Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 19:1-14

19  “Loko ku ri wena, yimba risimu ra xirilo+ malunghana ni tindhuna ta Israyele,+  u fanele u ku, ‘Mana wa wena a a ri yini? Nghala ya ntswele exikarhi ka tinghala.+ U etlele exikarhi ka swinghalana swa ntshiva. U kurise vana va yena.  “‘Hakatsongo-tsongo u humese un’wana wa vana vakwe.+ U ve xinghalana xa ntshiva, a sungula ku dyondza ku handzulela xiharhi.+ U dye ni munhu wa la misaveni.  Kutani matiko ma tshamela ku twa ha yena. U khomiwe emugodini wa vona, kutani va n’wi tise hi swiove etikweni ra Egipta.+  “‘Loko a vona leswaku u rindzile kutani ntshembo wakwe wu herile, a teka un’wana wa vana va yena.+ A n’wi veka a ri xinghalana xa ntshiva.  Kutani a famba-famba exikarhi ka tinghala. U ve xinghalana xa ntshiva. Hakatsongo-tsongo u dyondze ku handzulela xiharhi.+ U dye ni munhu wa la misaveni.+  U tive swihondzo swakwe swo tshama eka swona, u onhe ni miti ya vona,+ lerova tiko ri onhiwile, kutani a ri tata mpfumawulo wa ku vomba kakwe.+  Kutani matiko hinkwawo ya miganga leyi yi lawulaka ma sungula ku n’wi rhendzela,+ ma andlala rikoka+ ra wona ehenhla ka yena. U khomiwe emugodini wa wona.+  Eku heteleleni va n’wi hoxe ehokweni hi ku tirhisa swiove, va n’wi tisa eka hosi ya Babilona.+ Va n’wi tisa hi tinkoka to hlota, leswaku rito ra yena ri nga ha tlheli ri twiwa etintshaveni ta Israyele.+ 10  “‘Mana wa wena+ a a kotisa murhi wa vhinya engatini ya wena,+ lowu byariweke ekusuhi ni mati. U tswale mihandzu, a tala marhavi hikwalaho ka mati yo tala.+ 11  Eka yena ma ve tinhonga leti tiyeke, tinhonga ta vuhosi ta vafumi.+ Ku leha ka wona ku tlakuke hakatsongo-tsongo exikarhi ka marhavi, wu vonaka hikwalaho ka ku leha ka wona, hi switluka swa wona swo tala.+ 12  Kambe eku heteleleni u simuriwile hi ku hlundzuka.+ U hoxiwe emisaveni, a ku ri ni mheho ya le vuxeni leyi yi omiseke mihandzu ya yena.+ Nhonga yakwe leyi tiyeke yi tsemiwile, yi oma.+ Ndzilo wu yi lovisile.+ 13  Sweswi u byariwe emananga,+ etikweni leri pfumalaka mati, leri omeke.+ 14  Kutani ku huma ndzilo enhongeni yakwe.+ Wu hise swihluke swakwe, mihandzu yakwe, nhonga yo tiya a yi vanga kona eka yena, nhonga ya vuhosi ya ku fuma.+ “‘Rero i risimu ra xirilo, naswona ri ta va risimu ra xirilo.’”+

Tinhlamuselo ta le hansi