Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 8:1-22

8  Kutani Yehovha a ku eka mina: “Teka xiphepherhele lexikulu,+ u tsala ehenhla ka xona hi xitsalo xa munhu wa nyama u ku, ‘Maherixalali-haxibasa.’  Inge ndzi kuma xitiyisekiso+ eka timbhoni to tshembeka,+ muprista Uriya+ na Zakariya n’wana wa Yeberekiya.”  Hiloko ndzi tshinelela muprofeta wa xisati, kutani a tika, hi ku famba ka nkarhi a veleka n’wana.+ Kutani Yehovha a ku eka mina: “N’wi thye vito ra Maherixalali-haxibasa,  hikuva loko mufana a nga si swi tiva ku huwelela a ku,+ ‘Tatana,’ na ‘Manana,’ un’wana u ta teka xuma xa Damaska ni leswi phangiweke swa Samariya a swi veka emahlweni ka hosi ya Asiriya.”+  Kutani Yehovha a ya emahlweni a vulavula na mina a ku:  “Hikwalaho ka leswi vanhu lava va aleke+ mati ya Xilowa+ lama khulukaka khwatsi, nileswi va khanaka+ hikwalaho ka Resini ni n’wana wa Remaliya;+  hikokwalaho, waswivo, Yehovha u va tisela+ mati ya matimba, lama teleke ya Nambu,+ hosi ya Asiriya+ ni ku vangama+ ka yona hinkwako. Kunene u ta famba ehenhla ka swinambyana swa yena hinkwaswo, a famba ehenhla ka timbuwa ta yena hinkwato  kutani a nghena eYuda. Entiyisweni u ta va ndhambi a hundza.+ U ta fika hi le nhan’wini.+ Naswona ku pfuleka ka timpapa+ takwe ku fanele ku tata vuanamo bya tiko ra wena, Wena Emanuwele!”+  Hlundzukani, N’wina, mi fayeteriwa; mi yingisa, n’wina hinkwenu lava nga eswiphen’wini swa le kule swa misava!+ Tikhameni,+ mi fayeteriwa!+ Tikhameni, mi fayeteriwa! 10  Endlani kungu, kutani ri ta hahluriwa!+ Vulani rito rihi ni rihi, a ri nge humeleli, hikuva Xikwembu xi na hina!+ 11  Hikuva hi swona leswi Yehovha a ndzi byeleke swona hi voko leri tiyeke, leswaku a ndzi endla ndzi hambuka endleleni ya vanhu lava, a ku: 12  “N’wina a mi fanelanga mi ku, ‘I xikhiri,’ malunghana ni hinkwaswo leswi vanhu lava va hambetaka va swi vula va ku, ‘I xikhiri,’+ naswona a mi fanelanga mi chava lexi vona va xi chavaka, kumbe mi rhurhumerisiwa hi xona.+ 13  Yehovha wa mavuthu—hi yena Loyi mi faneleke mi n’wi teka a kwetsima,+ mi fanele mi n’wi chava,+ naswona hi yena Loyi a faneleke a endla leswaku mi chava.”+ 14  Kutani u fanele a va ndhawu yo hlawuleka;+ kambe a kotisa ribye ro khugula ni ribye leri khunguvanyisaka+ eka tindlu ta Israyele, a kotisa xirimbana ni ntlhamu eka vaaki va Yerusalema.+ 15  Kutani vo tala exikarhi ka vona va ta khunguvanyeka, va wa, va tshoveka, va yengiwa ni ku khomiwa.+ 16  Bohani xitiyisekiso,+ vehelani xilemo enawini exikarhi ka vadyondzisiwa va mina!+ 17  Kutani ndzi ta tshama ndzi langutele Yehovha,+ loyi a tumbetelaka yindlu ya Yakobe xikandza xakwe,+ ndzi ta n’wi tshemba.+ 18  Maswivo! Mina ni vana lava Yehovha a ndzi nyikeke+ vona hi kotisa swikombiso+ ni masingita eIsrayele, leswi humaka eka Yehovha wa mavuthu, la tshamaka eNtshaveni ya Siyoni.+ 19  Kutani loko vo tshuka va mi byela va ku: “Vutisani vangoma+ kumbe lava nga ni moya wa ku vhumbha+ lava n’unun’utaka ni ku hlevetela,” xana tiko rihi ni rihi a ri fanelanga ri vutisa Xikwembu xa rona?+ [Xana swi fanerile ku kombelela] vanhu lava hanyaka eka vanhu lava feke?+ 20  I swa nawu ni xitiyisekiso!+ Hakunene va ta hambeta va vulavula malunghana ni mhaka leyi,+ leswi nga ta ka swi nga tsuvukeriwi hi vurhonga.+ 21  Kutani un’wana ni un’wana u ta hundza etikweni a tikeriwa, a ri ni ndlala;+ naswona hikwalaho ka leswi a nga ni ndlala ni leswi a hlundzukeke, entiyisweni u ta rhukana hosi yakwe ni Xikwembu+ xakwe naswona hakunene u ta languta ehenhla. 22  U ta languta misava, kutani waswivo, ku ta va ni maxangu ni munyama,+ ku phumela, minkarhi yo nonon’hwa ni ku dzwihala, ku ri hava ku vangama.+

Tinhlamuselo ta le hansi