Nghena endzeni

Yana enxaxamelweni wa vumbirhi

Hundzela eka leswi nga endzeni

Timbhoni Ta Yehovha

Xitsonga

Bibele Eka Web Site Leyi | VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 60:1-22

60  “Oho wansati, pfuka,+ voninga, hikuva ku vonakala+ ka wena ku tile+ naswona ku vangama ka Yehovha ku ku voningerile.+  Hikuva waswivo, munyama+ wu ta funengeta misava, ni ku dzwihala lokukulu ku ta funengeta vanhu va matiko; kambe Yehovha u ta voninga ehenhla ka wena, ku vangama ka yena ku ta vonaka ehenhla ka wena.+  Kunene matiko ma ta ya eku vonakaleni ka wena,+ ni tihosi+ eku vangameni ka ku voninga ka wena.+  “Tlakusa mahlo u rhalarhala u vona! Hinkwavo va hlengeletiwile;+ va te eka wena.+ Vana va wena va hambeta va ta va huma ekule swinene, ni vanhwanyana va wena lava nga ta khathaleriwa va ri etsheveni.+  Enkarhini wolowo u ta vona, kunene u ta vangama,+ entiyisweni mbilu ya wena yi ta rhurhumela, yi ndlandlamuka, hikuva ku fuwa ka lwandle ku ta ta eka wena; xuma xa matiko xi ta ta eka wena.+  Mintlhambi leyikulu ya tikamela yi ta ku funengeta, tikamela letitsongo ta Midiyani ni ta Efa.+ Hinkwavo lava humaka eXeba+—va ta ta. Va ta rhwala nsuku ni murhi wa risuna. Va ta tivisa ku vongiwa ka Yehovha.+  Mintlhambi hinkwayo ya Kedari+—yi ta hlengeletiwa eka wena. Makhuna ya Nebayoto+—ma ta ku tirhela.+ Hi mpfumelelo ma ta ta ealitarini ya mina,+ ndzi ta sasekisa yindlu ya mina yo saseka.+  “I vamani lava taka va haha ku fana ni papa,+ ku fana ni matuva loko ma ya etimbhoveni ta swisaka swa wona?  Hikuva swihlala swi ta hambeta swi tshemba mina,+ ni swikepe swa Taraxixi+ ku fana ni le ku sunguleni, leswaku vana va wena va tisiwa va huma ekule,+ va ri ni silivhere ya vona ni nsuku wa vona,+ evitweni+ ra Yehovha Xikwembu xa wena ni le ka Mukwetsimi wa Israyele,+ hikuva u ta va a ku sasekisile.+ 10  Entiyisweni vanhu vambe va ta aka marhangu ya wena,+ ni tihosi ta vona ti ta ku tirhela;+ hikuva ndzi ta va ndzi ku bile+ hi ku hlundzuka ka mina, kambe hi vunene bya mina, kunene ndzi ta ku komba tintswalo.+ 11  “Entiyisweni tinyangwa ta wena ti ta tshama ti pfulekile nkarhi hinkwawo;+ a ti nge pfariwi ninhlikanhi ni nivusiku, leswaku u tiseriwa xuma xa matiko,+ tihosi ta wona ti ta rhangela.+ 12  Hikuva tiko rihi ni rihi ni mfumo wihi ni wihi leswi nga ta ka swi nga ku tirheli swi ta lova; kunene ni matiko ma ta herisiwa.+ 13  “Ku vangama ka Lebanoni ku ta ta eka wena, murhi wa yunipa, murhi wa nyamarhi ni kipresi hi nkarhi lowu fanaka,+ leswaku ku sasekisiwa ndhawu ya vukwetsimelo bya mina;+ ndzi ta vangamisa ndhawu ya milenge ya mina.+ 14  “Vana va lava va ku xanisaka va fanele va suka eka wena, va nkhinsama ehansi;+ hinkwavo lava ku khomaka hi ndlela leyi nga kombisiki xichavo va fanele va nkhinsama emikondzweni ya milenge ya wena,+ va ta ku vitana muti wa Yehovha, Siyoni+ wa Mukwetsimi wa Israyele. 15  “Ematshan’weni ya ku va loyi a siyiweke hi ku helela, la vengiwaka, ku ri hava loyi a hundzaka,+ ndzi ta ku veka u va nchumu wa ku tinyungubyisa hilaha ku nga riki na makumu, ku khana eka xitukulwana xin’wana ku ya eka xitukulwana xin’wana.+ 16  Entiyisweni u ta an’wa ntswamba wa matiko,+ naswona u ta an’wa mavele ya tihosi;+ hakunene u ta tiva leswaku mina, Yehovha,+ ndzi Muponisi wa wena,+ Lowa Matimba+ wa Yakobe i Mukutsuri wa wena.+ 17  Ematshan’weni ya koporo ndzi ta tisa nsuku,+ ematshan’weni ya nsimbi ndzi ta tisa silivhere, kasi ematshan’weni ya ntsandza, koporo, ematshan’weni ya maribye, nsimbi; naswona ndzi ta veka ku rhula ku va valanguteri+ va wena ni ku lulama ku va vaaveri va ntirho wa wena.+ 18  “Madzolonga a ma nge he pfuki ma twiwile etikweni ra wena, ku phanga kumbe ku tshovelela emindzilakaneni ya wena.+ Kunene marhangu ya wena u ta ma vitana ku Ponisiwa+ kasi tinyangwa ta wena u ta ti vitana ku Dzunisa. 19  Eka wena dyambu a ri nge he vi ku vonakala ninhlikanhi, ni ku vangama ka n’weti a ku nge he ku nyiki ku vonakala. Eka wena Yehovha u ta va ku vonakala loku tshamaka hilaha ku nga heriki,+ Xikwembu xa wena xi va ku saseka ka wena.+ 20  Dyambu ra wena a ri nge he peli, ni n’weti wa wena a wu nge he nyamalali; hikuva Yehovha u ta va ku vonakala ka wena loku tshamaka hilaha ku nga heriki,+ kutani masiku ya ku rila ka wena ma ta hela.+ 21  Loko ku ri vanhu va wena, hinkwavo va ta va vo lulama;+ va ta dya ndzhaka ya tiko+ hilaha ku nga riki na makumu, ku hluka ka leswi ndzi swi byaleke,+ ntirho wa mavoko ya mina,+ leswaku ndzi sasekisiwa.+ 22  Lontsongo u ta va gidi, kasi lontsongo ngopfu u ta va tiko ra matimba.+ Mina Yehovha, ndzi ta swi hatlisisa hi nkarhi wa swona.”+

Tinhlamuselo ta le hansi