Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 63:1-19

63  I mani loyi a humaka aEdomu,+ loyi a nga ni tinguvu ta mivala yo vangama wa le Bosira,+ loyi a xiximekaka hi swiambalo swakwe, la fambaka hi matimba yakwe lamakulu? “Mina, Loyi a vulavulaka hi ku lulama,+ Loyi a teleke matimba yo ponisa.”+  Ha yini swiambalo swa wena swi tshwukile, ni tinguvu ta wena ti fana ni ta loyi a pyanyaka xikamelo xa madiriva?+  “Vuhlayiselo bya vhinya ndzi byi pyanye ndzi ri ndzexe,+ enkarhini lowu a ndzi nga ri na munhu. Ndzi hambete ndzi va pyanya hi ku hlundzuka ka mina,+ ndzi hambeta ndzi va kandziyela hi vukarhi bya mina.+ Ngati ya vona leyi phyandlakaka yi phyandlakela etingubyeni ta mina,+ ndzi nyamise swiambalo swa mina hinkwaswo.  Hikuva siku ra ku rihisela ri le mbilwini ya mina,+ ni lembe ra lava kutsuriweke va mina ri fikile.  Ndzi hambete ndzi languta, kambe mupfuni a a nga ri kona; ndzi sungule ku hlamala, kambe a a nga ri kona la ndzi seketelaka.+ Kutani voko ra mina ri ndzi ponisile,+ ni vukarhi+ bya mina byi ndzi seketerile.  Ndzi hambete ndzi kandziyela vanhu hi ku hlundzuka ka mina, ndzi va dakwisa hi vukarhi+ bya mina ni ku yi halata emisaveni ngati ya vona leyi phyandlakaka.”+  Ndzi ta vulavula hi musa wa rirhandzu wa Yehovha,+ ku vongiwa ka Yehovha, hi ku landza hinkwaswo leswi Yehovha a hi endleleke swona,+ ni vunene lebyikulu endlwini ya Israyele+ lebyi a va endleleke byona hi ku landza tintswalo+ ta yena ni hi ku landza ku tala ka musa wakwe wa rirhandzu.  A ya emahlweni a ku: “Hakunene i vanhu va mina,+ vana lava nga ta ka va nga vulavuli mavunwa.”+ Kutani u ve Muponisi wa vona.+  Enkarhini wa maxangu ya vona hinkwawo, na yena a a ri emaxangwini.+ Murhumiwa wa yena u n’wi ponisile.+ Erirhandzwini ni le ka ntsetselelo wa yena u va xavile,+ a va tlakusa, a va rhwala emasikwini hinkwawo ya khale swinene.+ 10  Kambe vona va xandzukile,+ va wu twisa ku vava+ moya wakwe lowo kwetsima. Kutani u hundzuke nala+ wa vona; yena a lwa na vona.+ 11  Kutani a tsundzuka masiku ya khale swinene, Muxe nandza wakwe: “U kwihi Loyi a va humeseke elwandle+ swin’we ni varisi va ntlhambi wakwe?+ U kwihi Loyi a n’wi cheleke moya wa Yena lowo kwetsima?+ 12  Loyi a fambisaka voko+ ra Yena ro saseka evokweni ra xinene ra Muxe; Loyi a avanyisaka mati emahlweni ka vona+ leswaku a tiendlela vito leri tshamaka hilaha ku nga heriki;+ 13  Loyi a va fambisaka ematini lama nga ni matimba lerova va nga khunguvanyeki, ku fana ni hanci emananga?+ 14  Ku fana niloko xiharhi xi rhelela erivaleni, moya wa Yehovha wu va wisisile.”+ Xisweswo u rhangele vanhu va wena leswaku u tiendlela vito ro saseka.+ 15  Languta u ri etilweni,+ u vona u ri evutshan’weni bya wena byo tlakuka bya ku kwetsima ni ku saseka.+ Xana ku kwihi ku hiseka+ ka wena ni matimba ya wena lama teleke, ku pfilunganyeka ka swirho swa wena swa le ndzeni,+ ni tintswalo ta wena?+ Eka mina swi sivelekile.+ 16  Hikuva u Tata wa hina;+ hambiloko Abrahama a nga hi tivanga na Israyele a nga hi tivi, Wena Yehovha, u Tata wa hina. Mukutsuri wa hina wa khale swinene i vito ra wena.+ 17  Ha yini, Wena Yehovha, u hambeta u hi hambukisa etindleleni ta wena? Ha yini u nonon’hwisa mbilu ya hina yi nga ku chavi?+ Vuya hikwalaho ka malandza ya wena, tinyimba ta ndzhaka ya wena.+ 18  Vanhu va wena vo kwetsima+ a va ri ni ndzhaka swa nkarhinyana. Swirha swa hina swi kandziyele vukwetsimelo bya wena.+ 19  Ku ringana nkarhi wo leha hi kotise lava u nga fumangiki ehenhla ka vona, kukota lava vito ra wena ri nga vitaniwangiki ehenhla ka vona.+

Tinhlamuselo ta le hansi