Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 12:1-28

12  Rito ra Yehovha ri ya emahlweni ri fika eka mina, ri ku:  “N’wana wa munhu, u tshama exikarhi ka yindlu leyi xandzukaka,+ leyi nga ni mahlo yo vona kambe a yi voni,+ leyi nga ni tindleve ta ku twa kambe a yi twi,+ hikuva i yindlu leyi xandzukaka.+  Loko ku ri wena, Wena n’wana wa munhu, tilunghiselele nhundzu ya le vukhumbini, u ya evukhumbini ninhlikanhi emahlweni ka mahlo ya vona, u fanele u ya evukhumbini ku suka endhawini ya wena u ya eka ndhawu yin’wana emahlweni ka mahlo ya vona. Kumbexana va ta vona, hambileswi va nga yindlu leyi xandzukaka.+  U fanele u humesa nhundzu ya wena ku fana ni nhundzu ya le vukhumbini ninhlikanhi emahlweni ka mahlo ya vona, kutani wena u ta huma nimadyambu emahlweni ka mahlo ya vona ku fana ni lava va humesiwaka va yisiwa evukhumbini.+  “Emahlweni ka mahlo ya vona, boxa ndlela ya wena ekhumbini, u yi humesa ha yo-na.+  Emahlweni ka mahlo ya vona u ta yi rhwala hi katla. U ta yi humesa emunyameni. U ta funengeta xikandza xa wena leswaku u nga yi voni misava, hikuva ndzi ku endle u va xihlamariso+ endlwini ya Israyele.”+  Kutani ndzi endle hi ndlela leyi a ndzi lerisiwe ha yona.+ Ndzi humese nhundzu ya mina, ku fana ni nhundzu ya le vukhumbini, ninhlikanhi; nimadyambu ndzi boxe ndlela ya mina ekhumbini hi voko. Ndzi yi humesile emunyameni. Ndzi yi rhwale hi katla, emahlweni ka mahlo ya vona.  Rito ra Yehovha ri ya emahlweni ri fika eka mina nimixo, ri ku:  “N’wana wa munhu, xana vanhu va yindlu ya Israyele, yindlu leyi xandzukaka,+ a va vulanga eka wena va ku, ‘Xana u endla yini?’ 10  Va byele u ku, ‘Yehovha, Hosi leyi Lawulaka u te: “Malunghana ni ndhuna,+ ku ni ku avanyisiwa ka Yerusalema ni yindlu hinkwayo ya Israyele leyi nga exikarhi ka vona.”’ 11  “Vula u ku, ‘Ndzi muhlolo+ eka n’wina. Vona va ta endliwa hilaha mina ndzi endleke hakona. Va ta ya evukhumbini, eku khotsiweni.+ 12  Loko ku ri ndhuna leyi nga exikarhi ka vona, yi ta yi rhwala hi katla emunyameni, yi huma; va ta boxa khumbi leswaku va yi humesa ha rona.+ U ta funengeta xikandza xakwe leswaku a nga voni misava hi tihlo rakwe.’ 13  Kunene ndzi ta andlala rikoka ra mina ehenhla ka yena, u ta khomiwa hi rikoka ra mina ro hlota;+ ndzi ta n’wi tisa eBabilona, etikweni ra Vakalidiya,+ kambe yena a nga ka a nga ri voni; u ta fela kona.+ 14  Hinkwavo lava va n’wi rhendzeleke ku n’wi pfuna, ni mavuthu yakwe hinkwawo ya nyimpi, ndzi ta va hangalasela eka mheho yin’wana ni yin’wana;+ naswona ndzi ta hlomula banga ndzi va hlongorisa.+ 15  Kutani va ta tiva leswaku hi mina Yehovha, loko ndzi va hangalasa exikarhi ka matiko, kunene ndzi va hangalasa exikarhi ka matiko.+ 16  Exikarhi ka vona ndzi ta siya vavanuna va nga ri vangani lava poneke banga,+ ndlala ni ntungu, leswaku va rungula swilo swa vona hinkwaswo leswi nyenyetsaka+ exikarhi ka matiko lawa va nga ta nghena eka wona;+ kutani va ta tiva leswaku hi mina Yehovha.” 17  Rito ra Yehovha ri ya emahlweni ri fika eka mina, ri ku: 18  “N’wana wa munhu, u fanele u dya xinkwa xa wena hi ku rhurhumela, naswona u fanele u nwa mati ya wena hi ku karhateka ni ku vilela.+ 19  U fanele u byela vanhu va tiko, u ku, ‘Yehovha, Hosi leyi Lawulaka u byele vaaki va Yerusalema ehenhla ka misava ya Israyele,+ a ku: “Va ta dya xinkwa xa vona hi ku vilela, va ta nwa mati ya vona hi ku chava, leswaku ku onhiwa leswi teleke+ etikweni ra vona hikwalaho ka madzolonga ya vanhu hinkwavo lava tshamaka eka rona.+ 20  Miti leyi ku akiweke eka yona yi ta onhiwa,+ tiko ri ta va rhumbi;+ kutani mi ta tiva leswaku hi mina Yehovha.”’”+ 21  Rito ra Yehovha ri tlhela ri fika eka mina, ri ku: 22  “N’wana wa munhu, xana ma vula yini marito ya ku hlekula lawa mi nga na wona emisaveni ya Israyele,+ mi ku, ‘Masiku ma lehisiwile+ naswona xivono xin’wana ni xin’wana xi herile’?+ 23  Hikokwalaho va byele u ku, ‘Yehovha, Hosi leyi Lawulaka u te: “Kunene ndzi ta herisa marito lawa ya ku hlekula, va nga ka va nga ha ma vuli ma va xivuriso eIsrayele.”’+ Kambe va byele, u ku, ‘Masiku ma tshinele,+ ni mhaka ya xivono xin’wana ni xin’wana.’ 24  Hikuva ku nga ka ku nga vi na xivono+ lexi nga pfuniki nchumu kumbe ku hlahluva ka vukanganyisi exikarhi ka yindlu ya Israyele.+ 25  ‘“Hikuva mina Yehovha, ndzi ta vula rito leri ndzi nga ta ri vula, ri ta endliwa.+ A ri nge tlheriseriwi endzhaku,+ hikuva emasikwini ya n’wina,+ N’wina yindlu leyi xandzukaka, ndzi ta vula, kunene ndzi ri endla,” ku vula Yehovha, Hosi leyi Lawulaka.’” 26  Rito ra Yehovha ri ya emahlweni ri fika eka mina, ri ku: 27  “N’wana wa munhu, vona, vanhu va yindlu ya Israyele va ri: ‘Xivono lexi a xi vonaka xa ha ri ekule hi masiku yo tala, naswona u profeta malunghana ni minkarhi leyi nga ekule swinene.’+ 28  Hikokwalaho va byele u ku, ‘Yehovha, Hosi leyi Lawulaka u te: “‘Marito hinkwawo ya mina ma nga ka ma ha tlheriseriwi endzhaku.+ Rito leri ndzi nga ta ri vula, ri ta endliwa,’+ ku vula Yehovha,+ Hosi leyi Lawulaka.”’”

Tinhlamuselo ta le hansi