Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Ezekiyele 1:1-28

1  Hi lembe ra vu-30, en’hwetini ya vumune, hi siku ra vuntlhanu ra n’hweti, loko ndza ha ri exikarhi ka vanhu lava yisiweke evukhumbini+ ekusuhi ni nambu wa Kebari,+ matilo ma pfuleka,+ hiloko ndzi sungula ku vona swivono swa Xikwembu.+  Hi siku ra vuntlhanu ra n’hweti, ku nga lembe ra vuntlhanu ra ku yisiwa ka Hosi Yoyakini evukhumbini,+  rito ra Yehovha ri fike+ hi ku kongoma eka Ezekiyele+ n’wana wa Buzi lowa muprista etikweni ra Vakalidiya+ ekusuhi ni nambu wa Kebari, naswona voko ra Yehovha ri va ehenhla ka yena endhawini yoleyo.+  Kutani ndzi languta, waswivo, a ku ri ni mheho ya vukarhi+ leyi humaka en’walungwini, papa lerikulu swinene+ ni ndzilo lowu vuvumelaka,+ naswona a wu vangamisa matlhelo hinkwawo, exikarhi ka wona a ku ri ni nchumu lowu langutekaka ku fana ni mpfangano wa nsuku ni silivhere, wu huma exikarhi ka ndzilo.+  Exikarhi ka wona a ku ri ni leswi fanaka ni swivumbiwa swa mune leswi hanyaka,+ a swi languteka hi ndlela leyi: a swi fana ni munhu wa la misaveni.  Xin’wana ni xin’wana a xi ri ni swikandza swa mune,+ naswona xin’wana ni xin’wana xa swona a xi ri ni timpapa ta mune.+  Milenge ya swona a yi ri milenge yo ololoka, ni mikondzo ya swona a yi fana ni sondzo ra rhole;+ naswona a swi vangama ku fana ni ku hatima ka koporo leyi hatimisiweke.+  A ku ri ni mavoko ya munhu ehansi ka timpapa ta swona ematlhelweni ya mune,+ naswona hi mune wa swona a swi ri ni swikandza swa swona ni timpapa ta swona.+  Timpapa ta swona a ti hlanganile. A swi nga hundzuluki loko swi famba; xin’wana ni xin’wana a xi famba xi kongome emahlweni.+ 10  Loko ku ri xivumbeko xa swikandza swa swona, hi mune ka swona a swi ri ni xikandza xa munhu+ ni xikandza xa nghala+ xi ri exineneni,+ naswona hi mune ka swona a swi ri ni xikandza xa nkunzi+ eximatsini;+ hi mune ka swona a swi ri ni xikandza xa gama.+ 11  Swikandza swa swona a swi yimise xisweswo. A swi tlakuse timpapa ta swona.+ Xin’wana ni xin’wana a xi ri na timbirhi leti hlanganeke, kasi timbirhi a ti funengete mimiri ya swona.+ 12  Xin’wana ni xin’wana a xi famba xi kongome emahlweni.+ A swi ya kun’wana ni kun’wana laha moya a wu voyamela ku ya kona.+ A swi nga hundzuluki loko swi famba.+ 13  Loko ku ri xivumbeko xa swivumbiwa leswi hanyaka, a swi languteka ku fana ni makala ya ndzilo lama pfurhaka.+ A ku ri ni nchumu lowu langutekaka ku fana ni swisana+ lowu a wu ya mahlweni ni le ndzhaku exikarhi ka swivumbiwa leswi hanyaka, ndzilo a wu vangama, naswona endzilweni a ku huma rihati.+ 14  Kutani swivumbiwa leswi hanyaka a swi huma swi tlhela swi vuya kukota ku vonakala ka rihati.+ 15  Loko ndzi ri karhi ndzi vona swivumbiwa leswi swi hanyaka, waswivo, a ku ri ni vhilwa rin’we emisaveni etlhelo ka swivumbiwa leswi hanyaka,+ ekusuhi ni swikandza swa mune swa xin’wana ni xin’wana.