Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Estere 1:1-22

1  Kutani emasikwini ya Ahasuwerusi,+ hileswaku, Ahasuwerusi loyi a a ri hosi ku suka eIndiya ku ya fika aEtiyopiya, emigangeni ya 127 leyi nga ehansi ka vulawuri bya hosi,+  emasikwini wolawo Hosi Ahasuwerusi a a tshame exiluvelweni xakwe xa vuhosi,+ lexi a xi ri ekhokholweni+ ra Xuxani,+  elembeni ra vunharhu ra ku fuma kakwe, u endle nkhuvo+ wa tihosana takwe hinkwato ni malandza yakwe, vandla ra nyimpi ra Peresiya+ na Meda,+ va xiyimo xa le henhla+ ni tihosana ta miganga leyi nga ehansi ka vulawuri bya hosi emahlweni kakwe,+  loko a kombisa rifuwo+ ra mfumo wakwe wo vangama ni ku xiximiwa+ ni ku saseka ka vukulu byakwe ku ringana masiku yo tala, masiku ya 180.  Loko masiku lawa ma herile, hosi yi endla nkhuvo wa masiku ya nkombo, wa vanhu hinkwavo lava a va kumeka ekhokholweni ra Xuxani, wa lavakulu ni lavatsongo, exivaveni xa ntanga wa xigodlo xa hosi.  A ku ri ni ntsembyana, vutiyi byo vevuka ni bya wasi+ lebyi a byi tsimbeleriwe byi tiya emapindzeni ya lapi ro vevuka, ni voya lebyi pendiweke byi va bya xivunguvungu+ byi ri eswingwavileni swa silivhere ni tiphuphu ta mavula, switshamo+ swa nsuku ni silivhere ehenhla ka vuandlalo bya pofiri ni mavula ni perela ni mavula ya ntima.  A ku hundzisiwa vhinyo leswaku yi nwiwa yi ri eswibyeni swa nsuku;+ swibya swa kona a swi nga fani, naswona vhinyo ya vuhosi+ a yi tele ngopfu, hi ku ya hi rifuwo ra hosi.  Loko ku ri nkarhi wa ku nwa hi ku landza nawu, a ku nga ri na munhu la sindzisaka van’wana, hikuva hosi a yi hlele hi ndlela yoleyo eka munhu un’wana ni un’wana lonkulu eka vandyangu wa yona, ku endla hi ku ya hi ku rhandza ka un’wana ni un’wana.  Na Vhaxiti+ lowa hosi ya xisati u endle nkhuvo wa vavasati endlwini ya vuhosi ya Hosi Ahasuwerusi. 10  Hi siku ra vunkombo, loko mbilu ya hosi yi tsakisiwe hi vhinyo,+ yi byela Mehumani, Bizita, Harabona,+ Bigita na Abigitha, Zetara na Karakasi, vatirhi va le hubyeni va nkombo lava a va tirhela+ Hosi Ahasuwerusi hi xiviri, 11  leswaku va tisa Vhaxiti lowa hosi ya xisati a vehele xifunengeto xa nhloko xa vuhosi emahlweni ka hosi, a ta komba vanhu ni tihosana ku xonga kakwe; hikuva a a sasekile.+ 12  Kambe Hosi ya Xisati Vhaxiti a hambeta a ala+ ku ta, a ala rito ra hosi leri ri hundziseriweke hi vatirhi va le hubyeni. Hiloko hosi yi hlundzuka ngopfu, vukarhi bya yona byi pfurha endzeni ka yona.+ 13  Kutani hosi yi byela vavanuna vo tlhariha+ lava nga ni vutivi bya minkarhi+ (hi ndlela leyi mhaka ya hosi yi fike emahlweni ka hinkwavo lava va wu tivaka kahle nawu ni milandzu, 14  lava a va ri ekusuhi na yona a ku ri Karixena, Xetara, Adimata, Taraxixi, Merese na Masena na Memukana, tihosana ta nkombo+ ta Peresiya na Meda, leti a ti nghena eka hosi,+ ni leti a ti tshama ku sungula emfun’weni): 15  “Hi ku landza nawu, i yini lexi faneleke xi endliwa eka Hosi ya Xisati Vhaxiti, hikuva a nga swi endlanga leswi vuriweke hi Hosi Ahasuwerusi hi ku tirhisa vatirhi va le hubyeni?” 16  Hiloko Memukana+ a vula leswi emahlweni ka hosi ni tihosana: “Vhaxiti lowa hosi ya xisati a nga endlanga xihoxo eka hosi ntsena,+ kambe u endle xihoxo ni le ka tihosana hinkwato ni vanhu hinkwavo lava va nga emigangeni hinkwayo leyi yi nga ehansi ka vulawuri bya Hosi Ahasuwerusi. 17  Hikuva mhaka leyi ya hosi ya xisati yi ta fika eka vasati hinkwavo, lerova va ta va langutela ehansi+ vini+ va vona ematihlweni ya vona, loko va ku, ‘Hosi Ahasuwerusi u vule leswaku va tisa Vhaxiti lowa hosi ya xisati emahlweni ka yena, kambe a nga tanga.’ 18  Esikwini leri, tihosana ta xisati ta Peresiya na Meda, leti ti tweke mhaka leyi ya hosi ya xisati, ti ta byela tihosana hinkwato ta hosi, naswona ku ta va ni ku hlekula ko tala ni ku hlundzuka.+ 19  Loko swi vonaka swi ri swinene eka hosi,+ a yi humese rito ra vuhosi, naswona a ri tsariwe emilawini+ ya Peresiya na Meda, leswaku ri nga tshuki ri hundza,+ leswaku Vhaxiti a nga ti emahlweni ka Hosi Ahasuwerusi; naswona ku fundzheka kakwe ka le vuhosini, hosi a yi ku nyike nakulobye wakwe, wansati la antswaka ku n’wi tlula. 20  Xileriso xa nawu lexi hosi yi nga ta xi endla xi fanele xi twiwa emfun’weni wa yona hinkwawo (hikuva i wukulu), vaxisati hinkwavo va ta xixima+ vini va vona,+ lavakulu ni lavatsongo.” 21  Mhaka leyi a yi tsakisa ematihlweni ya hosi+ ni tihosana, hosi yi endla hi ku landza rito ra Memukana. 22  Xisweswo yi rhumela matsalwa+ ya vumbhoni lama tsariweke emigangeni+ hinkwayo leyi yi nga ehansi ka vulawuri bya hosi, emugangeni wun’wana ni wun’wana lowu nga ehansi ka vulawuri bya hosi, hi ndlela ya wona ya matsalelo, ni le ka vanhu van’wana ni van’wana hi ririmi ra vona, leswaku nuna un’wana ni un’wana a va hosana hilaha ku yaka emahlweni endlwini yakwe,+ naswona a vulavula hi ririmi ra vanhu va rikwavo.

Tinhlamuselo ta le hansi