Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Estere 7:1-10

7  Hiloko hosi na Hamani+ va nghena enkhubyeni na Estere lowa hosi ya xisati.  Hosi yi tlhela yi ku eka Estere hi siku ra vumbirhi ra nkhuvo wa vhinyo:+ “Xana u lava yini,+ Wena Estere hosi ya xisati? A xi nyikiwe wena.+ Naswona xikombelo xa wena hi xihi? Hafu ya vuhosi+—a swi endliwe!”  Hiloko Estere lowa hosi ya xisati a hlamula a ku: “Loko ndzi kume tintswalo ematihlweni ya wena, Wena Hosi, naswona swi vonaka swi ri swinene eka hosi, a ndzi nyikiwe moya-xiviri+ wa mina loko ndzi wu kombela ni varikwerhu+ loko ndzi va lava.  Hikuva hi xavisiwile,+ mina ni varikwerhu, leswaku hi lovisiwa, hi dlayiwa ni ku herisiwa.+ Loko hi xaviseriwe vanhu hi va mahlonga+ ni malandza ya xisati ya vanhu, a ndzi ta va ndzi miyerile. Kambe maxangu a ma faneli loko swi vavisa hosi.”  Kutani Hosi Ahasuwerusi a ku, ina, a ya emahlweni a ku eka Estere lowa hosi ya xisati: “I mani yoloye,+ naswona i mani la veke ni vurhena+ bya ku endla hi ndlela yoleyo?”  Kutani Estere a ku: “Munhu wa kona, xirha+ tlhelo nala,+ i Hamani loyi wo biha.” Loko ku ri Hamani, a a chava+ hosi ni hosi ya xisati.  Loko ku ri hosi, yi suka yi yima yi karihile,+ yi suka enkhubyeni wa vhinyo yi ya entangeni wa xigodlo; Hamani a suka a yima leswaku a kombelela moya-xiviri wakwe eka Estere lowa hosi ya xisati,+ hikuva a a swi vona leswaku hosi+ yi n’wi kungele+ vubihi.  Hosi yi tlhela entangeni wa xigodlo yi vuya endlwini ya nkhuvo wa vhinyo;+ Hamani a a wele ehenhla ka sangu+ leri Estere a a ri eka rona. Kutani hosi yi ku: “Xana hosi ya xisati yi ta pfinyiwa, mina ndzi ri kona endlwini?” Rito rero ri huma enon’wini wa hosi,+ kutani va funengeta xikandza xa Hamani.  Harabona,+ un’wana wa vatirhi va le hubyeni+ loyi a a ri emahlweni ka hosi, a ku: “Nakambe, ku ni mhandzi+ leyi Hamani a yi endleleke Mordekayi, loyi a vulavuleke leswinene malunghana ni hosi,+ yi yime endlwini ya Hamani—yi tlakuke swisungunu swa 50.” Kutani hosi yi ku: “N’wi hayekeni eka yona.”+ 10  Kutani va hayeka Hamani emhandzini+ leyi a a yi lunghiselele Mordekayi;+ kutani vukarhi bya hosi byi vohla.

Tinhlamuselo ta le hansi