Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 64:1-12

64  Loko a wu lo handzula matilo hi le xikarhi, loko a wu lo rhelela ehansi,+ loko tintshava a ti lo tsekatseka hikwalaho ka wena,+  ku fana ni loko ndzilo wu hisa mahlahla, ni loko ndzilo wu virisa mati, leswaku vito ra wena ri tiviwa hi swirha swa wena,+ leswaku matiko ma rhurhumela hikwalaho ka wena!+  Loko u endla swilo leswi chavisaka+ leswi a hi nga swi langutelanga, u rhelele ehansi. Tintshava ti tsekatsekile hikwalaho ka wena.+  Ku sukela enkarhini wa khale swinene a va kona lava tweke,+ kumbe lava yingiseke, hambi tihlo leri voneke Xikwembu, handle ka wena,+ la endlaka swo karhi a endlela loyi a tshamaka a n’wi languterile.+  U hlanganise loyi a khanaka naswona a endlaka ku lulama,+ lava ku tsundzukaka etindleleni ta wena nkarhi hinkwawo.+ Waswivo! Wena u hlundzukile,+ loko hina hi tshamela ku dyoha+—nkarhi wo leha, xana hi fanele hi ponisiwa?+  Hina hinkwerhu hi fana ni loyi a nga basangiki, swiendlo swa hina hinkwaswo swa ku lulama swi fana ni nguvu ya nkarhi wa switlhandla;+ hina hinkwerhu hi ta vuna kukota tluka,+ swihoxo swa hina swi ta hi yisa ekule kukota mheho.+  A nga kona loyi a vitanaka vito ra wena,+ a nga kona loyi a pfukaka a ku khoma; hikuva u hi tumbetele xikandza xa wena,+ naswona wa hi n’okisa+ hi matimba ya xihoxo xa hina.  Kutani, Wena Yehovha, u Tata wa hina.+ Hina hi vumba,+ wena u Muvumbi;+ hina hinkwerhu hi endliwe hi mavoko ya wena.+  Oho Yehovha, u nga hlundzuki ku tlurisa,+ naswona u nga tsundzuki xihoxo xa hina hi masiku.+ Ndzi kombela u languta sweswi: hinkwerhu ka hina hi vanhu va wena.+ 10  Miti ya wena yo kwetsima+ yi hundzuke mananga. Siyoni+ u hundzuke mananga lamakulu, Yerusalema u hundzuke rhumbi.+ 11  Yindlu ya hina ya vukwetsimi ni ku saseka,+ leyi vatatana va ku dzuniseke eka yona,+ yi hundzuke nchumu wo hisiwa endzilweni;+ xin’wana ni xin’wana xa swilo+ swa hina leswi navelekaka swi herisiwile. 12  Xana u ta hambeta u tikambela emahlweni ka swilo leswi,+ Wena Yehovha? Xana u ta miyela u hi tshika hi xaniseka ku tlurisa?+

Tinhlamuselo ta le hansi