi leyi Lawulaka.’”’”+ 25  “Loko ku ri wena, Wena n’wana wa munhu, xana a swi nga ta va esikwini leri ndzi nga ta va tekela xisirhelelo xa vona, nchumu wo saseka wa ku khana ka vona, nchumu lowu wu navelekaka ematihlweni+ ya vona ni leswi swi naveriwaka hi moya-xiviri wa vona, vana va vona va majaha ni va vanhwanyana,+ leswaku 26  esikwini rero ku ta fika eka n’wina, loyi a balekeke leswaku a endla tindleve ti twa?+ 27  Esikwini rero nomu wa wena wu ta pfulekela loyi a balekeke,+ u ta vulavula, a wu nge he tsandzeki ku vulavula;+ kunene eka vona u ta va muhlolo,+ va ta tiva leswaku hi mina Yehovha.”+

Tinhlamuselo ta le hansi