Seta screen reader

Hlawula ririmi

Yana enxaxamelweni wa vumbirhi

Hundzela eka leswi nga endzeni

Nghena endzeni

Timbhoni Ta Yehovha

Xitsonga

Bibele Eka Web Site Leyi

VUHUNDZULUXERI BYA MISAVA LEYINTSHWA BYA MATSALWA YO KWETSIMA

Esaya 58:1-14

58  “Huwelela hi rito ra wena hinkwaro; u nga tifeleli.+ Tlakusa rito ku fana ni nanga, u byela vanhu va mina ku tlula nawu ka vona,+ ni yindlu ya Yakobe swidyoho swa yona.  Kambe siku ni siku a va hambeta va ndzi lava, naswona a va tsakela ku tiva tindlela ta mina,+ ku fana ni tiko leri hanyeke hi ku tshembeka ni leri nga byi siyangiki vululami bya Xikwembu xa rona,+ hikuva va hambete va kombela leswaku ndzi va avanyisa hi ku lulama, va tshinela eka Xikwembu lexi va xi tsakeleke,+  “‘Hikwalaho ka yini hi titsona swakudya, n’wina mi nga swi voni,+ ni ku xanisa moya-xiviri+ wa hina kambe n’wina mi nga swi lemuki?’+ “Hakunene n’wina a mi kuma ntsako esikwini ra ku titsona ka n’wina swakudya, laha hinkwavo lava va mi tirhelaka hi matimba a va ri kona, lava a mi tshamela ku va susumetela ku tirha.+  Hakunene mi nga titsona swakudya hikwalaho ka ku holova ni nyimpi,+ ni hikwalaho ka ku ba hi xibakele xa vuhomboloki.+ Xana a mi titsonanga swakudya ku fana ni le sikwini leri mi endleke rito ra n’wina ri twala eku tlakukeni?  Xana ku titsona swakudya loku ndzi ku hlawuleke ku fanele ku kotisa leswi, ku fana ni siku leri munhu wa la misaveni a xanisaka moya-xiviri wakwe?+ Siku ra ku korhamisa nhloko yakwe ku fana ni vungu, a andlala nguvu yo khwaxa ni nkuma swi va sangu rakwe?+ Xana hi swona leswi mi swi vitanaka ku titsona swakudya ni siku leri amukelekaka eka Yehovha?+  “Xana loku a hi kona ku titsona swakudya loku ndzi ku hlawuleke? Ku ntshunxa tinsimbi ta vuhomboloki,+ ku ntshunxa switsimbo swa joko,+ ni ku ntshunxa lava pfotlokeke va famba,+ ni leswaku n’wina mi tsema joko rin’wana ni rin’wana hi le xikarhi?+  Xana a hi ku pambulela la nga ni ndlala xinkwa xa wena,+ ni leswaku u nghenisa loyi a xanisekaka, loyi a nga riki na kaya endlwini ya wena?+ Leswaku, loko wo tshuka u vona munhu a nga ambalanga, u n’wi funengeta,+ nileswaku u nga tifihli enyameni ya wena?+  “Loko swi ri tano ku vonakala ka wena a ku ta huma kukota vurhonga;+ naswona a wu ta hanya hi ku hatlisa.+ Kunene ku lulama ka wena a ku ta famba emahlweni ka wena;+ ku vangama ka Yehovha a ku ta ku rindza endzhaku.+  Loko swi ri tano a wu ta vitana, kutani Yehovha a a ta hlamula; a wu ta kombela ku pfuniwa,+ yena a a ta ku, ‘Hi mina loyi!’ “Loko wo susa joko exikarhi ka wena,+ ku kombetela hi ritiho+ ni ku vulavula swo biha;+ 10  naswona u ta nyika loyi a nga ni ndlala ku navela ka moya-xiviri wa wena,+ u ta enerisa moya-xiviri lowu xanisekaka, kunene ku vonakala ka wena na kona ku ta voninga emunyameni, ku dzwihala ka wena ku ta kotisa nhlikanhi.+ 11  Kutani Yehovha u ta boheka ku ku rhangela+ nkarhi hinkwawo+ ni ku enerisa moya-xiviri wa wena ni le tikweni leri vavuriweke,+ u ta tiyisa marhambu ya wena;+ wena u ta fana ni ntanga lowu kumaka mati,+ u fana ni xihlovo xa mati, lexi mati ya xona ma tshamaka ma ri kona. 12  Kunene hi ku ya hi ku rhandza ka wena vanhu va ta aka tindhawu leti nga ni nkarhi wo leha ti onhakile;+ u ta yimisa ni masungulo ya switukulwana leswi yaka emahlweni.+ Entiyisweni u ta vitaniwa mupfali wa vangwa,+ loyi a pfuxetaka tindlela to tshama eka tona. 13  “Loko wo tlherisa nenge wa wena leswaku u nga endli leswi ku tsakisaka hi siku ra mina ro kwetsima hikwalaho ka savata,+ kutani u vitana savata leswaku i ntsako lowu heleleke, siku ro kwetsima ra Yehovha, leri vangamisiwaka,+ entiyisweni u ri vangamisa ematshan’weni yo endla tindlela ta wena, ematshan’weni yo kuma leswi ku tsakisaka ni ku vula rito; 14  hikwalaho ka sweswo u ta kuma ntsako lowu heleleke eka Yehovha,+ ndzi ta ku khandziyisa etindhawini leti tlakukeke ta misava;+ ndzi ta endla leswaku u dya ndzhaka ya Yakobe tata wa wena,+ hikuva nomu wa Yehovha wu vurile.”+

Tinhlamuselo ta le hansi