Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Estere 9:1-32

9  Hi n’hweti ya vu-12, hileswaku, hi n’hweti ya Adhara,+ hi siku ra vu-13 ra yona, loko ku fika nkarhi wa leswaku ku endliwa rito ra hosi ni nawu wa yona,+ hi siku leri valala va Vayuda va rindzeke leswaku va va tshikilela ha rona, swi endleke hi ndlela yin’wana, lerova Vayuda va tshikilele lava va va vengaka.+  Vayuda va hlengeletane+ swin’we emitini, emigangeni hinkwayo leyi nga ehansi ka vulawuri bya Hosi Ahasuwerusi+ leswaku va tlhandleka voko eka lava va lavaka ku va endla swo biha,+ a ku na munhu la yimeke emahlweni ka vona, hikuva vanhu hinkwavo a va va chava.+  Kutani tihosana+ hinkwato ta miganga leyi nga ehansi ka vulawuri bya hosi ni valanguteri+ ni tindhuna-nkulu ni lava a va endla ntirho+ lava a va ri va hosi a va pfuna Vayuda, hikuva a va chava+ Mordekayi.  Hikuva Mordekayi a a ri nkulu+ endlwini ya hosi naswona ndhuma+ ya yena a yi hangalaka emigangeni hinkwayo leyi nga ehansi ka vulawuri bya hosi, hikuva wanuna loyi Mordekayi a a kula ngopfu.+  Vayuda va dlaya valala va vona hinkwavo hi ku va tlhava hi banga,+ va va dlaya ni ku va lovisa, va endla hi ndlela leyi a va rhandza ha yona eka lava a va va venga.+  Ekhokholweni ra Xuxani+ Vayuda va dlayile, va lovisa vavanuna va 500.  Na Parixanidata, Dalifoni, Asipata,  Porata, Adaliya, Aridata,  Parimaxata, Arisayi, Aridayi na Vhayizata, 10  vana va khume+ va Hamani+ n’wana wa Hamedata, loyi a a venga Vayuda,+ va va dlayile; kambe a va phanganga nchumu.+ 11  Hi siku rero nhlayo ya lava va dlayiweke ekhokholweni ra Xuxani yi fika emahlweni ka hosi. 12  Kutani hosi yi ku eka Estere lowa hosi ya xisati:+ “Vayuda va lovisile ekhokholweni+ ra Xuxani, ku dlayiwe vavanuna va 500 ni vana va khume va Hamani. Xana va endle yini emigangeni+ hinkwayo leyi nga ehansi ka vulawuri bya hosi?+ Xana hi xihi xikombelo xa wena? A xi nyikiwe wena.+ Hi xihi xin’wana lexi u xi lavaka?+ A xi endliwe.” 13  Hiloko Estere a ku: “Loko swi vonaka swi ri swinene eka hosi,+ a va nyikiwe hi ndlela leyi fanaka mundzuku, Vayuda lava va nga eXuxani leswaku va endla hi ku landza nawu wa namuntlha;+ vana va khume va Hamani a va hayekiwe emhandzini.”+ 14  Hiloko hosi yi vula leswaku swi endliwa hi ndlela yoleyo.+ Kutani ku humesiwa nawu eXuxani, ku hayekiwa vana va khume va Hamani. 15  Vayuda va le Xuxana va hlengeletana hi siku ra vu-14+ ra n’hweti ya Adhara, va dlaya vavanuna va le Xuxani va 300; kambe a va phanganga nchumu.+ 16  Loko ku ri Vayuda lavan’wana hinkwavo lava a va ri emigangeni leyi nga ehansi ka vulawuri+ bya hosi, va hlengeletanile, va lwela mimoya-xiviri ya vona,+ va tirihisela+ eka valala va vona ni ku dlaya lava va va vengaka, exikarhi ka lava va va vengaka va 75 000; kambe a va phanganga nchumu, 17  hi siku ra vu-13 ra n’hweti ya Adhara; a ku ri ni ku wisa hi siku ra vu-14 ra yona, a ri endliwe siku ra nkhuvo+ ni ku tsaka.+ 18  Loko ku ri Vayuda lava a va ri eXuxani, va hlengeletane hi siku ra vu-13+ ra yona ni hi siku ra vu-14 ra yona, kutani ku va ni ku wisa hi siku ra vu-15 ra yona, ri endliwe siku ra nkhuvo ni ku tsaka.