Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 7:1-25

7  Kutani emasikwini ya Akazi+ n’wana wa Yohatama n’wana wa Uzhiya, hosi ya Yuda, Resini+ hosi ya Siriya na Peka+ n’wana wa Remaliya, hosi ya Israyele, a ya eYerusalema ku ya lwa na yona, kambe a nga swi kotanga ku lwa na yona.+  Kutani ku endliwa xiviko endlwini ya Davhida, xi ku: “Siriya u titshege hi Efrayimi.”+ Hiloko mbilu yakwe ni mbilu ya vanhu vakwe ti sungula ku tsekatseka, ku fana ni ku tsekatseka ka mirhi ya khwati hikwalaho ka mheho.+  Kutani Yehovha a byela Esaya a ku: “Ndzi kombela u huma u ya hlangana na Akazi, wena na Xeyara-yatubu+ n’wana wa wena, emakumu ka mugerho+ wa xidziva lexi nga ehenhla egondzweni lerikulu ra nsimu ya muhlantswi.+  Kutani u fanele u n’wi byela u ku, ‘Tivonele, u nga kavanyetiwi.+ U nga chavi, naswona u nga pfumeleli mbilu ya wena yi va ni rhumbu+ hikwalaho ka makumu mambirhi ya mintsandza leyi tuvikaka musi, hikwalaho ka ku hlundzuka lokukulu ka Resini na Siriya ni n’wana wa Remaliya,+  hikwalaho ka leswi Siriya na Efrayimi ni n’wana wa Remaliya va ku endleleke kungu ro biha, va ku:  “A hi tlhandlukeni hi ya lwa na Yuda kutani hi wu hlasela hi matimba, hi nghena hi wu teka wu va wa hina; naswona a hi vekeni hosi yin’wana yi fuma endzeni ka wona, n’wana wa Tabele.”+  “‘Yehovha, Hosi leyi Lawulaka, u te: “A swi nge endleki, naswona a swi nge humeleli.+  Hikuva nhloko ya Siriya i Damaska, kasi nhloko ya Damaska i Resini; naswona ku nga si hela malembe ya 65 Efrayimi u ta fayeteriwa, a nge he vi na vanhu.+  Nhloko ya Efrayimi i Samariya+ kasi nhloko ya Samariya i n’wana wa Remaliya.+ Loko mi nga vi na ripfumelo, a mi nge tshami nkarhi wo leha ngopfu.”’”+ 10  Kutani Yehovha a tlhela a vulavula na Akazi, a ku: 11  “Tikombelele xikombiso eka Yehovha Xikwembu xa wena,+ xi enta kukota Sheol kumbe xi tlakuka kukota swifundzha swa le henhla.” 12  Kambe Akazi a ku: “A ndzi nge kombeli, naswona a ndzi nge n’wi ringi Yehovha.” 13  Kutani a ya emahlweni a ku: “Ndzi kombela u yingisa, Wena yindlu ya Davhida. Xana i nchumu wutsongo eka n’wina ku karhata vanhu, leswaku mi tlhela mi karhata Xikwembu xanga?+ 14  Hikokwalaho Yehovha u ta mi nyika xikombiso: Maswivo! Nhwanyana+ u ta tika,+ kutani a veleka n’wana wa jaha,+ kunene vito ra yena u ta n’wi thya Emanuwele. 15  U ta dya phehlwa ni vulombe enkarhini lowu a nga ta tiva ku bakanya leswo biha, a hlawula leswinene.+ 16  Hikuva loko mufana a nga si swi tiva ku bakanya leswo biha, a hlawula leswinene,+ tiko ra tihosi timbirhi leti mi ti chavaka ngopfu ri ta siyiwa hi ku helela.+ 17  Yehovha u ta tisa ehenhla ka wena+ ni le henhla ka vanhu va wena ni le henhla ka yindlu ya tata wa wena, masiku lama nga si tshamaka ma va kona ku sukela esikwini leri Efrayimi a fularheleke Yuda ha rona,+ ku nga hosi ya Asiriya.+ 18  “Yehovha u ta vitana tinhongana leti nga emakumu ka misele ya Nayili ya Egipta ni tinyoxi+ leti nga etikweni ra Asiriya,+ 19  kutani swi ta fika swi tshama hinkwaswo, eminkoveni ya maboboma ni le mabakweni ya maribye ni le makhwatini hinkwawo ya mitwa ni hinkwako lomu ku nwiwaka kona mati.+ 20  “Esikwini rero, hi rikari leri lombiweke etikweni leri nga etlhelo ka Nambu,+ ni hi hosi ya Asiriya,+ Yehovha u ta byevula nhloko ni voya bya le milengeni, naswona ri ta susa ni malepfu.+ 21  “Kutani esikwini rero munhu u ta londzovota rhole rin’we entlhambini ni tinyimpfu timbirhi.+ 22  Hikwalaho ka ntswamba wo tala lowu humesiwaka, u ta dya phehlwa; hikuva phehlwa ni vulombe+ hi swona leswi nga ta dyiwa hi un’wana ni un’wana la seleke etikweni. 23  “Kutani esikwini rero ndhawu yin’wana ni yin’wana leyi a yi ri ni mirhi ya vhinya ya 1 000, leyi ringanaka swiphemu swa silivhere swa 1 000,+ yi ta hundzuka—yi ta va ya swihlahla swa mitwa ni swa mfava.+ 24  Hi miseve ni vurha u ta ya kona,+ hikuva tiko hinkwaro ri ta va swihlahla swa mitwa ni mfava ntsena. 25  Tintshava hinkwato leti a ti hlakuriwa hi xikomu—a wu nge yi eka tona hi ku chava swihlahla swa mitwa ni mfava; kunene ti ta va ndhawu yo ntshunxela tinkunzi ni ndhawu ya ku kandziyeriwa hi tinyimpfu.”+

Tinhlamuselo ta le hansi