Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 9:1-21

9  Hambiswiritano, munyama a wu nge fani ni le nkarhini lowu tiko a ri ri ni maxangu ha wona, ku fana ni le nkarhini wo sungula laha a ku hlekuriwa tiko ra Zebuloni ni tiko ra Neftali+ ni le nkarhini lowu landzeleke loko ku endliwe leswaku ri xiximiwa+—ndlela ya le kusuhi ni lwandle, exifundzheni xa Yordani, Galeliya wa matiko.+  Vanhu lava a va famba emunyameni va vone ku vonakala lokukulu.+ Loko ku ri lava tshamaka etikweni ra ndzhuti lowukulu,+ ku vonakala ku va voningerile.+  Wena u endle leswaku tiko ri tala;+ u endle ku tsaka ka rona ku va kukulu.+ Va tsakile emahlweni ka wena kukotisa loko va tsakela nkarhi wo tshovela,+ ku fana ni lava tsakaka loko va ava leswi phangiweke.+  Hikuva joko ra ndzhwalo+ wa vona ni nhonga leyi nga emakatleni ya vona, nhonga ya loyi a va susumetelaka ku tirha,+ u swi fayeterile ku fana ni le sikwini ra Midiyani.+  Hikuva ntangu yin’wana ni yin’wana ya loyi a kandziyelaka+ hi swigingi ni nkhancu lowu petiweke engatini swi hisiwe kukotisa swakudya swa ndzilo.+  Hikuva hi velekeriwe n’wana,+ hi nyikiwe n’wana wa jaha;+ naswona ku fuma ka vuhosana ku ta va ekatleni ra yena.+ Kutani vito ra yena u ta thyiwa Mutsundzuxi wo Hlamarisa,+ Xikwembu xa Matimba,+ Tatana La Nga Riki Na Makumu,+ Hosana ya Ku Rhula.+  Ku tala ka ku fuma+ ka vuhosana ni ku rhula a swi nge vi na makumu,+ exiluvelweni xa Davhida+ ni le mfun’weni wa yena leswaku a wu simeka wu tiya+ ni ku wu seketela hi vululami+ ni hi ku tshembeka,+ ku sukela sweswi ku ya enkarhini lowu nga riki na makumu. Ku hiseka ka Yehovha wa mavuthu ku ta swi endla.+  A ku ri ni rito leri Yehovha a avanyiseke Yakobe ha rona, kutani ri wela eIsrayele.+  Kunene vanhu va ta ri tiva,+ hinkwavo ka vona, Efrayimi ni vaaki va Samariya,+ hikwalaho ka ku titlakusa ka vona ni hikwalaho ka ku tikurisa ka vona, va ku:+ 10  “Switina swi wile, kambe hi ta aka hi maribye lama vatliweke.+ Minkuwa+ yi tsemiwile, kambe hi ta yi siva hi mikedari.” 11  Kutani Yehovha u ta veka swirha swa Resini ehenhla ka Efrayimi, naswona u ta hlohlotela valala va yena,+ 12  Siriya a ta hi le vuxeni+ ni Vafilisita va ta hi le ndzhaku,+ kutani va ta dya Israyele hi nomu lowu pfulekeke.+ Hikwalaho ka sweswo hinkwaswo, ku hlundzuka ka yena a ku tlhelanga, kambe voko ra yena ra ha tshambulukile.+ 13  Naswona vanhu a va tlhelelanga eka Loyi a va baka,+ naswona Yehovha wa mavuthu a va n’wi lavanga.+ 14  Kutani Yehovha u ta tsema Israyele nhloko+ ni ncila,+ xihluke ni vungu, hi siku rin’we.+ 15  Loyi a kuleke ni wa xichavo lexikulu i nhloko,+ naswona muprofeta la nyikaka xiletelo xa vunwa i ncila.+ 16  Kutani lava va fambisaka vanhu lava, hi vona va va tsendzelekisaka;+ ni lava va fambisiwaka, hi vona va pfilunganyekaka.+ 17  Hi yona mhaka leyi Yehovha a nga ta ka a nga ma tsakeli majaha ya vona,+ ni vana va vona lava nga riki na tatana naswona a nge vi na tintswalo eka tinoni ta vona; hikuva hinkwavo ka vona i vagwinehi+ ni vaendli va leswo biha, naswona nomu wun’wana ni wun’wana wu vulavula vuhunguki. Hikwalaho ka sweswo hinkwaswo, ku hlundzuka ka yena a ku tlhelanga, kambe voko ra yena ra ha tshambulukile.+ 18  Hikuva vuhomboloki byi vuvumela ku fana ni ndzilo;+ byi ta mita swihlahla swa mitwa ni mfava.+ Byi ta pfurha emakhwatini yo tlhuma,+ kutani ma ta tlakuka kukota musi lowu tuvikaka.+ 19  Eku hlundzukeni ka Yehovha wa mavuthu tiko ri hisiwile, naswona vanhu va ta kotisa swakudya swa ndzilo.+ A nga kona la nga ta va ni ntsetselelo hambi eka makwavo.+ 20  Kutani un’wana u ta tsema exineneni kambe u ta va ni ndlala hakunene; naswona un’wana u ta dya eximatsini, kambe a va nge xurhi.+ Un’wana ni un’wana u ta dya nyama ya voko rakwe,+ 21  Manase a dya Efrayimi, Efrayimi a dya Manase. Havambirhi va ta lwa na Yuda.+ Hikwalaho ka sweswo hinkwaswo, ku hlundzuka ka yena a ku tlhelanga, kambe voko ra yena ra ha tshambulukile.+

Tinhlamuselo ta le hansi