Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Estere 8:1-17

8  Hi siku rero Hosi Ahasuwerusi a nyika Estere lowa hosi ya xisati yindlu ya Hamani,+ loyi a a ri ni rivengo eka Vayuda;+ kutani Mordekayi a fika emahlweni ka hosi, hikuva Estere a a vurile leswaku i mani eka yena.+  Hiloko hosi yi humesa xingwavila+ xa yona xo fungha lexi yi xi tekeke eka Hamani yi xi nyika Mordekayi; Estere a veka Mordekayi ehenhla ka yindlu ya Hamani.+  Ku tlula kwalaho, Estere a tlhela a vulavula emahlweni ka hosi, a wela emilengeni ya yona a rila, a kombela+ tintswalo ta yona leswaku yi tlherisa vubihi+ bya Hamani lowa Muagaga ni kungu+ rakwe leri a ri boheleke Vayuda.+  Kutani hosi yi tlakusela nhonga ya vuhosi ya nsuku+ eka Estere, Estere a tlakuka a yima emahlweni ka hosi.  Hiloko a ku: “Loko swi vonaka swi ri swinene eka hosi, ni loko ndzi kume tintswalo+ ematihlweni ya yona, mhaka yi fanerile emahlweni ka hosi, naswona ndzi ri lonene ematihlweni ya yona, a ku tsariwe leswaku ku suriwa matsalwa ya vumbhoni lama tsariweke,+ ku nga kungu ra Hamani n’wana wa Hamedata lowa Muagaga,+ leri a ri tsaleke leswaku a lovisa Vayuda+ lava va nga emigangeni hinkwayo leyi nga ehansi ka vulawuri bya hosi.+  Hikuva ndzi nga swi tiyiselela njhani loko ndzi vona khombo leri ri nga ta wela varikwerhu, naswona ndzi nga swi tiyiselela njhani loko ndzi vona ku lovisiwa ka maxaka ya mina?”  Hiloko Hosi Ahasuwerusi a byela Estere lowa hosi ya xisati na Mordekayi lowa Muyuda a ku: “Maswivo! Yindlu ya Hamani ndzi yi nyikete eka Estere,+ yena va n’wi hayeke emhandzini,+ hikwalaho ka leswi a tshambuluteke voko rakwe ku lwa ni Vayuda.  N’wina tsalelani Vayuda leswi swi nga swinene ematihlweni ya n’wina hi vito ra hosi,+ mi swi lema hi xingwavila xo fungha ha xona xa hosi; hikuva tsalwa leri tsariweke hi vito ra hosi ri tlhela ri lemiwa hi xingwavila xo fungha ha xona xa hosi, a swi koteki leswaku ri suriwa.”+  Kutani ku vitaniwa vamatsalana+ va hosi hi nkarhi wolowo hi n’hweti ya vunharhu, hileswaku, hi n’hweti ya Sivhana, hi siku ra vu-23 ra yona; hiloko ku tsariwa hinkwaswo leswi Mordekayi a swi leriseke Vayuda ni valanguteri+ ni tindhuna-nkulu ni tihosana ta miganga leyi nga ehansi ka vulawuri bya hosi leyi a yi sukela eIndiya ku ya aEtiyopiya, miganga leyi nga ehansi ka vulawuri bya hosi yi ri 127,+ muganga wun’wana ni wun’wana lowu nga ehansi ka vulawuri bya hosi wu tsaleriwe+ hi matsalelo ya wona ni vanhu van’wana ni van’wana hi ririmi ra vona,+ ni Vayuda va tsaleriwe hi matsalelo ya vona ni hi ririmi ra vona.+ 10  Hiloko a tsala hi vito ra Hosi+ Ahasuwerusi, a lema+ hi xingwavila xo fungha+ ha xona xa hosi, a rhumela matsalwa ya vumbhoni lama tsariweke hi voko ra varhumiwa lava gadeke tihanci,+ va gade tihanci leti fambisaka mapapila leti tirhisiwaka entirhweni wa le vuhosini, vana va tihanci ta matswele leti nga ni rivilo, 11  leti hosi yi ti nyikeke Vayuda lava a va ri emitini yo hambana-hambana leswaku va hlengeletana,+ va yimela mimoya-xiviri ya vona, leswaku va lovisa, va dlaya ni ku herisa vandla hinkwaro ra vanhu+ ni miganga leyi nga ehansi ka vulawuri bya hosi lava a va va venga, lavatsongo ni vavasati, ni ku phanga swilo swa vona,+ 12  hi siku rin’we+ emigangeni hinkwayo leyi nga ehansi ka vulawuri bya Hosi Ahasuwerusi, hi siku ra vu-13+ ra n’hweti ya vu-12, hileswaku, n’hweti ya Adhara.+ 13  Kopi+ ya tsalwa a yi fanele yi nyiketiwa yi va nawu emigangeni hinkwayo yo hambana-hambana leyi nga ehansi ka vulawuri bya hosi, yi hangalasiwa eka vanhu hinkwavo, leswaku Vayuda va lunghekela siku leri hi xikongomelo xo tirihisela+ eka valala va vona. 14  Loko ku ri varhumiwa,+ va gade tihanci leti fambisaka mapapila leti tirhisiwaka emintirhweni ya le vuhosini, va huma, va hatlisa, va tsutsuma+ hi ku landza rito ra hosi; nawu a wu huma ekhokholweni ra Xuxani.+ 15  Loko ku ri Mordekayi, u ye emahlweni ka hosi a ambale nguvu ya vuhosi+ ya wasi ni ntsembyana, a ri ni harhi leyikulu ya nsuku, ni nkhancu wa lapi ro vevuka+ ra voya lebyi pendiweke byi va bya xivunguvungu.+ Muti wa Xuxani wu ba xivuvutana wu tsakile.+ 16  Ku humelela ku vonakala, ku tsaka,+ ku khana ni ku fundzheka eka Vayuda. 17  Emigangeni hinkwayo leyi nga ehansi ka vulawuri bya hosi ni le mitini hinkwayo yo hambana-hambana laha rito ra hosi ni nawu wa yona a swi fika kona, Vayuda a va tsaka ni ku khana, va endla nkhuvo,+ va va ni siku lerinene; naswona vanhu+ vo tala va tiko a va tivula Vayuda,+ hikuva ku chava+ Vayuda a ku wele ehenhla ka vona.

Tinhlamuselo ta le hansi