Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 6:1-13

6  Hambiswiritano, elembeni leri Hosi Uzhiya a feke+ ha rona, ndzi vone Yehovha+ a tshame exiluvelweni+ xo tlakuka ni lexi nga ehenhla naswona tinguvu takwe a ti tata tempele.+  Ehenhla ka yena a ku yime tiserafi.+ Yin’wana ni yin’wana a yi ri ni timpapa ta tsevu. Timbirhi a yi tifunengeta xikandza ha tona,+ timbirhi a yi tifunengeta milenge ha tona, kutani timbirhi a yi haha ha tona.  Kutani yin’wana yi huwelela yin’wanyana yi ku: “Wa kwetsima, wa kwetsima, wa kwetsima Yehovha wa mavuthu.+ Misava hinkwayo yi tele ku vangama kakwe.”  Swihukuva+ swa tinyangwa swi sungula ku tsekatsekisiwa hi rito ra loyi a a vitana, kutani yindlu yi tala musi hakatsongo-tsongo.+  Kutani ndzi ku: “Khombo eka mina! Hikuva swi fana ni loko ndzi miyetiwile, hikuva ndzi munhu la nga basangiki enon’wini,+ ndzi tshama exikarhi ka vanhu lava nga basangiki enon’wini;+ hikuva mahlo ya mina ma vone Hosi, Yehovha wa mavuthu hi byakwe!”+  Hiloko yin’wana ya tiserafi yi hahela eka mina, evokweni ra yona a yi ri ni kala leri vuvumelaka+ leri yi ri okeke hi ritlama ealitarini.+  Kutani  yi khumba nomu+ wa mina yi ku: “Waswivo! Ri khumbe nomu wa wena, kutani xihoxo xa wena xi sukile ni xidyoho xa wena xi rivaleriwile.”+  Hiloko ndzi twa rito ra Yehovha ri ku: “Xana ndzi ta rhuma mani, i mani la nga ta hi yela?”+ Kutani ndzi ku: “Hi mina loyi! Ndzi rhume.”+  Kutani a ku: “Famba u ya byela vanhu lava u ku, ‘Ku twa mi ta twa, kambe a mi nge twisisi; ku vona mi ta vona, kambe a mi nge byi kumi vutivi.’+ 10  Endla mbilu ya vanhu lava yi sihalala,+ u endla ni tindleve ta vona ti nonon’hwa,+ u endla mahlo ya vona ma namarhelana, leswaku va nga voni hi mahlo ya vona ni hi tindleve ta vona va nga twi, nileswaku mbilu ya vona yi nga twisisi leswaku va nga tlheleli endzhaku kutani va horisiwa.”+ 11  Hiloko ndzi ku: “Ku fikela rini, Wena Yehovha?”+ Kutani a ku: “Ku fikela loko miti yi wa yi va marhumbi, yi nga vi na vaaki, ni tindlu ti nga vi na munhu wa la misaveni, ni misava yi onheteriwa;+ 12  kutani Yehovha a susa vanhu va la misaveni va ya ekule, ni ku fularheriwa ku va kukulu exikarhi ka tiko.+ 13  Naswona ka ha ta va ni vukhume eka rona,+ ri fanele ri tlhela ri hisiwa ku fana ni mirhi, lowukulu ni lowukulu ngopfu, leyi loko yi tsemiwa+ yi vaka ni xikundzu;+ mbewu yo kwetsima yi ta va xikundzu xa rona.”+

Tinhlamuselo ta le hansi