+ 16  Loko ku ri ku languteka ka mavhilwa+ ni xivumbeko xa wona, a ku kotisa ku hatima ka krisolita;+ naswona hi mune ka wona a ma ri ni xivumbeko xin’we. Ku languteka ka wona ni xivumbeko xa wona a ma fana niloko vhilwa ri ri exikarhi ka vhilwa.+ 17  Loko ma famba, a ma ya ematlhelweni ya wona ya mune.+ A ma nga hundzulukeli eka tlhelo rin’wana loko ma famba.+ 18  Loko ku ri tirhimi ta wona, a ti tlakuke hi ndlela leyi chavisaka; naswona tirhimi ta wona a ti tele mahlo matlhelo hinkwawo, hi mune ka wona.+ 19  Loko swivumbiwa leswi hanyaka swi famba, mavhilwa a ma famba etlhelo ka swona, loko swivumbiwa leswi hanyaka swi tlakuka ehenhla ka misava, mavhilwa a ma tlakuka.+ 20  Laha moya wu voyamelaka ku ya kona, a swi ya kona, kona laha moya wu voyameleke ku ya kona; mavhilwa a ma tlakuka kwala tlhelo ka swona, hikuva moya wa xivumbiwa lexi hanyaka a wu ri emavhilweni. 21  Loko swi famba, na wona a ma famba; kutani loko swi yima swi nga fambi, na wona a ma yima ma nga fambi; loko swi tlakuka ehenhla ka misava, mavhilwa a ma tlakuka kwala tlhelo ka swona, hikuva moya wa xivumbiwa lexi hanyaka a wu ri emavhilweni.+ 22  Naswona ehenhla ka tinhloko ta swivumbiwa leswi hanyaka a ku ri ni lexi fanaka ni xibakabaka+ lexi kotisaka ku hatima ka gamboko leyi chavisaka, xi andlaleke swinene ehenhla ka tinhloko ta swona.+ 23  Naswona ehansi ka xibakabaka, timpapa ta swona a ti ololokile, rin’wana ri ololokele eka rin’wana. Xin’wana ni xin’wana a xi ri ni timpapa timbirhi leti funengetaka tlhelo leri naswona xin’wana ni xin’wana a xi ri na timbirhi leti funengetaka tlhelo lerin’wana ra mimiri ya swona. 24  Hiloko ndzi twa mpfumawulo wa timpapa ta swona, mpfumawulo lowu fanaka ni wa mati yo tala,+ kukota mpfumawulo wa Lowa Matimba Hinkwawo, loko swi famba, mpfumawulo wa nkitsikitsi,+ kukota mpfumawulo wa lava dzimaka mixaxa.+ Loko swi yima swi nga fambi, a swi pfala timpapa ta swona. 25  Kutani ku va ni rito ehenhla ka xibakabaka lexi a xi ri ehenhla ka nhloko ya swona. (Loko swi yima swi nga fambi, a swi pfala timpapa ta swona.) 26  Naswona ehenhla ka xibakabaka lexi a xi ri ehenhla ka nhloko ya swona a ku ri ni nchumu lowu langutekaka ku fana ni ribye ra safiri,+ wu fana ni xiluvelo.+ Kutani ehenhla ka lexi fanaka ni xiluvelo a ku ri ni loyi a langutekaka ku fana ni munhu wa la misaveni ehenhla ka xona,+ ehenhla-henhla. 27  Hiloko ndzi vona nchumu lowu fanaka ni ku hatima ka mpfangano wa nsuku ni silivhere,+ ku fana ni ku languteka ka ndzilo hinkwako endzeni,+ ku suka eka leswi a langutekisaka xiswona emasengeni ni le henhla; kutani ku suka eka leswi a langutekisaka xiswona emasengeni ku ya ehansi ndzi vone nchumu lowu langutekaka ku fana ni ndzilo, naswona a wu vangama matlhelo hinkwawo. 28  A ku ri ni nchumu lowu langutekaka ku fana ni vurha,+ wu vonaka epapeni lerikulu loko mpfula yi na. Ku vangama ematlhelweni hinkwawo a ku languteka hi ndlela yoleyo. A ku ri ku languteka ka xivumbeko xa ku vangama ka Yehovha.+ Kuteloko ndzi ku vona, ndzi wa hi xikandza,+ ndzi sungula ku twa rito ra loyi a vulavulaka.

Tinhlamuselo ta le hansi