Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 18:1-32

18  Rito ra Yehovha ri ya emahlweni ri fika eka mina, ri ku:  “Xana swi vula yini eka n’wina leswi mi vulaka marito lawa ya ku hlekula emisaveni ya Israyele, mi ku, ‘Vatatana hi vona lava dyaka madiriva mambisi, kambe i meno ya vana lawa ma getselaka’?+  “‘Loko ntsena ndza ha hanya,’ ku vula Yehovha, Hosi leyi Lawulaka, ‘a mi nge he hambeti mi vula marito lawa ya ku hlekula eIsrayele.  Maswivo! Mimoya-xiviri hinkwayo—i ya mina.+ Moya-xiviri+ wa tatana swin’we ni moya-xiviri wa n’wana—i ya mina.+ Moya-xiviri lowu dyohaka+—wona wu ta fa.+  “‘Loko ku ri munhu, loko a tshuka a va la tshembekeke, a kombisa vululami ni ku tshembeka;+  a nga dyelanga+ etintshaveni+ naswona a nga ma tlakusanga mahlo yakwe a languta swifaniso swa hava leswi hombolokeke swa yindlu ya Israyele,+ nsati wa nakulobye a nga n’wi nyamisanga,+ naswona a nge tshineli+ eka wansati enkarhini wa ku pfumala ka yena ku tenga;  a nga kona munhu loyi a nga ta n’wi khoma hi tihanyi;+ lexi a xi tekeke xi va xitiyisekiso xa ku kolota a a ta xi vuyisa;+ a a nga ta teka nchumu hi ku kanganyisa;+ a nyika loyi a nga ni ndlala xinkwa xakwe,+ loyi a nga ambalangiki nchumu a n’wi funengeta nguvu;+  a ku na nchumu lexi a xi nyikeke hi ntswalo,+ a nga lombisanga hi ku bindzurisa;+ u susa voko rakwe eka ku kala vululami;+ u tirhisa vululami bya ntiyiso eka munhu ni munhu;+  u hambete a famba+ hi milawu ya mina, a hlayisa swiboho swa mina swa vuavanyisi leswaku a hetisisa ntiyiso,+ u lulamile.+ Kunene u ta hambeta a hanya,’+ ku vula Yehovha, Hosi leyi Lawulaka. 10  “‘Loko munhu a tswale n’wana loyi a nga xigevenga,+ loyi a halataka ngati,+ loyi a endleke xin’wana xo fana ni swilo leswi 11  (kambe yena a nga xi endlanga ni xin’we xa swilo leswi); loko a dyele etintshaveni,+ a nyamise nsati wa nakulobye;+ 12  a n’wi khome hi tihanyi loyi a xanisekaka ni loyi a nga xisiwana;+ a teka swilo hi ku kanganyisa,+ a nga xi vuyisi lexi a xi tekeke xi va xitiyisekiso xa nandzu;+ a tlakusa mahlo yakwe a languta swifaniso swa hava leswi hombolokeke,+ a endle nchumu lowu nyenyetsaka.+ 13  U nyike hi ku bindzurisa,+ u amukele ntswalo,+ kunene a nge hambeti a hanya. U endle swilo leswi hinkwaswo leswi nyenyetsaka.+ Kunene u ta dlayiwa. Ngati yakwe yi ta va ehenhla ka yena.+ 14  “‘Waswivo, munhu u tswale n’wana, loyi a tshamelaka ku vona swidyoho hinkwaswo leswi tata wakwe a swi endleke, wa swi vona kambe a nga swi endli swilo swo fana na swona.+ 15  A nga dyelanga etintshaveni, a nga ma tlakusanga mahlo yakwe a languta swifaniso swa hava leswi hombolokeke swa yindlu ya Israyele;+ a nga n’wi nyamisanga nsati wa nakulobye;+ 16  ku hava munhu loyi a n’wi khomeke hi tihanyi,+ a nga tekanga nchumu xi va xitiyisekiso xa nandzu,+ a nga tekanga nchumu hi ku kanganyisa;+ loyi a nga ni ndlala u n’wi nyike xinkwa xakwe,+ loyi a nga ambalangiki nchumu u n’wi funengete hi nguvu;+ 17  voko rakwe a ri n’wi xanisanga loyi a xanisekaka; a nga lombisanga hi mpindzulo,+ ni ntswalo+ a nga wu amukelanga; u hetisise swiboho swa mina swa vuavanyisi;+ u fambe hi ku landza milawu ya mina;+ a nga ka a nga fi hikwalaho ka xihoxo xa tata wakwe.+ Kunene u ta hambeta a hanya.