Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 21:1-32

21  Rito ra Yehovha ri hambeta ri fika eka mina, ri ku:  “N’wana wa munhu, veka xikandza xa wena xi languta eYerusalema, u thonisa+ marito etindhawini to kwetsima,+ u profeta ku lwa ni misava ya Israyele.+  U fanele u byela misava ya Israyele u ku, ‘Yehovha u te: “Waswivo, ndzi lwa na wena,+ ndzi ta hlomula banga ra mina enkotlotweni wa rona,+ ndzi dlaya lowo lulama ni lowo homboloka eka wena.+  Leswaku ndzi dlaya lowo lulama ni lowo homboloka eka wena, hikokwalaho banga ra mina ri ta huma enkotlotweni wa rona ku lwa ni nyama hinkwayo ku suka edzongeni ku ya en’walungwini.+  Kutani vanhu hinkwavo va nyama va ta tiva leswaku mina, Yehovha, ndzi humese banga ra mina enkotlotweni wa rona.+ A ri nge he tlheleli endzhaku.”’+  “Loko ku ri wena, Wena n’wana wa munhu, khomiwa hi nhlomulo, masenge ma rhurhumela.+ U va ni nhlomulo hi mbitsi ematihlweni ya vona.+  Kutaku loko va ku eka wena, ‘Hikwalaho ka yini u ri ni nhlomulo?’+ u fanele u ku, ‘Hikwalaho ka xiviko.’+ Kunene xi ta ta,+ mbilu yin’wana ni yin’wana yi fanele yi n’oka+ ni mavoko hinkwawo ma fanele ma lelemela ni moya wun’wana ni wun’wana wu fanele wu va ni gome ni matsolo hinkwawo ma ta dzururuka mati.+ ‘Waswivo! Kunene swi ta ta,+ swi endleka,’ ku vula Yehovha, Hosi leyi Lawulaka.”  Rito ra Yehovha ri ya emahlweni ri fika eka mina, ri ku:  “N’wana wa munhu, profeta, u ku, ‘Yehovha u te: “Vula u ku, ‘Banga, banga!+ Ri lotiwile,+ ri lunghisiwile. 10  Ri lotiwile hi xikongomelo xo lunghiselela ku dlaya; ri lunghisiwile hi xikongomelo xa leswaku ri hatima.’”’”+ “Kumbe, xana hi fanele hi khana?”+ “‘Xana ri bakanya nhonga ya vuhosi+ ya n’wana wa mina,+ hilaha ri bakanyaka murhi wun’wana ni wun’wana hakona?+ 11  “‘Munhu u ri nyikela leswaku ri lunghisiwa, leswaku a ri khoma hi voko. Rona—banga ri lotiwile, naswona—ri lunghisiwile, leswaku ri tamerisiwa mudlayi.+ 12  “‘Huwelela, u kolola,+ Wena n’wana wa munhu, hikuva rona ri lwa ni vanhu va mina;+ ri lwa ni tindhuna hinkwato ta Israyele.+ Lava va lahleriweke ebangeni va ni vanhu va mina.+ Hikokwalaho makala ndzhumbi.+ 13  Hikuva ku kambisisiwile,+ kutani ku vuriwa yini ha rona loko ri bakanya nhonga?+ Yi nga ka yi nga tshami yi ri kona,’+ ku vula Yehovha, Hosi leyi Lawulaka. 14  “Kutani wena, Wena n’wana wa munhu—profeta, u ba swandla,+ ‘Banga,’ ri fanele ku phindhiwa kanharhu.+ I banga ra lava va dlayiweke. I banga ra munhu lonkulu loyi a dlayiweke, leri ri va rhendzelaka.+ 15  Ndzi ta dlaya hi banga, leswaku mbilu yi n’oka+ nileswaku lava va hluriwaka etinyangweni+ ta vona hinkwato va andza. Oho, ri hatimisiwile, ri loteriwe ku dlaya!+ 16  Tikombise u karihile;+ yana exineneni! Lungheka; yana eximatsini! Kun’wana ni kun’wana laha xikandza xa wena xi kongomeke kona! 17  Kutani mina ndzi ta bananisa swandla swa mina,+ ndzi ta wisisa+ vukarhi bya mina.+ Mina, Yehovha, ndzi vurile.” 