Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Estere 3:1-15

3  Endzhaku ka sweswo Hosi Ahasuwerusi a twarisa Hamani+ n’wana wa Hamedata wa Muagaga,+ a n’wi tlakusa+ naswona a veka xiluvelo xakwe xi va ehenhla ka tihosana letin’wana hinkwato leti a ti ri na yena.+  Malandza laman’wana hinkwawo ya hosi lawa a ma ri enyangweni ya hosi+ a ma nkhinsama ma tiwisela eka Hamani, hikuva hosi a yi lerise tano malunghana na yena. Kambe loko ku ri Mordekayi, a a nga nkhinsami kumbe ku tiwisela ehansi.+  Kutani malandza ya hosi lawa a ma ri enyangweni ya hosi ma ku eka Mordekayi: “Hikwalaho ka yini u honisa xileriso xa hosi?”+  Kuteloko ma ri karhi ma vulavula na yena siku ni siku, naswona a nga ma yingisi, kutani ma byela Hamani ku vona loko mhaka ya Mordekayi yi ta tiya;+ hikuva a a ma byele leswaku yena i Muyuda.+  Hiloko Hamani a hambeta a swi vona leswaku Mordekayi a a nga nkhinsami ni ku tiwisela eka yena,+ Hamani a hlundzuka swinene.+  Kambe a swi n’wi nyenyetsa ematihlweni ya yena ku tlhandleka voko eka Mordekayi a ri swakwe, hikuva a va n’wi byele hi vanhu va ka va Mordekayi; kutani Hamani a sungula ku lava ndlela yo herisa+ Vayuda hinkwavo lava a va ri emfun’weni wa Ahasuwerusi, vanhu va ka va Mordekayi.+  Hi n’hweti yo sungula,+ hileswaku, hi n’hweti ya Nisani, hi lembe ra vu-12+ ra Hosi Ahasuwerusi, un’wana a hoxa Puru,+ hileswaku, Vuhlolotwana+ emahlweni ka Hamani siku ni siku ni hi n’hweti ni n’hweti, ku ya fika eka ya vu-12, hileswaku, n’hweti ya Adhara.+  Hamani a byela Hosi Ahasuwerusi a ku: “Ku ni vanhu va muxaka wo karhi lava hangalakeke+ naswona va taleke exikarhi ka vanhu emigangeni hinkwayo leyi nga ehansi ka vulawuri bya mfumo wa wena;+ milawu ya vona yi hambanile ni ya vanhu lavan’wana hinkwavo naswona a va yi endli milawu ya hosi,+ a swi fanelanga leswaku hosi yi va tshika.  Loko swi vonaka swi ri swinene eka hosi, a ku tsariwe leswaku va lovisiwa; naswona ndzi ta hakela titalenta ta silivhere ta 10 000+ emavokweni ya lava va endlaka ntirho,+ hi ku ti tisa evuhlayiselweni bya xuma xa hosi.” 10  Hiloko hosi yi susa xingwavila+ xa yona xa mfungho evokweni ra yona, yi xi nyika Hamani+ n’wana wa Hamedata lowa Muagaga,+ loyi a a venga Vayuda.+ 11  Kutani hosi yi byela Hamani yi ku: “Wena u nyikiwe silivhere+ swin’we ni vanhu, ku va endla leswi swi nga swinene ematihlweni ya wena.”+ 12  Kutani vamatsalana+ va hosi va vitaniwe hi n’hweti yo sungula hi siku ra yona ra vu-13, kutani ku tsariwa+ hilaha Hamani a leriseke valanguteri va hosi hakona ni tindhuna-nkulu emigangeni leyi nga ehansi ka vulawuri bya hosi,+ ni tihosana ta vanhu vo hambana-hambana, ta muganga wun’wana ni wun’wana lowu nga ehansi ka vulawuri bya hosi hi matsalelo ya wona,+ ni vanhu van’wana ni van’wana hi ririmi ra vona; ma tsariwe hi vito+ ra Hosi Ahasuwerusi naswona ma lemiwe hi xingwavila xa mfungho xa hosi.+ 13  Mapapila ma rhumeriwe hi varhumiwa+ ma ya emigangeni hinkwayo leyi nga ehansi ka vulawuri bya hosi, leswaku Vayuda hinkwavo va lovisiwa, va dlayiwa ni ku herisiwa, majaha ni lava va kuleke, lavatsongo ni vavasati, hi siku rin’we,+ hi siku ra vu-13 ra n’hweti ya vu-12, hileswaku, hi n’hweti ya Adhara,+ nileswaku ku phangiwa swilo swa vona.+ 14  Kopi ya tsalwa leri nga ta nyikeriwa ri va nawu+ emigangeni hinkwayo yo hambana-hambana leyi nga ehansi ka vulawuri bya hosi+ yi hangalasiwe eka vanhu hinkwavo, leswaku va lunghekela siku leri. 15  Varhumiwa va huma, va boheka ku hatlisa+ hikwalaho ka rito ra hosi, naswona nawu wu hume ekhokholweni ra Xuxani.+ Loko ku ri hosi na Hamani, va tshama ehansi leswaku va nwa;+ kambe loko ku ri muti wa Xuxani,+ a wu ri ni hasahasa.+

Tinhlamuselo ta le hansi