Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 11:1-25

11  Moya+ wu ndzi tlakusa,+ wu ndzi tisa enyangweni ya le vuxeni bya yindlu ya Yehovha leyi languteke etlhelo ra le vuxeni,+ kutani waswivo, evunghenweni bya nyangwa a ku ri ni vavanuna va 25,+ exikarhi ka vona ndzi vone Yazaniya n’wana wa Azuri na Pelatiya n’wana wa Benaya, tihosana ta vanhu.+  Hiloko a ku eka mina: “N’wana wa munhu, lava i vanhu lava va kunguhataka leswo biha, lava nyikaka xitsundzuxo xo biha emutini;+  lava va nge, ‘Xana ku akiwa ka tindlu a ku tshinelanga?+ Yena i mbita leyikulu,+ hina hi nyama.’  “Hikokwalaho profeta ku lwisana na vona. Profeta, Wena n’wana wa munhu.”+  Hiloko moya wa Yehovha wu wela ehenhla ka mina,+ a ya emahlweni a ku eka mina: “Vula u ku, ‘Yehovha u te:+ “Mi vulavule leswi lulameke, N’wina yindlu ya Israyele; loko ku ri swilo leswi vaka kona emoyeni wa n’wina, mina ndzi swi tivile.+  Mi endle leswaku va tala lava dlayiweke emutini lowu, naswona mi tate switarata swa wona hi lava va dlayiweke.”’”+  “Hikokwalaho Yehovha, Hosi leyi Lawulaka u te, ‘Loko ku ri lava va dlayiweke va n’wina, lava mi va vekeke exikarhi ka yena, vona i nyama,+ yena i mbita leyikulu;+ kutani n’wina mi ta humesiwa exikarhi ka yena.’”+  “‘Banga mi ri chavile,+ kambe ndzi ta tisa banga ehenhla ka n’wina,’ ku vula Yehovha, Hosi leyi Lawulaka.+  ‘Kunene ndzi ta mi humesa exikarhi ka yena, ndzi mi nyiketa evokweni ra vafambi,+ ndzi mi avanyisa.+ 10  Mi ta wa hi banga.+ Ndzi ta mi avanyisa endzilakaneni wa Israyele;+ kutani mi ta tiva leswaku hi mina Yehovha.+ 11  Yena a nga ka a nga vi mbita leyikulu eka n’wina,+ naswona n’wina mi nga ka mi nga vi nyama exikarhi ka yena. Ndzi ta mi avanyisa endzilakaneni wa Israyele, 12  kutani mi ta tiva leswaku hi mina Yehovha, hikuva a mi fambanga eswilerisweni swa mina, a mi endlanga hi ku landza vuavanyisi bya mina,+ kambe mi endle hi ku landza vuavanyisi bya matiko lawa ya mi rhendzeleke.’”+ 13  Kuteloko ndza ha ku profeta, Pelatiya n’wana wa Benaya a fa,+ kutani ndzi wa hi xikandza ndzi huwelela hi rito lerikulu+ ndzi ku: “Oho, Wena Yehovha, Hosi leyi Lawulaka!+ Xana u herisa lava va seleke va Israyele?”+ 14  Rito ra Yehovha ri ya emahlweni ri fika eka mina, ri ku: 15  “N’wana wa munhu, malunghana ni vamakwenu,+ vamakwenu, vanhu lava va khathalaka hi mfanelo ya wena ya ku kutsula, ni yindlu hinkwayo ya Israyele, hinkwayo ka yona, vaaki va Yerusalema va va byerile va ku, ‘Yanani ekule na Yehovha. I ra hina; tiko ri nyikiwe hina ri va ndzhaka ya hina’;+ 16  hikokwalaho vula u ku, ‘Yehovha, Hosi leyi Lawulaka u te: “Hambileswi ndzi va vekeke ekule exikarhi ka matiko, nileswi ndzi va hangalaseke exikarhi ka matiko,+ eka vona ndzi ta va vukwetsimelo bya nkarhinyana exikarhi ka matiko lawa va humaka eka wona.”’+ 17  “Hikokwalaho vula u ku, ‘Yehovha, Hosi leyi Lawulaka u te: “Ndzi ta mi hlengeleta evanhwini, ndzi mi hlengeleta ematikweni lawa a mi hangalaseriwe eka wona, ndzi ta mi nyika misava ya Israyele.+ 18  Kutani va ta ta kona, va susa swilo hinkwaswo leswi nyangatsaka ni swilo swa kona hinkwaswo leswi nyenyetsaka.+ 19  Ndzi ta va nyika mbilu yin’we,+ ndzi va chela ni moya lowuntshwa endzeni;+ kunene ndzi ta susa mbilu ya ribye enyameni ya vona,+ ndzi va nyika mbilu ya nyama,+ 20  leswaku va famba emilawini ya mina, va hlayisa swiboho swa mina swa vuavanyisi, va swi hetisisa hakunene;+ kunene va va vanhu+ va mina kutani mina ndzi va Xikwembu xa vona.”’+ 21  “‘“Kambe, loko ku ri lava mbilu ya vona yi fambaka eka swilo swa vona leswi nyangatsaka ni swilo swa vona leswi nyenyetsaka,+ kunene ndlela ya vona ndzi ta yi tisa ehenhla ka nhloko ya vona,” ku vula Yehovha, Hosi leyi Lawulaka.’”+ 22  Makerubu+ ma tlakusa timpapa ta wona, mavhilwa a ma ri ekusuhi na wona,+ naswona ku vangama+ ka Xikwembu xa Israyele a ku ri ehenhla ka wona.+ 23  Ku vangama ka Yehovha+ ku tlhandluka exikarhi ka muti, ku ya yima ehenhla ka ntshava+ leyi nga le vuxeni bya muti.+ 24  Kutani moya+ wu ndzi tlakusa,+ eku heteleleni wu ndzi tisa eKalidiya eka vanhu lava va nga evukhumbini,+ exivonweni xa moya wa Xikwembu; xivono lexi ndzi xi voneke xi tlhandluka xi suka ehenhla ka mina. 25  Hiloko ndzi byela vanhu lava nga evukhumbini swilo hinkwaswo swa Yehovha leswi a ndzi kombeke swona.+

Tinhlamuselo ta le hansi