Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 14:1-23

14  Kutani vavanuna lava humaka eka lava va dyuhaleke va Israyele va ta eka mina, va tshama emahlweni ka mina.+  Rito ra Yehovha ri fika eka mina, ri ku:  “N’wana wa munhu, loko ku ri vavanuna lava, va tise swifaniso swa vona swa hava leswi hombolokeke embilwini ya vona, naswona xikhunguvanyiso lexi vangaka xihoxo xa vona va xi veke emahlweni ka swikandza swa vona.+ Xana va nga vutisisa ha mina hakunene?+  Hikokwalaho va byele u ku, ‘Yehovha, Hosi leyi Lawulaka u te: “Munhu un’wana ni un’wana wa yindlu ya Israyele loyi a tisaka swifaniso swa hava leswi hombolokeke+ embilwini yakwe, loyi a vekaka xikhunguvanyiso lexi vangaka xihoxo xakwe emahlweni ka xikandza xa yena, a ya eka muprofeta, mina Yehovha, ndzi ta n’wi hlamula emhakeni leyi hi ku ya hi vunyingi bya swifaniso swakwe swa hava leswi hombolokeke,+  leswaku ndzi khoma yindlu ya Israyele hi mbilu ya yona,+ hikuva va sukile eka mina hikwalaho ka swifaniso swa vona swa hava leswi hombolokeke—hinkwavo ka vona.”’+  “Hikokwalaho byela yindlu ya Israyele, u ku, ‘Yehovha, Hosi leyi Lawulaka u te: “Vuyani, mi tlhela eka swifaniso swa n’wina swa hava leswi hombolokeke,+ mi fularhelisa swikandza swa n’wina eka swilo swa n’wina hinkwaswo leswi nyenyetsaka;+  hikuva munhu un’wana ni un’wana wa yindlu ya Israyele kumbe loyi a humaka eka valuveri lava luveleke eIsrayele, loyi a tshikaka ku ndzi landzela+ kutani a tisa swifaniso swakwe swa hava leswi hombolokeke embilwini ya yena, a veka xikhunguvanyiso lexi vangaka xihoxo xakwe emahlweni ka xikandza xa yena,+ a ya eka muprofeta a ya vutisisa ha mina, mina Yehovha, ndzi ta n’wi hlamula hi ndzexe.  Xikandza xa mina xi fanele xi lwa ni munhu yoloye,+ ndzi n’wi veka a va xikombiso+ ni xihlekulo,+ naswona ndzi ta n’wi susa exikarhi ka vanhu va mina;+ n’wina mi ta boheka ku tiva leswaku hi mina Yehovha.”’+  “‘Loko muprofeta o tshuka a yengeka, a vula rito, mina Yehovha, ndzi n’wi yengile muprofeta yoloye;+ ndzi ta tshambuluta voko ra mina ehenhla ka yena, ndzi n’wi lovisa exikarhi ka vanhu va mina va Israyele.+ 10  Va ta boheka ku byarha xihoxo xa vona.+ Xihoxo xa loyi a vutisisaka xi ta fana ni xihoxo xa muprofeta,+ 11  leswaku vanhu va yindlu ya Israyele va nga tshuki va hambuka va tshika ku ndzi landzela,+ va nga ha tlheli va tinyamisa hi ku tlula nawu ka vona hinkwako. Va fanele va va vanhu va mina, mina ndzi ta va Xikwembu xa vona,’ ku vula Yehovha, Hosi leyi Lawulaka.”+ 12  Rito ra Yehovha ri ya emahlweni ri fika eka mina, ri ku: 13  “N’wana wa munhu, loko tiko ro tshuka ri ndzi dyohela hi ku endla hi ku pfumala ku tshembeka,+ ndzi ta tshambulutela voko ra mina ehenhla ka rona, kutani ndzi tshova tinhonga leti swinkwa leswi vumbekeke ku fana ni swingwavila swi tlhomiweke eka tona,+ ndzi ta rhumela ndlala+ eka rona, ndzi lovisa munhu wa la misaveni ni xifuwo+ eka rona.” 14  “‘Loko vavanuna lava vanharhu a va ri kona exikarhi ka rona, Nowa,+ Daniyele+ na Yobo,+ hikwalaho ka ku lulama+ ka vona a va ta kutsula moya-xiviri wa vona,’ ku vula Yehovha, Hosi leyi Lawulaka.”+ 15  “‘Kumbe, loko ndzo hundzisa swivandzana swo biha etikweni leri,+ kunene swi ri pfumata vana,+ kutani ri va rhumbi leri ku nga tsemakanyiki munhu eka rona hikwalaho ka swivandzana,+ 16  loko vavanuna lava vanharhu a va ri exikarhi ka rona, loko ntsena ndza ha hanya,’ ku vula Yehovha, Hosi leyi Lawulaka, ‘a va nga ta va kutsula vana va majaha ni va vanhwanyana; a ku ta kutsuriwa vona, vona ntsena, tiko rona a ri ta va rhumbi.’”+ 17  “‘Kumbe, loko ndzo tisa banga ehenhla ka tiko,+ kutani ndzi ku: “Banga a ri hundze exikarhi ka tiko,” ndzi dlaya munhu wa la misaveni ni xifuwo eka rona,+ 18  hambiloko vavanuna lava vanharhu a va ri exikarhi ka rona,+ loko ntsena ndza ha hanya,’ ku vula Yehovha, Hosi leyi Lawulaka, ‘a va nga ta va kutsula vana va majaha kumbe va vanhwanyana, a ku ta kutsuriwa vona,+ vona ntsena.’” 19  “‘Kumbe, loko ndzo rhumela ntungu etikweni rero,+ ndzi chululela vukarhi bya mina ehenhla ka rona hi ngati,+ leswaku ndzi dlaya munhu wa la misaveni ni xifuwo eka rona, 20  hambiloko Nowa,+ Daniyele+ na Yobo+ a va ri exikarhi ka rona,+ loko ntsena ndza ha hanya,’ ku vula Yehovha, Hosi leyi Lawulaka, ‘a va nga ta va kutsula vana va majaha kumbe va vanhwanyana; a va ta kutsula moya-xiviri wa vona hikwalaho ka ku lulama ka vona.’”+ 21  “Hikuva Yehovha, Hosi leyi Lawulaka u te, ‘Hikwalaho, swi ta va tano loko ku ta swiendlo swa mina swa mune swa vuavanyisi leswi twisaka ku vava+—banga ni ndlala ni xivandzana xo biha ni ntungu+—entiyisweni ndzi ta rhumela eka Yerusalema, ndzi ya dlaya munhu wa la misaveni ni xifuwo+ eka yena. 22  Kambe waswivo, kunene eka yena ku ta sala vanhu va ntlawa lowu poneke, lava va humesiwaka.+ Vana va majaha ni va vanhwanyana, hi lava! Va ta eka n’wina, mi ta vona ndlela ya vona ni ku tirhisana ka vona.+ Kunene mi ta chaveleriwa ekhombyeni leri ndzi nga ta va ndzi ri tise ehenhla ka Yerusalema, hinkwaswo leswi ndzi nga ta va ndzi swi tise ehenhla ka yena.’” 23  “‘Kunene va ta mi chavelela loko mi vona ndlela ya vona ni ku tirhisana ka vona; kutani mi ta tiva leswaku hinkwaswo leswi ndzi nga ta swi endla eka yena a ndzi swi endli handle ka xivangelo,’ ku vula Yehovha, Hosi leyi Lawulaka.”+

Tinhlamuselo ta le hansi