+ 18  Loko ku ri tata wakwe, hikwalaho ka leswi a dyeleleke hi ku kongoma,+ a teka xilo hi ku kanganyisa eka makwavo,+ nileswi a endleke leswi nga riki swinene exikarhi ka vanhu va ka vona,+ waswivo, u ta fa hikwalaho ka xihoxo xa yena.+ 19  “‘Kunene n’wina mi ta vula mi ku: “Hikwalaho ka yini n’wana a nga byarhi nchumu hikwalaho ka xihoxo xa tata wakwe?”+ Loko ku ri n’wana, u kombise vululami ni ku tshembeka, u hlayise milawu ya mina hinkwayo,+ naswona wa yi endla.+ Kunene u ta hambeta a hanya.+ 20  Moya-xiviri lowu dyohaka—wona wu ta fa.+ N’wana a nga ka a nga byarhi nchumu hikwalaho ka xihoxo xa tata wakwe, tatana a nga ka a nga byarhi nchumu hikwalaho ka xihoxo xa n’wana.+ Ku lulama ka lowo lulama ku ta va ehenhla ka yena,+ vuhomboloki bya lowo homboloka byi ta va ehenhla ka yena.+ 21  “‘Loko ku ri lowo homboloka, loko o tshuka a tlhela eswidyohweni swakwe hinkwaswo leswi a swi endleke,+ a hlayisa milawu ya mina hinkwayo, a kombisa vululami ni ku tshembeka,+ kunene u ta hambeta a hanya. A nga ka a nga fi.+ 22  Ku tlula nawu kakwe hinkwako loku a ku endleke—a ku nge tsundzukiwi eka yena.+ Hikuva u ta hambeta a hanya hikwalaho ka ku lulama loku a ku endleke.’+ 23  “‘Xana ndza ku tsakela nikatsongo ku fa ka munhu wo homboloka,’+ ku vula Yehovha, Hosi leyi Lawulaka, ‘ku nga ri swona leswaku a tlhela etindleleni takwe, a hambeta a hanya?’+ 24  “‘Loko lowo lulama a tshika ku lulama ka yena kutani a endla leswi nga lulamangiki;+ a hambeta a endla hi ku landza swilo hinkwaswo swo nyenyetsa leswi lowo homboloka a swi endleke,+ a hanya, swiendlo swakwe hinkwaswo swo lulama swi nga ka swi nga tsundzukiwi.+ Ku pfumala ku tshembeka kakwe loku a ku endleke ni xidyoho lexi a xi endleke, u ta fela swona.+ 25  “‘Kunene n’wina mi ta vula mi ku: “Ndlela ya Yehovha a yi lulamisekanga kahle.”+ Ndzi kombela mi yingisa, N’wina yindlu ya Israyele. Xana ndlela ya mina a yi lulamisiwanga kahle?+ Xana tindlela ta n’wina a hi tona leti nga lulamisekangiki kahle?+ 26  “‘Loko munhu wo lulama a tshika ku lulama ka yena kutani a endla leswi nga lulamangiki,+ kutani a fa hikwalaho ka swona, u ta fela ku kala vululami loku a ku endleke.+ 27  “‘Kutani loko lowo homboloka a tshika ku homboloka ka yena loku a ku endleke, a hambeta a kombisa vululami ni ku tshembeka,+ u ta londzovota moya-xiviri wakwe wu hanya.+ 28  Loko a vona+ kutani a hundzuka eka ku tlula nawu ka yena hinkwako loku a ku endleke,+ kunene u ta hambeta a hanya. A nga ka a nga fi.+ 29  “‘Kunene yindlu ya Israyele yi ta vula yi ku: “Ndlela ya Yehovha a yi lulamisiwanga kahle.”+ Loko ku ri tindlela ta mina, xana a ti lulamisiwanga kahle, N’wina yindlu ya Israyele?+ Xana tindlela ta n’wina a hi tona leti nga lulamisiwangiki kahle?’+ 30  “‘Hikokwalaho ndzi ta mi avanyisa, un’wana ni un’wana hi ku ya hi tindlela takwe,+ N’wina yindlu ya Israyele,’ ku vula Yehovha, Hosi leyi Lawulaka.+ ‘Tlhelani, ina, tlhelani eka ku tlula nawu ka n’wina hinkwako,+ ku nga tshuki ku va ni nchumu lowu wu nga xikhunguvanyiso lexi xi mi vangelaka xihoxo.+ 31  Cukumetani ku tlula nawu ka n’wina hinkwako loku mi tluleke nawu hakona,+ mi tiendlela mbilu leyintshwa+ ni moya lowuntshwa,+ hikuva ha yini mi fanele mi fa,+ N’wina yindlu ya Israyele?’ 32  “‘Hikuva a ndzi ku tsakeli ku fa ka munhu loyi a faka,’+ ku vula Yehovha, Hosi leyi Lawulaka. ‘Hikwalaho, tlhelani, mi hambeta mi hanya.’”+

Tinhlamuselo ta le hansi