Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 2:1-10

2  Hiloko a ku eka mina: “N’wana wa munhu,+ suka u yima hi milenge ndzi vulavula na wena.”+  Kuteloko a vulavula na mina, moya wu sungula ku nghena eka mina,+ eku heteleleni wu ndzi yimisa hi milenge leswaku ndzi twa Loyi a vulavulaka na mina.+  A ya emahlweni a ku eka mina: “N’wana wa munhu, ndzi ku rhuma eka vana va Israyele,+ eka matiko lama xandzukeke, lawa ma ndzi xandzukeleke.+ Wona ni vatata wa wona ma tlule nawu wa mina ku ta fika esikwini leri.+  Kutani vana va swikandza+ leswi tikurisaka ni timbilu to nonon’hwa+—ndzi ku rhuma eka vona, kutani u ta va byela u ku, ‘Hi swona leswi Yehovha, Hosi leyi Lawulaka, a swi vuleke.’  Loko ku ri vona, ku nga khathariseki leswaku va ta yingisa+ kumbe va ta swi tshika+—hikuva i yindlu leyi xandzukaka+—kunene va ta swi tiva leswaku muprofeta a a ri kona exikarhi ka vona.+  “Kutani wena, Wena n’wana wa munhu, u nga va chavi;+ naswona u nga tshuki u chavisiwa hi marito ya vona, hikuva ku ni lavo sihalala+ ni swilo leswi swi ku tlhavaka,+ naswona u tshama exikarhi ka swipame.+ U nga tshuki u chavisiwa hi marito ya vona,+ u nga tshuki u chavisiwa hi swikandza swa vona,+ hikuva i yindlu leyi xandzukaka.+  U fanele u va byela marito ya mina, ku nga khathariseki leswaku va yingisa kumbe va ma tshika, hikuva va ni ku xandzuka.+  “Kutani wena, Wena N’wana wa munhu, yingisa leswi ndzi ku byelaka swona. U nga xandzuki ku fana ni yindlu leyi xandzukaka.+ Pfula nomu wa wena u dya leswi ndzi ku nyikaka swona.”+  Hiloko ndzi languta, kutani waswivo, a ku ri ni voko leri tshambuluteriweke eka mina,+ kutani waswivo, eka rona a ku ri ni buku leyi songiwaka.+ 10  Hakatsongo-tsongo a yi phurumula emahlweni ka mina, naswona a yi tsariwe emahlweni ni le ndzhaku;+ eka yona a ku tsariwe tinsimu ta xirilo ni xiviti ni ku kalakala.+

Tinhlamuselo ta le hansi