+ 19  Hi yona mhaka leyi vaaka-tiko va Vayuda, lava va tshamaka emitini ya le migangeni ya le tlhelo, a va endla siku ra vu-14 ra n’hweti ya Adhara+ ri va ra ku tsaka+ ni nkhuvo ni siku lerinene+ ni ra ku rhumelana swo karhi.+ 20  Kutani Mordekayi+ a tsala swilo leswi a rhumela matsalwa ya vumbhoni lama tsariweke eka Vayuda hinkwavo lava a va ri emigangeni hinkwayo leyi nga ehansi ka vulawuri+ bya Hosi Ahasuwerusi, leyi nga ekusuhinyana, ni leyi nga ekule, 21  leswaku va lerisa xiboho+ xo hlayisa siku ra vu-14 ra n’hweti ya Adhara nkarhi hinkwawo ni siku ra vu-15 lembe ni lembe, 22  hi ku landza masiku lawa Vayuda va wiseke ha wona eka valala+ va vona ni hi n’hweti leyi hundzuleke gome ri va ku tsaka eka vona, ni ku rila+ ku va siku lerinene, va ma hlayisa ma va masiku ya nkhuvo ni ku tsaka ni ku rhumelana swo karhi+ ni tinyiko eka swisiwana.+ 23  Vayuda va amukela leswi va sunguleke ku swi endla ni leswi Mordekayi a va tsaleleke swona. 24  Hikuva Hamani+ n’wana wa Hamedata+ lowa Muagaga,+ loyi a a venga+ Vayuda hinkwavo, a a bohe kungu ro dlaya Vayuda,+ naswona a a endle leswaku Puru,+ hileswaku Vuhlolotwana,+ byi hoxiwa, leswaku a va miyeta ni ku va lovisa. 25  Kambe loko Estere a fika emahlweni ka hosi, a vulavula malunghana ni tsalwa ra vumbhoni+ a ku: “Kungu+ rakwe ro biha leri a ri boheke ku lwa ni Vayuda a ri vuye ehenhla ka nhloko yakwe”;+ kutani va n’wi hayeka swin’we ni vana vakwe emhandzini.+ 26  Hi yona mhaka leyi va vitaneke masiku wolawo va ku Purimi, hi vito ra Puru.+ Hi yona mhaka leyi, hi ku landza marito hinkwawo ya papila+ leri ni leswi va swi voneke ku fikela sweswi ni leswi swi teke ehenhla ka vona, 27  Vayuda va swi lerisile va tlhela va swi amukela ehenhla ka vona ni le henhla ka vana va vona, swin’we ni le henhla ka lava va tihlanganisaka na vona,+ leswaku swi nga hundzi, xiboho xa ku hlayisa masiku lawa mambirhi malunghana ni leswi swi tsariweke ha wona, ni hi minkarhi leyi vekiweke lembe ni lembe. 28  Masiku lawa a ma fanele ma tsundzukiwa naswona ma hlayisiwa eka xitukulwana xin’wana ni xin’wana, ndyangu wun’wana ni wun’wana, muganga wun’wana ni wun’wana lowu nga ehansi ka vulawuri bya hosi ni muti wun’wana ni wun’wana, masiku lawa ya Purimi ma nga hundzi eka Vayuda ni xitsundzuxo+ xa kona xi nga heli exikarhi ka vana va vona. 29  Kutani Estere lowa hosi ya xisati, n’wana wa Abihayili,+ na Mordekayi lowa Muyuda a tsala hi matimba swinene leswaku a tiyisekisa papila leri ra vumbirhi malunghana na Purimi. 30  Hiloko a rhumela matsalwa ya vumbhoni eka Vayuda hinkwavo emigangeni ya 127 leyi nga ehansi ka vulawuri bya hosi,+ mfumo wa Ahasuwerusi,+ hi marito ya ku rhula ni ntiyiso,+ 31  leswaku a tiyisekisa masiku lawa ya Purimi hi minkarhi ya wona leyi vekiweke, hilaha Mordekayi lowa Muyuda na Estere lowa hosi ya xisati va va leriseke hakona,+ ni hilaha va leriseke hakona ehenhla ka moya-xiviri wa vona ni le ka vana va vona,+ timhaka ta ku titsona swakudya+ ni ta ku kombela mpfuno.+ 32  Rito ra Estere ri tiyisekisa timhaka leti ta Purimi,+ kutani ti tsariwa ebukwini.

Tinhlamuselo ta le hansi