Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 13:1-23

13  Rito ra Yehovha ri ya emahlweni ri fika eka mina, ri ku:  “N’wana wa munhu, profeta malunghana ni vaprofeta va Israyele lava va profetaka,+ naswona u fanele u byela lava va profetaka leswi nga embilwini ya vona,+ u ku, ‘Yingisani rito ra Yehovha.+  Yehovha, Hosi leyi Lawulaka u te: “Khombo eka vaprofeta lavo hunguka,+ lava fambaka hi ku landza moya wa vona,+ hambiloko va nga vonanga nchumu!+  Vaprofeta va wena va kotisa tinhlati etindhawini leti onhakeke, Wena Israyele.+  Kunene mi nga ka mi nga tlhandlukeli laha ku nga ni mavangwa,+ naswona a mi nge ri aki rirhangu,+ mi ri akela yindlu ya Israyele, leswaku mi yima enyimpini hi siku ra Yehovha.”+  “Va vone leswi nga riki swa ntiyiso ni ku hlahluva ko hemba,+ lava va nge, ‘Marito ya Yehovha hi lawa,’ kasi Yehovha a nga va rhumanga, naswona va rindzele leswaku rito ri hetiseka.+  Xana n’wina a mi vonanga xivono lexi nga riki xa ntiyiso, ni ku hlahluva ko hemba loku mi ku vuleke, loko mi ku, ‘Marito ya Yehovha hi lawa,’ kasi mina a ndzi vulanga nchumu?”’+  “‘Hikokwalaho Yehovha, Hosi leyi Lawulaka u te: “‘Hikwalaho ka leswi mi vuleke leswi nga riki ntiyiso, mi voneke xivono xa mavunwa, hikokwalaho ndzi lwisana na n’wina,’+ ku vula Yehovha, Hosi leyi Lawulaka.”  Voko ra mina ri ve ehenhla ka vaprofeta lava vonaka xivono lexi nga riki xa ntiyiso, lava vhumbhaka mavunwa.+ Eka ntlawa wa vanhu va mina lowu nga ni vun’we+ a va nge tshami, naswona a va nge tsarisiwi+ enxaxamelweni wa yindlu ya Israyele, naswona a va nge ti emisaveni ya Israyele;+ mi ta tiva leswaku hi mina Yehovha,+ Hosi leyi Lawulaka, 10  hikwalaho ka leswi, ina, hikwalaho ka leswi va hambukiseke vanhu va mina, va ku, “Ku ni ku rhula,” kasi ku rhula a ku kona,+ naswona ku ni munhu la akaka khumbi leri avanyisaka, kambe ku ni lava va ri phamaka va ri chuchuta+ hi ndlela ya hava.’+ 11  “Byela lava va phamaka hi ku chuchuta leswaku ri ta wa. Kunene ku ta va ni maboboma lamakulu, kutani, Wena xihangu, u ta wa, ku pfuka ka swidzedze ku ta ri pandza hi le xikarhi.+ 12  Kutani waswivo, khumbi ri fanele ri wa. Xana a ku nge vuriwi eka n’wina leswaku, ‘Wu kwihi nchuchuto lowu mi phameke ha wona?’+ 13  “Hikokwalaho, Yehovha, Hosi leyi Lawulaka u te, ‘Ndzi ta tlhela ndzi pfuxa swidzedze hi vukarhi bya mina, hi ku hlundzuka ka mina ku ta va ni maboboma lamakulu, naswona hi vukarhi ku ta va ni xihangu lexi herisaka.+ 14  Ndzi ta hirimuxa khumbi leri mi ri phameke hi ku chuchuta, ndzi ri hlanganisa ni misava, masungulo ya rona ma fanele ma humela erivaleni.+ Kunene u ta wa, n’wina mi ta hela exikarhi ka yena; mi ta tiva leswaku hi mina Yehovha.’+ 15  “‘Ndzi ta herisa vukarhi bya mina ehenhla ka khumbi, ni le henhla ka lava va phamaka hi ku chuchuta, ndzi ta mi byela ndzi ku: “Khumbi a ra ha ri kona, ni lava va ri phamaka a va ha ri kona,+ 16  vaprofeta va Israyele lava va profetelaka Yerusalema ni lava va n’wi vonelaka xivono xa ku rhula,+ kasi ku rhula a ku kona,”’ ku vula Yehovha,+ Hosi leyi Lawulaka. 17  “Loko ku ri wena, Wena n’wana wa munhu, xikandza+ xa wena a xi lwe ni vana va vanhwanyana va vanhu va wena lava tiendlaka vaprofeta va xisati+ hi ku ya hi mbilu ya vona,+ u profeta ku lwisana na vona. 18  U fanele u ku, ‘Yehovha, Hosi leyi Lawulaka u te: “Khombo eka vavasati lava rhungaka switsimbo va ri swin’we, ehenhla ka swikokola hinkwaswo, va endla minturhu ehenhla ka nhloko ya mpimo wun’wana ni wun’wana, leswaku va hlota mimoya-xiviri!+ Xana mimoya-xiviri leyi n’wina vavasati mi yi hlotaka a hi ya vanhu va mina, kutani mimoya-xiviri leyi nga ya n’wina mi yi londzovota yi hanya? 19  Mi ta ndzi nyamisa eka vanhu va mina hikwalaho ka maxalana yo tata voko ni swiphemu swa xinkwa,+ leswaku mi dlaya mimoya-xiviri leyi nga fanelangiki yi fa,+ leswaku mimoya-xiviri leyi nga fanelangiki yi hanya mi yi londzovota yi hanya hi mavunwa ya n’wina eka vanhu va mina, lava yingisaka mavunwa?”’+ 20  “Hikokwalaho, Yehovha, Hosi leyi Lawulaka u te, ‘Maswivo, vavasati, ndzi lwisana ni switsimbo swa n’wina, leswi mi hlotaka ha swona mimoya-xiviri onge hiloko yi ri swilo leswi hahaka, ndzi ta swi handzula emavokweni ya n’wina, ndzi tshika mimoya-xiviri leyi mi yi hlotaka, mimoya-xiviri kukota loko yi ri swilo leswi hahaka.+ 21  Ndzi ta handzula minturhu ya n’wina, ndzi kutsula vanhu va mina evokweni ra n’wina, a va nge he tlheli va va nchumu lowu khomiweke hi ku hlotiwa evokweni ra n’wina; mi ta tiva leswaku hi mina Yehovha.+ 22  Hikwalaho ka leswi mi yi khomiseke gome mbilu ya lowo lulama hi mavunwa,+ kambe mina ndzi nga n’wi twisanga ku vava, nileswi mi tiyiseke+ mavoko ya lowo homboloka leswaku a nga tlheli endleleni yakwe yo biha leswaku mi n’wi londzovota a hanya,+ 23  hikokwalaho mi nga ka mi nga tshameli ku vona xivono lexi nga riki xa ntiyiso,+ naswona a mi nge he tlheli+ mi vhumbha+ hi ku hlahluva;+ ndzi ta kutsula vanhu va mina evokweni ra n’wina,+ mi ta tiva leswaku hi mina Yehovha.’”+

Tinhlamuselo ta le hansi