Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 62:1-12

62  Hikwalaho ka Siyoni a ndzi nge miyeli,+ ni hikwalaho ka Yerusalema+ a ndzi nge tshami ndzi miyerile kukondza ku lulama ka yena ku huma kukota ku vangama,+ ni ku ponisiwa ka yena kukota xisana lexi hisaka.+  “Kunene matiko ma ta vona ku lulama ka wena,+ Wena wansati,+ ni tihosi hinkwato ti ta vona ku vangama ka wena.+ Entiyisweni u ta vitaniwa hi vito lerintshwa,+ leri nomu wa Yehovha wu nga ta ri hlawula.  U fanele u va harhi ya ku saseka evokweni ra Yehovha,+ ni xifunengeto xa nhloko xa vuhosi exandleni xa Xikwembu xa wena.  A wu nge he pfuki u vuriwa wansati la siyiweke hi ku helela;+ ni tiko ra wena a ri nge he pfuki ri vuriwa leri pfumalaka vaaki;+ kambe wena u ta vitaniwa, Ku Tsaka Ka Mina Ku Le Ka Yena,+ ni tiko ra wena ri ta vitaniwa, La nga ni N’wini ku fana ni Wansati. Hikuva Yehovha u ta va a ku tsakerile, ni tiko ra wena ri ta va ni n’wini ku fana ni wansati.+  Hikuva tanihi leswi jaha ri vaka n’wini wa nhwana la nga nsati wa rona, vana va wena va ta va n’wini wa wena onge hiloko u ri nsati wa vona.+ Naswona ku fana ni muteki loko a khana eka mutekiwa,+ Xikwembu xa wena xi ta khana ha wena hi ndlela yoleyo.+  Oho Yerusalema, ndzi veke varindzi+ ehenhla ka marhangu ya wena. Siku hinkwaro ni vusiku hinkwabyo, nkarhi hinkwawo, va nga tshuki va tshama va miyela.+ “N’wina lava vulavulaka hi Yehovha,+ mi nga tshuki mi miyela,+  naswona mi nga n’wi nyiki ku rhula kukondza a wu simeka wu tiya, ina, kukondza a veka Yerusalema wu va ku dzunisiwa emisaveni.”+  Yehovha u hlambanyile hi voko rakwe ra xinene+ ni hi voko rakwe leri tiyeke:+ “A ndzi nge he tlheli ndzi nyika valala va wena koroni ya wena yi va swakudya,+ naswona vanhu vambe a va nge he yi nwi vhinyo ya wena leyintshwa,+ leyi u yi tirheleke hi matimba.  Kambe lava va yi hlengeletaka va ta yi dya, kunene va ta dzunisa Yehovha; kasi lava va yi hlengeletaka va ta yi nwa eswivaveni swa mina swo kwetsima.”+ 10  Humani, humani hi tinyangwa. Basisani ndlela ya vanhu.+ Fumbani, fumbani gondzo lerikulu. Ri suseni maribye.+ Yimiselani vanhu xikombiso.+ 11  Waswivo! Yehovha u endle leswaku swi twiwa exiphen’wini xa le kule swinene xa misava:+ “N’wina, byelani nhwanyana wa Siyoni mi ku,+ ‘Waswivo! Ku ponisiwa ka wena ka ta.+ Waswivo! Hakelo leyi a yi nyikaka yi na yena,+ ni hakelo leyi a yi humesaka yi le mahlweni ka yena.’”+ 12  Kunene vanhu va ta va vula vanhu vo kwetsima,+ lava kutsuriweke hi Yehovha;+ kutani wena u ta vuriwa, La Lavisisiweke, Muti Lowu Nga Siyiwangiki Hi Ku Helela.+

Tinhlamuselo ta le hansi