Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 15:1-8

15  Rito ra Yehovha ri ya emahlweni ri fika eka mina, ri ku:  “N’wana wa munhu, xana murhi wa vhinya+ wu hambanisa ku yini ni mirhi yin’wana, xihluke, lexi nga emirhini ya le khwatini?  Xana eka wona ku tekiwe nsika yo endla ha yona ntirho? Kumbe, xana vanhu va teka mhingu eka wona, yo hayeka xibya xa muxaka wun’wana ni wun’wana?  Waswivo! Wu fanele wu hoxiwa endzilweni wu va tihunyi.+ Kunene ndzilo wu hisa makumu ya wona mambirhi, endzeni ka wona ku vavuleka.+ Xana wu fanela ntirho wo karhi?  Waswivo! Loko wu helerile, a wu tirhiseriwi ntirho ni wun’we. Kunene loko wu hisiwa hi ndzilo, wu vavuleka, a wu nge tirhiseriwi ntirho wun’wana!”+  “Hikokwalaho Yehovha, Hosi leyi Lawulaka u te, ‘Ku fana ni murhi wa vhinya emirhini ya le khwatini, lowu ndzi tshiveleke ndzilo ha wona, ndzi va nyiketise xisweswo vaaki va Yerusalema.+  Xikandza xa mina xi lwa na vona.+ Va humile endzilweni, kambe ndzilo wu ta va lovisa.+ Kutani n’wina mi ta tiva leswaku hi mina Yehovha, loko ndzi kongomisa xikandza xa mina ku lwa na vona.’”+  “‘Tiko ndzi ta ri endla rhumbi,+ hikwalaho ka leswi va endleke hi ku pfumala ku tshembeka,’+ ku vula Yehovha, Hosi leyi Lawulaka.”

Tinhlamuselo ta le hansi