18  Rito ra Yehovha ri ya emahlweni ri fika eka mina, ri ku: 19  “Loko ku ri wena, Wena n’wana wa munhu, endla tindlela timbirhi leswaku banga ra hosi ya Babilona ri nghena.+ Havambirhi va ta huma etikweni rin’we, voko ra mfungho ri fanele ri tsemiwa;+ ri ta tsemiwa emasungulweni ya ndlela yo ya emutini. 20  U fanele u endla ndlela leswaku banga ri nghena ku lwa na Rhaba+ wa vana va Amone, rin’wana ku lwa na Yuda, ku lwa na Yerusalema la tiyisiweke.+ 21  Hikuva hosi ya Babilona yi yime yi tiya emahlanganweni ya tindlela, emasungulweni ya tindlela timbirhi, leswaku yi hlahluva.+ Yi tsekatsekisa miseve. Yi vutise hi terafimi;+ yi langute xivindzi. 22  Evokweni ra yona ra xinene, ku hlahluva a ku ri ka Yerusalema, leswaku yi veka swo gemba makhumbi,+ ku pfuriwa nomu wa munhu leswaku ku dlayiwa, ku va ni mpfumawulo wa hungwe,+ ku vekiwa swo gemba makhumbi etinyangweni, ku yimisiwa rirhangu ro anama, ku akiwa rirhangu ro sirhelela.+ 23  Eka vona swi fane ni ku hlahluva loku nga riki ka ntiyiso ematihlweni ya vona+—lava va hlambanyeriweke xihlambanyo;+ u tsundzuka xihoxo,+ leswaku va khomiwa.+ 24  “Hikokwalaho, Yehovha, Hosi leyi Lawulaka u te, ‘Hikwalaho ka leswi mi endlaka xihoxo xa n’wina xi tsundzukiwa hi ku fununguriwa ka ku tlula nawu ka n’wina, leswaku swidyoho swa n’wina swi voniwa hi ku ya hi mintirho ya n’wina hinkwayo, hikwalaho ka leswi mi tsundzukiwaka,+ n’wina mi ta khomiwa hi voko.’+ 25  “Loko ku ri wena, Wena ndhuna yo homboloka+ ya Israyele,+ leyi vavisekeke ngopfu, leyi siku ra yona ri fikeke enkarhini wa xihoxo xa makumu,+ 26  Yehovha, Hosi leyi Lawulaka u te, ‘Susa xifunengeto xa nhloko, u tlakusa harhi.+ Lexi a xi nge fani.+ Leswi nga exiyin’weni xa le hansi swi veke ehenhla,+ loyi a tlakukeke u n’wi yisa ehansi.+ 27  Ndzi ta xi onha, ndzi xi onha, ndzi xi onha.+ Lexi, xi nga ka xi nga vi xa munhu kukondza ku fika loyi mfanelo yi nga ya yena,+ ndzi fanele ndzi n’wi nyika xona.’+ 28  “Wena n’wana wa munhu, profeta, u ku, ‘Yehovha, Hosi leyi Lawulaka u vurile malunghana ni vana va Amone ni ndzhukano lowu humaka eka vona.’ U fanele u ku, ‘Banga, banga leri humeseriwaka ku dlaya, ri loteriwa ku lovisa, leswaku ri hatima,+ 29  hikwalaho ka leswi va ku vonelaka nchumu lowu wu nga riki wa xiviri, hikwalaho ka leswi va ku vhumbhelaka mavunwa,+ leswaku va ku veka etinhan’wini ta lava va dlayiweke, vanhu vo homboloka lava siku ra vona ri fikeke hi nkarhi wa xihoxo xa makumu.+ 30  Ri tlherisele enkotlotweni wa rona. Ndzi ta ku avanyisa endhawini leyi u tumbuluxiweke eka yona,+ etikweni leri u humaka eka rona. 31  Ndzi ta chululela xigwevo xa mina ehenhla ka wena. Ndzi ta ku pfurhetela hi ndzilo wa ku hlundzuka ka mina,+ naswona ndzi ta ku nyiketa evokweni ra vanhu lava va nga anakanyiki, lava tivaka ku lovisa.+ 32  U ta va tihunyi ta ndzilo.+ Ngati ya wena yi ta va exikarhi ka tiko. A wu nge tsundzukiwi, hikuva mina, Yehovha, ndzi vurile.’”+

Tinhlamuselo ta le hansi